السلام عليكم شخباركم
حبيت تعطوني من نصائحكم ...صايرة لي مشكلة وهو زوجي مسكين احتاج مساعدة من خواتة انة يعطونة من عملهم قرضة وهو راح يدفع لهم المبلغ الي يقصونة من رواتبهم كل شهر و بالمقابل كل وحدة فيهم قابلتة بالرفض حتى الي ما عندها ولا عذر طلعت اعذار و فوق هذا كلة زوج وحدة منهم اتصل له وقال له احنا ما نقدر نعطيك قرضة لانة ناوين نبني بيت لنا !! المهم عاد هو زوجي ما يرفض طلبات خواتة لدرجة انة اليوم راح يروح شقة اختة الي تقدر تعطيه قرض وما عطتة وراح يسوي لهم تعديلات و يركب له منظر على الحائط ....عاد يجي لي يقول لي خواتي مصلحة وبس ماهم غيرهم و انا عاد يرتفع ضغطي لانة هو جاي يتشكا لي على خواتة ولو بقول اي شي عنهم بعد هذا وهو بحالة رايقة راح اكون انا الغلطانة بالكلام وبيقول لي اشدخلك ومن هالكلام ...واليوم اتزاعلت معاه لانة راح يروح يشتغل في بيت اختة واليوم هو يوم التجمع في بيت اهلي ..عاد بيتغدا و بيطلع على اساس يلحق على الشغل الي في اختة وانا مقهووورة
شوفي بقولك شي ..
هو وخواته إذا شفتيهم يتضاربون لو يذبحون نفسهم لاتتدخلين
خليهم في حالهم لأن لو تدخلتي يمكن يقلب ضدك ويخليك إنتي الغلطانة
صدقيني اللي تتدخل بين الأخوان ماتتوفق أبداً ..
خليه من نفسه يحس أن خواته مو مهتمات فيه
خليها تجي منه هو مو منك إنتي
أنتي أرفعي أيدك منهم .. مالك شغل فيهم خير شر
وهذا المسألة بينهم هم الأخوان
ولو طلب مشورتك في شي قول رأيك وأختمي كلامك وأنت شوف المناسب
أعطي ختامة الرأي له هو .. حتى تخلصين نفسك من المشاكل اللي ممكن تصير
ومدامه مايريد يجي في جمعة البيت مافيها شي قولي لاهلك مشغول مع خواته شوي ..
أدري فهمتك من أول ماكنت محتاجة شرح وبنيت كلامي ع هذا الأساس اللي ذكرتيه وشرحتيه ..
مالك دخل هو رضى ع نفسه يذل عمره ويبهذل نفسه لخواته
يعني هو الحين مايدري أن خواته مصلحجيات ! لايدري وهو بنفسه قال هالشي وما أنكره
ويعني هو الحين ماهو حاس أن تعبه رايح هدر وبلا فايدة ! لا يدري وهو بنفسه عارف هالشي في قرارة نفسه
أنتي مالك دخل خليه هو من نفسه يتركهم
خليه من نفسه يحجرهم
لاتكوني انتي السبب في بغض أخواته وتركهم
لأن يظلون خواته لو مثلاً مستقبلاً تغيرت معاملتهم معه وسوا اللي يريده وساعدوه
وكان مثلاً هو اللي مزعلهم ومطنشهم راح يقولون كله من زوجته شاحنته علينا ومكرهته فينا !!
