قصة أختي وخيانة ريلها على البلاك بيري ،، شوفوا شو صار..

معلش اختي تحملي الكلمتين الي بقولهم ..

إذا عرف السبب بطل العجب ...

الريال يدور ( كلام وحنان ودلع )

والي تستحي من ولد عمها ما تيب عيال ...
5 سنوات ويايبه منه عيال وللحين تستحي منه ... الطيبه والحنيه ما تنفعها في المواقف هذا

لا تلوم ريليها ان يطالع برع .. لان اساسا ناقص بالبيت .. ومافي !!

ليش تزعل .. المفروض تزعل من نفسها الغاليه .. مو منه . لانها هي الي حرضته ودفعته .. حق ان يناظر برع البيت ... صح هو غلطان وكان المفروض يحاول

بس خمس سنوات فتره مب قصيره والريال (((((( مل))))))))))

شنو تنتظر يعني يسوي .. كانت جدامها علامات واضحه .. وصريحه ..

الحل وبكل بساطه تغير من نفسها واسلوبها وكلامها .. والحيا ما بينفعها .. واعتقد ان هالشي يكون لها درس .. الحجي الحلو والحب مايبي له دروس وكلام .

يكفي انها تعبر عن مشاعرها بكل صدق .. وشاعريه .. وبتشوف مع الوقت زوجها بيميل لها الحين هي تعرف بالضبط زوجها شنو يبي وشنو يدور ..
خليها تلحق عليه .. قبل لا .. يصير شي تندم عليه ..

تحياتي

ام جنى

صادقة أم جنى :)

والله هالكلام قلته قبلج بس الحمد لله هي فهمت وحاسه بالندم بس قاعده تحاول الله يهديها أدري الريال ما ينلام بس حرام أختي صار وياها هالموقف بدون سابق أنذار وبعدين حتى هو ما يقول لها كلام حلو عشان جيه ما تشجعت تنطق .. أدري هذا مب عذر بس الله كريم ..ياااااااااااااااااااااااااارب أصلح ما بينهم عاجل غير آجل اللهم ااااااااااااااااااااااااااااااااااااااااااااامين .. تسلمين أختي وكلامج ما يزعل ..

ماهو لازم أن الرجال بس اللي يبدأ بالكلام المعسول الحلو
ممكن بعد المرأة أن ماشافت زوجها جالس يقولها كلام حلو
مع أني اشك أن ولامرة لمدة خمس سنوات من العشرة
ماجى يوم وقال لها زوجها كلمة حلوة !!!
شي مايدخل الرأس حتى لو كان مجاملة
خليها تبدي تدلعه وتسمعه الكلام المعسول اللي يلين الضخر ^_*
والله يوفقها ياربي ..

انا دايما اقول .. في فرصه اخيره ..

خليها تعتبره فرصتها الاخيره . تصلح نفسها وتدراك نفسها .. مافي احد يعلم حرمه كيف تحبب زوجها لها .. لانها هي اخبر وحده فيه وعارفه كل شخصيته واموره واطباعه

والله يهديه لها

ام جنى

حبيباتي انتو ليش حاطين السبب في البنت ، لو كل وحده خانها زوجها لان ماقالت له كلام حلو عز الله تطلقنا كلنا

انا اشوف هو الغلطان ومايستحي على ويهه بعد والبلاك بيري ماله شغل الرجال الي يبي يخون يعرف يخون بأي طريقة من الاشكال

انا عن نفسي كرامتي فوق كل شي لو من كان ماانزل روحي لهالاشكال حتى لو عندي منه مئة ياهل
سوري يمكن كلامي يزعل احد فيكم بس هذي شخصيتي وهذا رايي
دعواتي القلبية لاختج بان تنحل مشكلتها ربي يوفقها ويريح بالها ويهدي زوجها

طيب شو نصيحتكم هاي الحين ما ترمسه لانه اشترطت عليه يغير تلفونه وصار لهم كم من يوم جيه شو الحل ؟؟؟ بنات الله يخليكم أخاف أخرب عليها ..

