منو يشجعني ع الرجيم ؟!!

ياهلا أختي العزيزة وطن

بالتوفيق ان شاء الله

وراح نكون معاكِ نشجعك حتى توصلي للوزن المطلوب:smile::smile:

وتحياتي لكِ

أختك

عين الحياة

وطن وطن وطن وطن وطن



إنطلقي نحو الهدف

ونحن معاك

اهلا اختى انتي لازم تشجعين على الرجيم تدرين انا صارلى شهرين على الرجيم وقاعد ينزل على الخمفيف بس يبيله صبر وبعدين ابي اسالك عن الدكتور اللى في البحرين شسمه0000:sh :

عين الحياة وصاحبة اجمل عيون

تسلمووووووون ما تقصرون وان شاء الله اوصل للوزن المثالي

----------------------------

شروووووق
هلا اختي

تدرين انا العام استمريت مع هالدكتور لمدة 6 شهور ونزل وزني نزلة حلوه يعني قريب 20 كيلو بس بعدين مادري شصادني
كأنها عين لان كل اللي يشوفوني يقول وايد ضعفتي وان جسمي وايد تغير عن اول وصار احلا

المهم قطعت الدكتور سنة كامله وطبعا في هالسنه تدرين الواحد اللي متعود ع الاكل يزيد وزنه وانا طبعا ما قصرت زدت 8 كيلو

:confused:

رديت رجعت له وهو الحين زعلان مني طبعا يقول هالسنة اللي ضيعتيها الحين برويج شلون انزل لج وزنج
قبل كنت مدلعج ومعطيج اكل وايد
الحين لا

:o

الدكتور في البحرين واسمه برسله لج ع الخاص واذا تبين رقمه بعد
بس ترى هو بيسافر الحين واذا تبين موعد نصيحه احجزي من الحين لان صعب صعب تلاقين عنده مواعيد انا حجزت للشهر الجاي والحين ابي اغير موعدي مو لاقيه موعد قبل ابدا
قسم المواعيد يقولون لي خلج على موعد احسن

أختى وطن احب اقول للك انى انا معاك واشد على يدك فى هذا الريجيم

وايضا رح ابدأ اخفف الأكل ان شاء الله بس ادعى لى

ويالله نبدأ-------

يالله خففي

بس لا تحرمين نفسج من الاكل

وكثري الخضار والفواكه

وحاولي ما تاخذين اي شي فيه سكر خففي السكر كثر ما تقدرين

يعنى رايك استخدم -- لو فات - او بس اقلل السكر --

المهم احب اقول لك انى صاحبة حلويات يعنى حلويات لكن بديت اخفف مثل ما قلنا من قبل عشان الريجيم ونشجع بعض --
* غادة*

شوفي انا ترى بعد راعية حلويات
وراعية شوكلاته ما اقصر فيها ابد

بس الدكتور قال لي هي ادمان اصلا وما تفيدج بشي بالعكس تزيد وزنج
قاوميها مره ومرتين و3 لحد ما تشوفين نفسج ما تشتهين تاكلينها


ونصيحه خففي الدهون بكل انواعها وخلج ع اللو فات و خففي السكر بعد
يعني شربي دايت بدل البيبسي العادي
ولا تقربين الحلويات ابدا

اذا حسيتي انج تبين تاكلين شي حلو اشغلي نفسج بأي شي عشان تنسين

سوي مثلي
ولا من يصدق ان انا اتعشى فواكه بس :rolleyes:

انا اللي كنت اكل بالهبل

بس يالله الحمدلله الحين احس نفسي خفيفه صج كلها كم يوم من ابتديت الدايت
بس الحمدلله ملتزمه فيه

يالله همتج انتي بعد

بس لا تتبعين دايت ينشف الدم من كثر ماهو قاسي
اخذي شي معقول تقدرين عليه

اختي وطن ..

اول شي ان شاءالله تقدريين توااصلين على الريجيم وتوصلين للوزن المطلووب ..