أنتي فكري لبعيد فكري بالعواااقب
هو ماهو خبل يدري أن خواته مافيهم خير
لو من صح مايحب يذل نفسه لهم ماكان بيجلس يراضيهم ويطيعهم ع أتفه الامور
كل شخص عقله براسه يعرف خلاصه
واذا هو مايريد يحجرهم كيفه خليه يتعب لين يحس وينتبه
مشكورة اختي ...فعلا كلامك صحيح وعين العقل مشكورة ...بس والله مو هاين علي اشوفة تعبان نفسيان كاسر خاطري حيييييييل والله لو انا اقدر اساعدة ساعدتة بس انا بعدني ادرس بالجامعة وحتى ما اشتغلت يعني لو انا اشتغل كان انا الي ساعدتة هذا شي والشي الثاني صحيح انا كثير اقول له انة و خواتك احرار انا ما يدخلني ..سوي الي تشوفة ...لكن في الحقيقة انا من الداخل مقهورة ع هالوضع بس اقول يلا زوجي و انا خابزتة اخرتة بصير مع خواتة احلى من العسل وانا لي بيقلب عليا بس الي قارفني فيه ان ليش يجي ويشتكليني منهم و يفضفض لي عنهم يعني انا لا بقدم ولا بأخر ومهما قلت و قلت بيكونون خواتة ومن دمة و لحمة ...يعني الافضل ان يسكت ولا يقول لي عن اي خبر عن هالسالفة الي يعكر لي مزاجي والا شنو رايج ؟ِ
حبيبتي صراحه سالفتك تقهر بس احسن حل انك لا تحاولي تدخلي نفسك فيهم لو ان شاء يتذابحون ولا تبيني لا اخواته انك متضايقه يعني حتى لو جاء يتشكا لك خلك كووووووووووول
بقايا فجر;10540453:
مشكورة اختي ...فعلا كلامك صحيح وعين العقل مشكورة ...بس والله مو هاين علي اشوفة تعبان نفسيان كاسر خاطري حيييييييل والله لو انا اقدر اساعدة ساعدتة بس انا بعدني ادرس بالجامعة وحتى ما اشتغلت يعني لو انا اشتغل كان انا الي ساعدتة هذا شي والشي الثاني صحيح انا كثير اقول له انة و خواتك احرار انا ما يدخلني ..سوي الي تشوفة ...لكن في الحقيقة انا من الداخل مقهورة ع هالوضع بس اقول يلا زوجي و انا خابزتة اخرتة بصير مع خواتة احلى من العسل وانا لي بيقلب عليا بس الي قارفني فيه ان ليش يجي ويشتكليني منهم و يفضفض لي عنهم يعني انا لا بقدم ولا بأخر ومهما قلت و قلت بيكونون خواتة ومن دمة و لحمة ...يعني الافضل ان يسكت ولا يقول لي عن اي خبر عن هالسالفة الي يعكر لي مزاجي والا شنو رايج ؟ِ
لا أفا ..
طبعاً راح يجي يقولك ويشتكي لك أنتي
من تريدي يشتكي له غيرك
من هو قريب منه غيرك
أكيد راح يفضفض لك أنتي لأنه يحس أنك راح تفهمينه وراح تقدرين معاناته معاهم
أنتي أقرب شخص لقلبه .. بالعكس قولي الحمدلله أنه جى يشتكي لك ويفضفض
يعني يحبك صدق والدليل فتح لك قلبه
مع ان نادراً ما يكون الرجال يشتكي من أهله لعدة أسباب
منها يايخاف من زوجته تكون هبلة وتخبر بسواليفه لحد وكذا ..
المهم..
أسمعي له وحاولي تخففي عليه من تعبه
وأهم شي تكوني مبتسمة له بهدوء
إبتسامة رزينة تطمئن قلبه
وتريحه وتهدي باله
حتى يحس أنك السبب الرئيسي في تحمله مشاق الحياة :)
بالتووووفيق
عندك مشكله عدم الرضا والطمع والنظر الى ماهو في يد الغير وخصوصا الغيره من اخوات زوجك ... اقترح انك تهتمي في بيتك ولاتتدخلي بينه وبين خواته وفي النهايه المفروض زوجك يدبر نفسه انتي بس لاتكثري كلام وجدل لان هالشي مابيفيد ... ركزي على طريقه علشان تحصلوا فيها المبلغ اكثر من فلانه ماساعدتني !!
