قولولي كيف أتصرف ؟؟؟ أرجو الدخوووول ..

ش

شمعة محبة

عروس برونزية

30-10-2009 | 01:26 PM

السلام عليكم ورحمة الله وبركاته

خواتي ماعرف من وين أبدا ...
او شو أقول ...
تعبت من معاملة زوجي لي ... متزوجين من 4 سنين ... وما في أي تفاهم بينا ...
كل يطلعني غلطانه ... في أتفه الامور ... حتى لو بستشيره في أمر صغير ... يا يستهزأ علي .. أو يتم يضحك ... أو من غير سبب يسويها مشكله ...
كم مره قالي انتي مب حرمه ... انتي مب عاقله .. أول مره أشوف حرمه جذيه ...
وبعدين اذا بزعل وبضايق ... يقولي ليش تضايقين .. أنا ما قلت شي !!!!!!!
والله حتى ما يحق لي أضايق شوي ...
تخيلوا .. أنا مقدمه للدراسه بعيد الثانويه العامه ... لان ثانويتي قديمه .. وما قبلوني في الكليه اللي أبغي أدرس فيها ... عشان جذيه نويت اني أعيد الثانويه وأدخل الكليه لاني حابه اني أكمل دراستي ...
دايما يستهزأ فيني ... يقولي أول مره أشوف حد عنده الثانويه ويعيدها مره ثانيه ...
أو شو تبغين في الدراسه ... اشتغلي أحسن ... ويروح ويرد على موضوع الشغل ...
أنا أدرس فكرة الشغل في بالي ... بس أعرف ومتأكده انه بيشيل ايده من المصروف ...
اذا أمه قالتلي لا تشتغلين لانه ما بيصرف !!!!!!! .. وهذي أمه ..
دايما يقولي انتي ترادديني في الكلام ... وأنا ما بجذب ... أنا صح أرد عليه الكلام ...
بس تدرون ليش ؟؟؟؟
لان ما في أسلوب ينفع وياه ... لازم أرادد عشان أحصل اللي أبغيه ... والله ما ينفع الكلام الهادي ... عمره ما خذ برايي ... كل يرفض وبس ... من غير نقاش ...
ماعرف كيف أتصرف وياه ملييييت ....
ما يسمعني أبدا ... والحين الفتره الاخيره ... اذا أقوله ليش تكلمني بهالطريقه ...
يقولي مثل ما تقهريني بقهرج :eek: !!!!!!!!!
ليش ؟؟؟؟ أنا في حياتي ما كان في نيتي اني أستفزه أو أقهره ...
ما بقولكم ما أغلط ... ما في انسان ما يغلط ... لكن والله ثم والله اني في حياتي ما كان في نيتي اني أضر حد ... أو أكون سبب في تعاسة حد ....
عمري ما رديت عليه الكلام عشان أقهره وبس ... هو ما ينفع وياه غير جذيه شو أسوي ؟؟؟
ليش يعاملني جذيه والله أنا مب سيئه عشان أستاهل هالمعامله ...
من فتره وهو مريض ... واذا أقوله أي شي يقولي أنا مريض ... كأني أنا السبب في مرضه ...
والله اني أسهر عليه أغلب الايام ... وما أنام لين أشوفه نام وارتاح ... وأسهر على راحته ...
ويوميا لاااازم أسويله مساج ...
واذا أسويله وأتعب وأوقف يقولي كملي ...
وساعات يقدر بس ... وانا يوميا ظهري يعورني ... ما فكر مره يسويلي مساج ... وكم مره أقوله .. يا يطنش .. يا يسويلي مساج دقيقه وخلاص ...
تعبت منه والله تعبت ...
أمس صليت قيام ومت من الصياح ... والله حسيت بألم في قلبي ... وعيوني تورمت ..
في حياتي عيوني ما تورمت جذيه ... من فوق ومن تحت ..
تعبت من هالمعامله ... والله انا ما أستاهل جذيه ... والله الطبع اللي ما يعجبه فيني أحاول اني أغيره ...
لكن هو مستحييييييييل يسمع مني شي ... يا ياخذني على قد عقلي ..
أو يقولي أنا الريال وكلمتي هي اللي تمشي ...
تعبت تعبت تعبت من كل شي ...
ما أعرف كيف أتصرف ؟؟؟؟؟؟؟؟؟؟؟؟
اللي ما عندها شي تقولي اياه .. تكفيني دعوه ولو في قلبها ...

أختكم أم مريم ....