بصراحة أختك الجواب عندها ..
الكرامة اذا ماجات في بداية الزواج ماتجي وحدة تدعي الكرامة في النهاية لما تخرب الأمور :)

كلام الاخوااااااااااااات صحيح مئه بالميه انا معااااهم

شوفي عندي حركه...هو يعتقد انها ماراح تتغير وهي راح تبقى كذااا

بما انها ماتقدر تتكلم تستحي في عده طرق تبعد الخجل...وبما انها ماتكلمه الحين عندي الحل

عندها عده طرق

يا انها تصور نفسها فديوو...وتعطيه اياه يشوف
او تكتب رسايل وتعطيها اياه
او تسوي سي دي وتعطيه

الموووهم مايكون وجه لوجه تعطيه وهو يشوف لحاله

وتكتب له كلام عين العقل مثل مايقولون

يعني ...هذا تمثيل بس ترى

((الى زوجي العزيز...الى من ارست سفينتي على بحره...
عساك بخير...عساك بخير وانت بعيد...اسالك كيفك وانت بعيد عني...؟؟؟...مشتاااق تعبااان محتااار
حبيبي وزوجي يامن سلمت قلبي له
اعترف باني كنت مقلله من شانك وبقله كلامي العذب لك...اعترف بخطائي ليس من شانه ان يكون ضعفا لا بالعكس انها قوه ودليل على التغيير والاعتراف...
وكل انسان يخطاء...وربك هو ربك يجعل فرص ثااانيه
لاكن الخطاء لم يصدر مني فقط بل منك ايضا...
حبيبي انا طالبه بداخل مدرستك...ان اخطئت انت ترشدني...فان لم نكن متفاهمين سويا ولم نتصارح ونتعلم من بعض...فما هو الزواج بنظرك...؟؟
هل هو فقط تكوين اسره
لا حبيبي انا اعترف بخطائي وانت ايضا اخطائت لاكن عقابك لي كان قاسيا واليما وشي لم اتصوره منك...توقعت ان يكون عقابك اقل...لاكن مثل مايقال غلطه الشاطر بعشره
لهذا ساعترف بغلطي للاني اهتم بنفسي وببيتي...وليس احدا كامل بل يجب ان نحاول الوصول للكمال
حبيبي...
اكتب لك هذي الرساله واتمنى ان يكون قلبك وعقلك مفتوحان لها...

وتكتب من كلام الشعر او مثل كلمات هالاغنيه روووعه او تقدرين تهديها له اذا كان فديو او سيدي او اي شي يسمعها روووعه

((عسى مايوحشك غالي
تطمن ياهوى بالي
انا في غرفتي صابر
ومخلي بالي من حالي

امس احتجك وربك
احتجت لحظنك وقلبك
شفت البوم رحلتنا وزادت حاجتني لقربك

تدري وش اصعب شي
انك تفتكرني حي انا حي بشكل ميت
طاويني فراقك طي

تعبت من التعب شفني
تعبت اقول واحشني
تعبت امثل الضحكه وفي لحظات تكشفني

لو هالبعد يحرقنا ومن فرحتنا يسرقنا
تاكد حبنا اقوى تاكد مايفرقنا
احبك ايه تكفيه زود قولها تطيح حدود
احبك كثر هالغربه كثر مافيك محسود

تسلمون بنات ،، الاخت برتني يعطيج العافيه ما يت فبالي ولا فبالها ان ممكن تكتب كل الي فخاطرها برساله .. تسلمين الحين بروح أخبرها ,, ربي يسعدكم..