واعذريني اذا زعلتك بس لازم اكون صريحه
أيوة يعني بصراحة مدري ليش مصرين أنكم تاخذون من عند أخواته
هم في النهاية بنات وأفضل أن زوجك ياخذ من عند رجال مثله
خصوصاً أن خواته متزوجات وعندهم إلتزاماتهم الخاصة ..
خليه ياخذ من أصحابه المقربين أو عيال عمه أو حتى يستلف من البنك لو أنقطعت كل السبل !
لاتضيقونها وهي ماتستاهل
وش فيها اذا الواحد خذ من اخته ؟؟ انا لو اخوي يبي ضي عيوني اعطيه واهو نفس الشي
وليش يروح لرفيجه او لعم او خال وانا اخته موجوده والله اعطيه وبكل رضاي ومنو زوجي الي يمنعني عن اخوي بعدين تتهمون البنت بالطمع شدراكم بضروفها يمكن هم محتاجين واذا الواحد خذ منن اخته يعني طماع لاحول ولاقوة الا بالله بنات فكروا في الكلام قبل لاتكتبونه مو كل وحده تقط كلام على كيفها
الله يفرجها عليكم ويسر اموركم
ماعليه تحملي زوجك يحبك لذلك يفضفض لك واذا ماحبو يسلفوه شي راجع لهم ويمكن لو انا في هالمكان اكيد بعطي اخوي ومابتخلى عنه بس يمكن هم مخططين الى شي كل واحد وظروفه خليها على الله وربي بيكتب لكم اللي فيه الخير والصلاح
S
Soft Touch female
عروس ماسية
31-10-2009 | 12:55 AM
اختتتي عادي صراحة القروووض تاخذ سنييين وييلة يعني اكييد اهو بعد ناويين ياخذون قرض عقب سنيييين فمايصيير او ادا اهو خدوووم وطييب اكييد هم طيبيين معاه في شغلات عاديية بس مو قرررض ونتي لاتحطيين افباللج خلا اكون خدمااته لوجه الله وربي يوفقققج
خذيت الروح;10542123:
وش فيها اذا الواحد خذ من اخته ؟؟ انا لو اخوي يبي ضي عيوني اعطيه واهو نفس الشي
وليش يروح لرفيجه او لعم او خال وانا اخته موجوده والله اعطيه وبكل رضاي ومنو زوجي الي يمنعني عن اخوي بعدين تتهمون البنت بالطمع شدراكم بضروفها يمكن هم محتاجين واذا الواحد خذ منن اخته يعني طماع لاحول ولاقوة الا بالله بنات فكروا في الكلام قبل لاتكتبونه مو كل وحده تقط كلام على كيفها
وإذا كانت أخته مارضت تعطيه وش يسوي؟
هي قالت أن خواته مو راضيين يعطونه فلس واحد
وش يسوي يعني يترجاهم؟
ومن قال طماع أختي
أنتي أقري الكلام زين والموضوع بشكل واضح بعدين أحكمي يبارك لي فيك :)
السلام عليكم
حبيت اكمل السالفة للي تابعوا المشكلة من البداية ..اليوم يوم التجمع في بيت اهل زوجي وعرفت من زوجي امس ان وحدة من خواتة الي ما قبلت تعطيه قرض من عملها وزوجها بدون عمل عطالي ..ان زوجها راح يشتري سيارة جديدة من الوكالة (هونداي) و اختة الثانية زوجها يشتغل بس راتبة ضعيف يعني زوجتة راتبها اقوى لانة مشرفة اجتماعية لمدرسة زوجها بيروح الحج هالمرة ..فيعني أكيد ان الثنتين اخذوا قرض لأزواجهم طيب حمدلله ما قلنا شيء الله يهنيهم ..وعلى سالفة التعديلات الي في اسلاك الكهرباء للحين ملاحقين زوجي عليها من هذاك اليوم لين الحين وزوجي يتهرب لان هو اصلا مو اختصاصه هالاشياء ولكن راح بنية المجاملة مع ان شايل في قلبة ع زوج اختة واختة ..