م

ملكة زماني1

عروس مشرقة

30-10-2009 | 01:44 PM

ليش يعمري كذي
ليش تسوي بنفسك هيك
ان كان هو متل مبتحكين
خلاص
اتركيه
أقصد امضي بحياتك متل متبي ولا تهتمين بكلامه
زوجك هاد طبعه
ومن الواضح انه من الصعب تغييره
خلاص
امضي بحياتك
ادرسي
تري الدراسه اليوم سلاح لا يستهان به
كملي دراستك
وبعدين ان شاء الله تحصلي شغل يليج بج

اهتمي بروحك وبحياتك
واكثري من الاستغفار
وقراءة القران
والله يهون عليك
فديتك حبيبتي
لا تشيلي هم
تري والله الدنيا مبتستاهل
يارب اكون خففت عنك

ش

شمعة محبة

عروس برونزية

30-10-2009 | 01:49 PM

مشكوره حبيبتي عالرد ..
وكلامج والله خفف عني ...
بس أنا وايد حساسه ... ياريت أكون انسانه متبلدة المشاعر ...
الاحساس فيني معدوم عشان أرتاح ...
والله من التفكير وزني وصل 39 .... تخيلي !!!!!!
أنا يوم كنت بنت ما كان وزني جذيه ...
والحين أتبع نظام غذائي وبعد جهد وعناء وصلت 42 ونص ...
وأخاف هاليومين أنزل هالكم كيلو اللي زدتهم ....

م

ملكة زماني1

عروس مشرقة

30-10-2009 | 01:59 PM

فديدج يعمري
انا لا اقصد انك تكوني متبلدة المشاعر
ابدا
ولكن يبدو ان زوجك من النوع اذا رأي اهتمامك فيه وولهك عليه
يزيد ويزيد
اقصد
لا تهتمين برأيه
عيشي حياتك
واكملي دراستك
واهتمي بروحج
تراه بعد شدي
يرد يفكر بحياته
وليش هالبعد بينكم

الله يهديه

[

مشرفة سابقة

30-10-2009 | 02:49 PM

طيب حاولي تعيشين لترضي نفسك مو لترضين الناس من حولك
أدري بتقولين زوجي وأحبه وأدور رضاه بس مدامه كذا ما يقدر ولايهتم مثل ماقلتي
ويحاول إنه يستفزك ويزعلك ويضايقك .. عيشي لنفسك
سوي الأشياء اللي تحبينها وماعليك منه لو يقول ماتكلمين دراسة
لاياقلبي كملي دراستك وقولي لاهلك عن نيتك في هذا الشي
الدراسة والشهادة هالايام سلاح البنت مفروض ولاوحدة مقتدرة صحياً ونفسياً ومادياً من تركها

لما تقللي أهتمامك الزائد فيه راح يحس أنك تغيرتي بيسالك وبيحاول يراضيك وراح تشوفين
أنا مابقول لك قصري معاه .. سوي واجباتك وبس بدون مبالغة وبدون تكليف
يعني لاتتعبني نفسك ع الفاضي .. خليه يحس وينتبه لك
سوي لنفسك وزن

الله يوفقك ويسهل امورك
أكثري من الدعاء والإستغفار
وتصدقي بنية الإصلاح بينكم ان شاء الله

وتفائلي بالخير

:)

ش

شمعة محبة

عروس برونزية

30-10-2009 | 11:18 PM

ملكة زماني1
مشكوره حبيبتي عالرد ... وأنا بحاول أكون جذيه ...

{ نور ال ع رب }
حبيبتي أنا مب مثل ما انتي متوقعه ...
أنا صح أحبه وأقدره وأحترمه لكن في نفس الوقت مسويه لنفسي وزن ...
يعني ما أرضى على نفسي ...
وهو دايما يشوفني مب هينه ... علشان جذيه يكابر ويرفض ويعاند ووووووو ...
كم مره قالي انتي تبغيني أمشي ورا رايج ... تبغيني من الازواج اللي يكونون ورا حريمهم ...
مع ان والله انا مب جذيه ...
أصلا ما أحب الريال اللي ماله كلمة عند زوجته ... أحسه وجوده مثل عدمه ...
وأكبر دليل على هالشي اني أشاوره في أغلب الاشياء اللي تخصني وتخصه وتخص حياتنا وعيالنا ...
وبعدها يرد علي رد سخيف وأندم اني كلمته ... أنا لو من هالحريم اللي يحبون ان الريال يكون وراهم جان ما شاورته في أي شي ... بسوي اللي أشوفه صح وما يهمني رايه ...
لكن بعدها أندم اني كلمته وأحس اني غلطت يوم استشرته ....
مشكوره عالرد حبيبتي ...

وييييييينكم 59 مشاهده وبس بنتين اللي ردوا ؟؟؟؟؟؟ ...

a

amy85

عروس رائعة

30-10-2009 | 11:24 PM

الله يهديلك زوجك وييسر امورك ويسعدك
حاولى تطنشيه وماتزعلى نفسك على كلامه واعملى اللى انتى عوزاه ولا تهتمى بكلامه والله يصلحلك الحال