حبيبتي اختك في موقف صعب جداااا
اي كلام مش ممكن يعبر عن الى هى فيه
ودلوقت يمش وقت نقول فيه انت غلطانة وانت وانت
ده وقت تقفي فيه جنبها تشدي من ازرها وتحاول تستدرج الخطا
وتجذب جوزها اليها اكيد هو في فترة ضعف ونزوة وحيرجع
ازاااااااااي يرجع هو ده الى المفروووض تفكر فيه ربنا معاها ويصلح حالها

تسلمين الغاليه بنات دعواتكم لأختي ربي يسعدكم

قرأت المشكله ست مرات يا ان انا فاهمه غلط يا أما انا غلط بكبري

الحين زوجها خانها وتبونها تتسامح منه وتتوسل له يرجع له

يامثبت العقول :eek: حرام عليكم اذا شاف جذي بيخونها لما يعجززززززز وبيدوس على راسها كل مره لان اهو يغلط واهي تركض وراه

حبيبتي ماسونا شي اهم شي سعادتها

ربي يوفقها ويجمعهم بالخير يارب ويبعد عنهم المشاكل


بالنسبه للاختي حديث الروح

هو الرجال لجئ للخيانه للانه شكله من النوع الي يحب الحنان والصدر الحنون واللمه والكلام ايعذب يجيه اربع وعشرين سااااعه يعني يحب الرومنسيات ويعشقها بطريقه غير مباشره يعني مايبين او يقول ابي كذا
يبي الشي يجيه كذااا
بس زوجته خجووووله ماتقدر تقول له او تسوي على ان عندها خير وماشاء الله ماتقصر بس سببها الخجل


فلجئ للخيانه فهمتي...يعني ماراح الا لهذا السبب
وطبعا هذا شي غلط...وماهو زين
بس احنا مانطفي النار بالنار

يعني نكبر الموضوع
لا نحله بشكل ودي للان الاثنين اغلطوا
هي قللت من عطائها شوي والسبب الخجل
وهو غلط بدل مايصارحها ويلجئ لها راح لغيرها

بس هو اذا عرف وحس الي باخلها ايش هو ومين هي زوجته
صدقيني ولا مليووون وحده تقدر تجيب راسه

ليس مبرر ان يقترف الرجل الحرام ويقولون السبه انتي ازني واقول السبه زوجتي اشرب خمر واعصي الله واقول السبب انتي هذا غير منطق ابدا الا لقليلين الحيلة ولا هوة بالاساس سبب ان الحرمة تقتنع فية عشان ماسيبب لها ضعف شخصية او تقليل قدر لنفسها

الي يخاف الله بيخافة اما يتعذر انتي السبب الي خليتيني كذاا لا والله


اما بالنسبة لاختك تهتم باناقتها بنظافتها بريحتها وريحة بيتها بكل وقت لبسها

انا من رايي ..
شوي تنزل نفسها له وتقعد معاه قعدة اعتراف بالخطأ
وتحاول تعرف ليش هو اتجه لهالاتجاه وصار يطالع او يكلم
تخليه يفتح قلبه ..تقوله في ايش مقصره هي علشان يطالع غيرها ..ايش اللي فيها مش موجود فيني ..
على قولتج يبي كلام حلوو!! ..مش من اول مره بعد ٥ سنين زواج تجي تترس كلامها من هالكلام الحلوو
شوي شوي
مثلا مره بمسج تبتدي فيه بحياتي وتقوله السالفه او حبيبي الى اخره من هالكلام اللي كلنا نعرفه بس اكثرنا نكتم بقلبنا ولا نقوله لرياييلنا نستحي منهم
ممكن برساله صغيره وقت اللي بتطلب منه اغراض يجيبها للبيت تحطها جنب راسه ولازم تكتب كلمه تدل على حبها له
وشوي شوي لحد ماتبتدي تتجرأ تقول بلسانها هالكلام ..
تره الرياييل مثل الاطفال ..يركضون ورا الكلمه الحلوه والاهتمام ..شاف وحده من الشارع دلعته ركض وراها وفي نفس الوقت زوجته ماتدلعه هالدلع ..
وتره تفاصيل صغيره وتافهه المره ماتهتم فيها هو يدقق فيها اكثر
انا مقتنعه ١٠٠٪ ان الرجال دام ان شاف وحده غير مرته اكيد شاف فيها شي مش موجود في مرته واكثرهم يركضون ورا الشكل والكلام المعسول ..فمن واجب المره انها تكتشف الجوانب اللي يحبها زوجها ولا تخليه يطالع بره بطريقتها
نصيحه لا تمنعينه من التلفون ..هو مب ياهل واهله مانعينه !!..اذا في باله يسوي بيسوي لو شنو ..بتخلينه بدون تلفون مثلآ..او مابيقدر يكلمها بالموبايل العادي لو يبي..انتي فالنهايه الخسرانه اذا ضغطتي عليه ..لا تدخل النت ..بدل تلفونك ...ماينفع!!!!!!
اهم شي تخلينه يندم ويحس ان اللي سواه شي غلط وغلط كبير سبب لج جرح كبير ومع هاي بتسامحينه وقوليله انج بتحاولين تشتغلين عالجوانب اللي يتمناها فيج ...
اكسبيه اذا تبين تعيشين حياه زوجيه حلوه معاه ..