لان بيوم ما صارت المشكلة اتصل له زوج اختة و قام يتعذر له وقال له اختك ما تقدر تعطيك قرض لان عليها قرض هالسيارة ولانة و لانة و قعد يحسب معاه بالارقام و الفلوس وقال له زوجي خلاص ما صارت مشكلة انا لا طالب منها صدقة ولا شفقة انا مجرد ابي هالمساعدة رد قال له زوج اختة اي انتة عارف علينا كذا و كذا ولازم ندفع كذا و بقى يعدد له الاشياء..مع ان ما يدخلة هالشيء بس مدري شلون جاه قساية العين و تدخل بين الاخ واختة ..واليوم مثل ما خبرتكم يوم التجمع بالغداء في بيت اهل زوجي وكان زوج اختة هذا موجود عاد قال له بين الجماعة بان يبيه يروح الشقة الهي شقة اختة و يصلح ما اعرف شنو اسلاك و اشياء لانة راح يسافر الحج وما بقى على سفرتة شي ..طيب وفي نفس الوقت انا كنت جالسة مع اختة بالصالة وكانت تحكي ان عندهم اشياء بالشقة خربانة ومحتاجة تصلحين عاد انا على نياتي نسيت السالفة اقول لها اي الله يعينك ..بعد شوي جا زوجي قال لي يلا قومي بنرجع البيت و هي سمعت يقول لي قومي الة تقول لي وين رايحة خلك هني اجلسي بعد معانا اشربي الشاي ..قلت لها اوكي وزوجي يناديني ورحت له وبعدين رحنا البيت الة يقول لي انا الحين بروح شقة اختي اسوي لهم ما اعرف شنو ..قلت له وليين حتى وقت راحتنا ما نتهنى فيه اوووف ياربي حتى وانت ما تبي تسويه لهم اجبرك على هالشي ..الة يقول شسوي مجبور لان هوبروح الحج ..وطلع من البيت وانا قعدت اتحسر عليه ..اثاري الاثنين مخططين على هالشي من قبل جيتهم !! وزوجي فقير ومسكين وياليت مقدر له هالعمل بعيون خواته ..وحاسة نفسي مخنوقة لان ما عندي حد افضفض له وياليت بعد ان اختة تعاملني زين الا انها تناظرني في كل شيء لدرجة حتى حملي ناظرتني فيه واجهضت ..يارب لك الحمد والشكر على كل شيء ..
ا
اللؤلؤه السوداء
عروس ماسية
14-11-2009 | 04:28 PM
يا اختي لا تقهرين روحج صدقيني
وهذا بتجربه ما لج دخل بين ما يصير بين زوجك واهله
هو الي راضي وعلى قلبه مثل العسل
انتي الي بتتعب نفسيتج وبتتضايقين ... وهو لما يشتكي لج من اهله سمعي وخففي عنه
بس يا حليلج انتي شكلج من كثر حبج له تنقهرين بزياده
هو صدق شي يقهر
بس خليهاا على الله وطوفيهااا
الله يساعدج وتخلصون الشقه بدون مساعده احد
على ما اضن شفت لج رد ان صار لج 5 سنين وانتي تبنون في الشقه
شوفي انا بعد صار ليي خمس سنين من تزوجت وصادتنا ضروف واايد والحمد لله بالصبر تتحسن ولا احتجنا لاحد وان شاء الله ما بنحتاج لاحد
شوفي الشقه لما تنبني وتخلصون منهااا بدون هالقرض وبدون مساعده احد
بتكون لها طعم ثاني بتفتخرين انج وزوجك الي بنيتو نفسكم وما احتجتو لاحد
انا عن نفسي خففنا من مصاريفنا واااايد علشان يكتمل بيتنا
لدرجه زوجي فديته حتى على ملابسه يقصر على نفسه بس علشان يكتمل البيت
