الشررطه النسائيه والمجتمعيه ... لبنات البحرين .. نحن في خدمة الشعب !!

هلا ايمي شخبارج

ان شاء الله يكون هالموضوع فاتحة خير علينا

ونسمع خبر توظيفج ان شاء الله

مبروك والله يوفقكم

السلام عليكم ورحمة الله وبركاته
أخواتي العزيزات حبيت أشارككم في المنتدى وفي موضوعكم الشيق الشرطة النسائية وأتمنى أن تقبلوني كعضوة جديدة في المنتدى وتقبلوا فائق تحياتي...ويعطيكم ألف عافية على المجهود الرائع والمعلومات القيمة.

حيااااااااكم الله يالغالين .. وحيالله الاعضاء اليدد معانا في هالموضوع .
شرفتونا ... ونورتوا الموضوع ..


بالنسبه لأخر الاخبااار .. سمعت جم خبر .. وقلت بتأكد من الخبر .. وبعدين بنزله لكم .. لان لحد الان مب متأكده منه .. عشان جذي بسووي شوية تحريات وراح اخبركم اول بأول ..

اللي يسأل عن فتح باب التوظيف .. انا ذكرت من قبل ان باب التوظيف موقف ... واي احد يروح يراجع او بيقدم اوراق بيرجعونه .. بس سمعت ان جم شخص مقربين لي .. قدموا اوراقهم .. من قبل 3 اسابيع تقريبا .. وخذوا اوراقهم . ويوم سألتهم شلون .. قالوا ان اهم راحوا اكثر من 3 مرات .. وكل مره يرجعونهم .. بس حظهم وبالصدفه .. دخلوهم وخذوا واراقهم ..

انا مادري .. يمكن عشان يسكتونهم .. او يمكن صج فعلا يبون يوظفونهم ..
الله اعلم .

المختصر من السالفه .. حاولوا مره مرتين يمكن يصير في صفكم الحظ مثل ما صار مع اللي اعرفهم ..

موفقين ..

الغاليه ..
انا رديت عليج .. وكتبت رد ..
وتوني مكتشفه ... اليوم .. ان ردي ما انكتب هني ..
مع ان كتبت لج الرد في نفس اليوم اللي سألتي فيه

ع العموم ..
يشرفني اني اكتب لج مره ثانيه ..
لان هدفي من الموضوع ان تعم الفائده ع الجميع ..

بالنسبه للرتب العسكريه ..
بقولج الي اعرفه ..
ثنووي .. خيط واحد .. شرطي
دبلوم .. خيطين .. نائب عريف ..
بكالريووس .. رئيس عرفه .. مرشح ضابط ..
ماجستير .. ملازم ..

وبعدين يرتفع الشخص ..

ملازم - ملازم أول - نقيب - رائد - مقدم - عقيد - عميد - لواء - فريق - فريق أول

هاي كل اللي اعرفه .. واتمنى باقي الاعضاء يفيدونج ..

بالنسبه لي .. اذا تم قبولي بأذن الله .. بدش بخيطين .. لان عندي دبلوم .. وبصير نائب عريف ..


موفقه حبيبتي .. انتي ما قلتي لنا شنو شهادتج وشنو خاطرج تصيرين .؟؟!!
واذا قدمتي للداخليه او لا ؟!! ومتى ؟!!

شاركينا بمعلوماتج .. واتمنى لج كل الخير ..

woow
wwow
الصراحه سامحوني سامحوني سامحوني .. مادريت بالرابطه

وعشان اكفر عن تأخيري اخر الاخبار .. وطبعا على حسب الي قال

خواتي الدفعه على حسب كلام الضابط .. ان بدشون نص 12 ... او بدايته ...

وولو ماصار فرصه احتمال يدشونه مع الشرطه الرجال ..في يناير ..

اتمنى والله من كل قلبي يتم قبول الجميع ..

ادخال اوراق جديده .. حتى لو خذوهم .. ما بتم النظر فيهم الا بموافقه الوزير!!