اختي ماعليج امر تقدرين تحطين لنا الريجيم :)

<<<<<<< أذيه على الخاص واهني :D :o

افا عليج ووووحده ولا يهمج

اذيتج عسل على قلبي

:D


شوفي الرجيم ماراح ينفع اي حد الا اذا كانت كمية اكله اكثر بوايد من اللي في الدايت
لان الاكل اللي في الرجيم مالي بالنسبه حق ناس وايد يعتبر اكل راهي
بس بالنسبه لي هذا رجيم قاسي :confused:

المهم ما اطول عليج

انا كاتبة الرجيم في موضوع ثاني وبنقله لج مثل ماهو مكتوب بالضبط
---------------------
الافطار
2 سلايس توست + سلايس جبن خفيف الدسم أو بيضة مسلوقه
مع خس وخيار أي كمية
و شاي او قهوه مع حليب خفيف الدسم مع كاندريل


الغداء
كوب (mug) أرز أبيض أو مكرونه ولا مانع من ان يكون مكبوس او مع صلصة بس بشرط وركزو ع الشرط،،، مايكون فيه زيت ابدا يعني مطبوخ بدون زيت
+قطعة دجاج بدون جلد أو لحم أو سمك (كلهم مسلوق أو مشوي بس)
وتكون قطعه متوسطه مو كبيره
+سلطه بدون زيت
+دايت بيبسي او دايت فيمتو
-----
أو ممكن تاخذون بدل كل هذا ع الغدا ,,,اذا كنتو من محبين Junk Food مثلي تاكلون بس ساندويش واحد بدون شيبس ومايكون دبل برجر او يكون كبير يعني حجم متوسط مع دايت بيبسي


العشا
فواكه و علبة روب خفيف الدسم
ودايت بيبسي


ونصيحه بنات اذا تبون جد تحسون بالشبع اكلو شوي شوي
انا قبل كنت احبس نفسي ما اقعد اكل مع اهلي لاني اشوفهم ياكلون واخربط بالرجيم اقعد معاهم وانسى نفسي
بس الحين من ابتديت من يومين صرت اقعد معاهم ع السفره
بس تخيلو ابتدي اكل معاهم وما اخلص الا بعدهم بفتره
اكل شوي شوي على راحتي
يعني يكونون هم خلصو اكل وانا للحين ما وصلت نص الكميه اللي حطيتها في صحني
طبعا الكمية المقررة للرجيم
-------------------------
وبخصوص القهوة والشاي ممكن تشربين في اي وقت بس بدون سكر طبعا استخدمي كاندريل
انا ما اشرب قهوة وشاي
بس من ابتديت الدايت صرت اشرب كل يوم من ستار بكس كافي لاتيه خفيف الدسم بدون سكر وبدون اي اضافات



:D

ان شاء الله يناسبج الرجيم وتوفرين على نفسج روحة الدكتور

بنات اصعب مرحله لما ينزل الوزن وبعدين يثبت

انا اموت قهر لما تجي هالمرحله :(

ودي وزني ينزل كل يوم لين يخلص كله


:confused:

مشكورة أختي وطن وأن شاء الله نجرب الرجيم ويفيدنا :)

ان شاء الله يفيدج اختي


:D

اهم شي الصبر

وما تفقدين الامل اذا وزنج ثبت

استمري وبتلاقين وزنج رد ينزل اسرع من قبل

اختي وطن

شدي حيلج
وان شاء الله تضعفين اكثر من 20 كيلو

;)

ان شاء الله :D

بنات


انا راجعت الدكتور يوم الخميس بتاريخ 28-8


وكنت نازلة 4 كيلو


:D


صج النتيجه مو وايد وما تبرد القلب

بس ع الاقل وزني نزل والحمدلله

حبيبتي وطن حبيت اعرف اسم الدكتور و اذا لقيتي معاه فايدة و كم نزلتي من بديتي معاه ؟

دروب الحلم

اسمه علي الظن

في المستشفى الدولي - المنامة :)


انا استمريت معاه حول 6 شهور العام ونزلت 20 كيلو


وقطعته ورديت له مره ثانيه الحين

ونزلت 4 كيلو في شهر

مع العلم اني ما كنت انتظم على الرجيم لما يعطيني اياه
كنت اخربط :confused:

ولا زلت :confused:


وهذا اللي يجلطني لاني بهالطريقه اضيع وقتي

وممكن انزل اسرع :(