و

وجوه الخير

عروس مبدعة

30-10-2009 | 11:32 PM

ماحبيت اطلع بدون اي كلمة مالج مني غير الدعاء ربي يفك همي وهمج وهم المؤمنين يارب

تحياتي

s

sss_12

عروس رائعة

31-10-2009 | 02:08 AM

شمعة محبة توكلي على الله لاتخلين مشاكل بيتك تاثر على صحتك اذا راحت صحتك محد بينفعك هذا شي بعدين دام زوجك كذاا خلاص طنشية يعني لاتدقيقين علية ولا تردين علية تراددينه يعني اذا اتكلم اسكتي صدقيني ان في رجال اذا اتكلمو وصاحو وشافو حريمهم ساكتين مايتكلمون يجيهم هيبة من سكوتها يسالون نفسهم ليش ساكته وكذا افكار مايعرف ايش يدور براسك خليكي ساكته اغلب الاوقات صدقيني ليجيكي ويسالك وبستغرب حاولي تنشغلين بشي يفيدك دنيا واخرة كملي دراستك خلي اهتمامك عبادة الله اول بعدين جدولي يومك بالدراسة وخلصي دراستك ولا تفكرين بوظايف الحين الا لمى تخلص

وتعلقي بالله ولاتبكين والله نصيحة البكاء مراح يفيدك بشي الدعاااااااااااااااااء لله الي يكشف الضر عنا لكن انشغلي عن زوجك باشياء تفيدك ولاتنقصين من واجباته بشي وربي يوفقك

a

a7la_dalo3a

عروس مبدعة

31-10-2009 | 09:03 AM

الله يفك الغم والهم عنج يارب ويصلح حالكم

م

مجنونة ريلي

عروس نشيطة

31-10-2009 | 10:01 AM

حبيبتي مشكلتج مع زوجج نفسي تقريبا زوجي مايتقبل مني كلام وكل يستهزأ فيني ولا شي اقوله ويسمعه لي وعلى طول انه الغلطانة الحين تعلمت ان اطنش مو تطنيش يعني تطنيش بس من يقعد معاي اسوي روحي ولا كأنه موجود لما صار اهو الي يجيني ويستشيرني في كل شي وياخذ رايي ويسمع مني بس بعد فيه اشوي نحاسة بس ان شاءالله مع الايام نقدر عليها

مع اني وايد حساسة وكنت كل اصيح الحين الدمعة غصب تطلع مني صرت ضد الصدمات

ماعليج من احد وفكري في نفسج وترى الريال مثل الياهل والريال مثل العجينة تقدرين تعجنينها مثل ماتبين

الله يصلح امورج حبيبتي ويسخر لج ريلج

*

**جودي**

عروس مبدعة

31-10-2009 | 10:15 AM

بسألك شفتي مسلسل ام البنات

كيف كانت تعامل زوجها مخليته كل اهتمامها وهذا غلط

يعني انتي اهتمي فيه بس بحدود عشان مايمل منك

وعيشي حياتك وخلي له فترة يقعد مع نفسه بيحس انه محتاجك

وبيرجع لك

كثري من الاستغفار استغفري 1000 مررة و2000

ولا تيأسين من رحمة الله

S

Soft Touch female

عروس ماسية

01-11-2009 | 12:26 AM

اختتتي حقريييييه ولا ترديين علييه ولين سالج ليش حاقررة قولي له كلاامك يجررحني وعووور قلبي يمكن يحسسس فييج وربي يوفققج وعدل اسلوووبه

غ

غريبه بلا عنوان

عروس جديدة

01-11-2009 | 01:43 AM

حبيبتي انا حسيت من خلال كلامك انك مره حساسه ,,
يعني تدققين في كل كلمه وكل حركه وتكبر في خاطرك ,,
وهذا ياعيوني غلط لازم تحاولين تاخذين كلامه ببرود ,,
خليه يتكلم لحد مايتعب وطنشيه من جوا قلبك يعني مو تتظاهري انك مطنشه وانتي من جواكي مولعه
,,,لا,,,
طنشيه من جد ,,
ولا تاكلي ف نفسك ,,,,
عيشي حياتك ولا يكون هوه اكبر همك ,,
صحيح اهتمي فيه لكن لاتنتظري منه انه هوه اللي يسعدك,,
,,,,,ودمتي,,,,,,,

أ

أمي وبس

عروس نشيطة

01-11-2009 | 10:37 AM

والله كأنك تتكلمين عن زوجي نفس حالتك بالضبط بس طنشت وبديت أهتم بصلواتي واستغفر كثييير لحد مايفرجها رب العباد

ش

شمعة محبة

عروس برونزية

03-11-2009 | 04:12 PM

مشكورين حبيباتي كلكم عالردود ...
والله يفرجها علي وعليكم ...

ق

قمر ديرتي

عروس مشاركة

04-11-2009 | 10:14 PM

الله يفرجها عليج اختي

ق

قمر ديرتي

عروس مشاركة

04-11-2009 | 10:15 PM

الله يفرجها عليج اختي

ق

قمر ديرتي

عروس مشاركة

04-11-2009 | 10:17 PM

الله يفرجها عليج اختي

ف

فديتني دلوعه

عروس مشاركة

05-11-2009 | 04:59 PM

اللي اقدر اقوله لج اكيد تعرفين الدكتورة ناعمة الهاشمي اخذي منه عندها دورة
وانصحج بمنتدائها منتدى مملكة بلقيس وايد حلو