وطبعا ... بالتوفيق للجميع ..

الله ..كريم ان شاء الله

يعطيج العافيه ايمي على الموضوع والرابطه .. عزيزتي وسروي مره ثانيه ..

:)
ام جنى

مبروك عليكم افتتاح الرابطة الجديدة

بس حابة اسألكم هم ياخذون متزوجات ؟!!.!

انا قبل كم سنة رحت مع مرة اخوي وكلش اخذو علينا وزن زكل شي لما كنا بنقدم اوراقنا بس من عرفوا متزوجين قالوا لنا تيسرووو>>> :(

والتوفيق للكل والجميع ياااارب .

اختي الشرطه المجتمعيه ياخذون متزوجين

اذا كنتو مقدمين حق الشرطه النسائية .. فهم يبون بس عزابيه..

ومايصير متزوجين... وبالتوفيق ..

أم جنى يصير نقدم الحين لشرطة المجتمع وعادة كم رواتبهم ؟؟؟

ممم الصراحه ماقدر افيدج وايد بس اعتقد ان نفس الشي يعني لو عندج ثانويه خيط .. ولو دبلوم خيطين وهكذا

اهنيج ..الصراحه .. ايمي على .. ترتيب الرتب تقدم سريع :)

ام جنى

بنات

اليوم ابتدو مقابلات النهائيه .. في احد اتصلو فيه ........ اعتقد بعد بيكون فيه مقابلات الاسبوع الياي .......... في احد عنده اي معلومه تفيدنا !!

يارب يتصلون .... :( صادني احباط

ام جنى

اني ميته حدي ابي اتوظف في الشرطة النسائية

بس زوجي الله يهديه هو عسكري ومو راضي اني ادخل في نفس المجال

بس ابي اعرف شى واحد متى نروح نقدم

واذا تعرفون الدوام شنو بيكون وكم رواتبهم

يعطيكم العافيه

ام جنى ...

ابداااااااااااااااااااااااااع .. ابداع الردود حقتج :) ----<<< عاشووا السعوديه :)
فديتج والله .. ويسلمو على الاخبااار اللي تفتح النفس ...
ياررررررررب من بؤك لباب السما ---->>> عاشوووووووا المصريه :)

انشالله يكون في بدايه شهر 12 .. عشان الكل يرتاح .. ومبرووك حق المقبولين مقدما ..


عيووون عيسى .. حبيبي سمعي ..
بما انج متزوجه .. بتقدمين حق شرطه مجتمع ..
الراتب الثابت ؟؟ 383 ديناار .. او يمكن ناقص دينار واحد :) .. اذا كنتي خيطين ..
في لج زيادات مثل .. علاوه قسم .. والى ما شاابه ....
تقريبا الراتب يوصل بعد كل الزيادات والعلاوات . الى 420 او 430 دينااار ..
الدوام .. من 7 الى 2 ظهرا ..
غير الشفتات ..
لان النظام غيروا .. وصار ان كل شرطيه .. يوم واحد في الشهر .. بيصيدها شفتات .. يعني يتصلون فيها اي وقت تروح لهم .. تكمل شغل و تمشي .. عادي يتصلون لج في اليوم ثلاث اربع مرااات .. لازم تحملين .. وفي اي وقت يتصلون . متى ما صارت عندهم قضايا او ما شابه ..
في توقيع على ان ولي امرج موافق على شغل الشفت .. بس مادري اذا كان ساري على جميع الشرطيات ..

اممممممم ... واي اسئله ثانيه انا حاضره .. حياج الله

نور الورد .. المتزوجات .. ياخذونهم شرطه مجتمعيه ..



حياكم الله .. كلكم .. وانشالله كل وحده تتوظف في الشغل اللي تحبه ...,,
تحياااااااتي



emey

الله يسلمج حبوبه ويعطيج العافيه ..
سامحوني الليله تعبانه وايد
بنام ان شاء الله .. اليوم وباجر والي بعده بتفرغ لكم

ام جنى