(لا تكن يابسآ فتكسر ولا لينآ فتعصر )

هذا رايي وهي براحتها ..

الاخت بريتني كلامك جدا جميل واسلوبك راقي

بس عن جد هالرجال ماعنده عذر حلو ان نحل المشاكل بهدوء وانا ترى ماقاعده اقول تتركه وتتطلق لاقدر الله انا كل الي اقوله لازم هو الي يعتذر منها ويبوس ريلها بعد في وحده من الاخوات كتبت بمامعناه ان الي يخاف الله مايسوي الحرام لو مهما كانت ظروفه اوكي اتفق معاكم ان زوجته خجوله ومالى ذلك هل معنى هذا ان يروح يلجأ للحرام ؟

لازم هو يعتذر ويبوس يدها وريلها بعد ياسلام يخوني واعتذر له عاشو النسوان الي جذي عيل خخخخخخخخخخخخخخخ

بنات تسلمون على مروركم وأعرفوا ان كل وحده فيكم قدمت شي مفيد والله أنكم فتحتوا مخي شوي وعطيتونا أفكار حلوه وبينتوا المتستر .. المهم شوفوا شو صار أختي كتبت رساله لريلها وقالت فيها كل شي حلو فالبدايه وعن خيانته فالنهايه وسارت بيت أهلها زياره ألين يقرا الرساله ويفكر شوي بالي صار.. قالت له أن كان غلط مني الي سويته فلا تصلح الغلط بغلط .. لو كمتني لو فهمتني علمني ما فيها شي .. وبعدين يابنات هو ما يقولها كلام حلو عشان جيه ماتجرأت تكلمه ..بس الحين فهمت بس يحليها فوادها محروق على الي صار .. ومسكينه كل مالها تصيح بس جدامه قويه ما تبن ان فيه شي بس ما تكلمه .. وعلى فكره أختي تبارك الله من الجميلات ما شاء الله عليها قمر وريلها شكله عادي جدا ما فيه شي جذاب مثلها .. المسكينه حتى انها كل ما تروح عرس الحريم يخطبونها عبالهم ما معرسه .. بس للأسف ما ترس عينه جمالها ودلعها .. والحين عرفنا أنه مب مهم كل ها المهم الكلام المعسول الكلام الحلو ..

بنات ديروا بالكم نصيحه عقب سالفة أختي لا تقصرون فريايلكم من ناحية الكلام والحياء ما يبونه يبون وحده ويها لوووووووووح عافانا الله ..

السلام عليكم..,,
بصراحة مشكلتها شدتني اني ارد واقدم المساعده الي اقدر عليها اني من رايي بما انهم الحين متزاعلين تغتنم هالفرصة وتفاجأة يعني لازم تنسى الحياء شوي وتسوي له ليلة رومنسية تنسيه باقي البنات الي يعرفهم وطوايفهم لأن الزوج يحتاج لزوجته فهي لازم تتعدل له وتتكشخ وتحط شموع ومن هالسوالف بس من غير ما يدري يعني تخليه ينصدم وقولي ليها ترا الحياء ما بينفعها اذا خسرت بيتها وصدقيني بتلقى النتايج الي تونسها..والله يجمع بينهم ان شاء الله واذا سوت هالفكرة خبرينا بالنتايج..,

تحيتي..,,,