استفسار عن تمكين البحرين

هلا اختي
من ناحية الدورات والله اعلم انه ينزلون دورات بين فترات معينة مو على طول ..... قبل سنة كنت مسجلة في تمكين وانة بس مخلصة ثانوية وطلبت كذا مرة دورات وكله يقولون لي مكو دورات معنه نسأل ناس يقولون لنا في دورات في معهد البحرين تبع تمكين ولمن نروح يقولون مكو ....... سكت عنهم وسكروا ملفي ورحت معهد البحرين للضيافة وهذا تبع تمكين بعد بنفسي وسجلت مو هم الي رشحوني الى هالدورة وقبلوني المعهد .
الي مسجلين وياي معظمهم تبع تمكين ويعطونج الدورة ويدورون لج 3 اشغال وانتي وحضج بس مو اكيد بعد هالدورات راح تتوظفين ولا يدورون لج شغلات مثل وجوهم وانتي بترفضينها .
وشغلة تمكين تدور لج وظيفة وممكن تخذين دورات عندهم .... وينزلون لج ضد التعطل فلوس .
وشلون تسجلين .... تروحين وزارة العمل او المراكز الاجتماعية التابعة الى منطقتج وتودين اوراقج شهاداتج وصورة من البطاقة السكانية والجواز وصورتين وتملين ورقة بالاضافة الى انه لزم تفتحين لج حساب بالبنك .....بعدها يقولون لج انه عندج محاظرة وامتحان في اليوم الفلاني وتروحين وينفتح ملفج عندهم وتروحين كل اسبوع تراجعينهم لزم على ما يحصلون لج وظيفة

طبعاً بدل التعطل ناس يحصلون وناس مايعطونهم !!

كله هرار في هرار , مسكتين الناس بمشاريع وبهالتمكين وكلها ماتسوي حل للعاطلين , لا الوزارة ولا تمكين فيهم خير

مااحبط احد لكن هذا الواقع للأسف !!!

war2009dah;10542550:
طبعاً بدل التعطل ناس يحصلون وناس مايعطونهم !!

كله هرار في هرار , مسكتين الناس بمشاريع وبهالتمكين وكلها ماتسوي حل للعاطلين , لا الوزارة ولا تمكين فيهم خير

مااحبط احد لكن هذا الواقع للأسف !!!

كل وحدة وحظها يا عطوها ضد التعطل او لا ......
وصج في ناس وايد ما لقوا لهم شغل ولا سوو لهم حل ..... بس بعد لو تحصلين منهم دورة كمن شهر تقضين فيهم وقتج و تستفيدين او تحصلين منهم بيزتين احسن من ولا شيء بعدين هالفلوس الي بيعطونج اياها من ابوج واخوج وزوجج يقصونها من معاشاتهم مو عاطيتج اياها من جياستهم ليش ما اروح اراكض وراهم اخذها .... واسعى يا عبدي وانا اسعى وياك و الله يوفق الجميع ان شاء الله

شنسوي يا بنات هالدولة حاطة مصيرنا بوزارة العمل وتمكين وهالباب على هالخراب