الله يساعدكم ويسهل عليكم اموركم يااارب
اللؤلؤه السوداء;10624381:
يا اختي لا تقهرين روحج صدقيني
وهذا بتجربه ما لج دخل بين ما يصير بين زوجك واهله
هو الي راضي وعلى قلبه مثل العسل
انتي الي بتتعب نفسيتج وبتتضايقين ... وهو لما يشتكي لج من اهله سمعي وخففي عنه
بس يا حليلج انتي شكلج من كثر حبج له تنقهرين بزياده
هو صدق شي يقهر
بس خليهاا على الله وطوفيهااا
الله يساعدج وتخلصون الشقه بدون مساعده احد
على ما اضن شفت لج رد ان صار لج 5 سنين وانتي تبنون في الشقه
شوفي انا بعد صار ليي خمس سنين من تزوجت وصادتنا ضروف واايد والحمد لله بالصبر تتحسن ولا احتجنا لاحد وان شاء الله ما بنحتاج لاحد
شوفي الشقه لما تنبني وتخلصون منهااا بدون هالقرض وبدون مساعده احد
بتكون لها طعم ثاني بتفتخرين انج وزوجك الي بنيتو نفسكم وما احتجتو لاحد
انا عن نفسي خففنا من مصاريفنا واااايد علشان يكتمل بيتنا
لدرجه زوجي فديته حتى على ملابسه يقصر على نفسه بس علشان يكتمل البيت
الله يساعدكم ويسهل عليكم اموركم يااارب
اي والله صح كلامج من زود حبي له اغار عليه بزيادة وانقهر لا صاده شيء بسبت خواتة ..لان هو وايد يحبهم ويحترمهم و يعزهم عليا ..اتصدقين صار لي شهور وانا طالبة منه شغلة يسويها للبيت لكن للحين ما سواها !! يعني اذا يخترب شي عندنا بالموت و بالحنة يصلحة لكن خل أختة تطلب منه يروح له ركض ركض ...والله الدنيا حظوظ:confused:
الله يعينش خية والله لايحوجكم لاحد
اصبري وبتنالي كل خير وشقتكم بتنبنى كلنا مرينا بظروف والحمدلله الله مايضيع عبده وماتدري يمكن لصالحكم يمكن يجي يوم وبتعرفي ان الشي لصالحك لاني مريت بتجربه في حياتي ان زوجي ايام زواجنا ما احد رضى يسلفه من اهله وهو مايقصر معاهم واخذ قرض وعشنا ايام مرة والحين الحمدلله فرجت ببركة الله ولا صارو يعايروا غيرنا الا ساعدوهم واني الحين احمد ربي الف ان ما احتجنا لاحد لان حصلت اشياء اكبر من المعايرة استفيدي من تجارب الاخرين وزوجك ان شاء الله لك وربي يرزقكم بأحلى طفل وتقر عينكم به وعلى سالفة المناظرة عندنا وعندك خير بس نسلم امرنا لله ومانتطبع بأطباع غيرنا
ضاقت ضاقت حتى ظننت انها لن تفرج ففرجت ببركة الله
اختي يمكن فعلا مايقدرون يساعدونه مومعناة رفضهم انهم يكرهونه وانه مايقدمب لهم المساعده لانهم ارفضو بالعكس الاخوان مهما يكون بينهم يظلون اخوان ولايمكن يفرق بينهم شي خااصه وصخ الدنياا (فلوس)
ويمكن اهو بساعة غظب قال كم كلمة او ذكر موقف قدامك انتي تتظايقين منه وتظلين تذكرينه وتحقدين وتذكرينه فيه بس اهو لا ...يينسى ويسامح لانهم اخوان وربي يوفقكم لي كل خير ويرزقكم من حيث لاتحتسبون
تقبلي مرور اختك ام زهراء ش
حبيبتي فيه كثيرات يشتكن من هذي النقطة , يحسن ازواجهن يتعاملوا مع اهلهم بتعامل مو يستحقوة , عندي لك عدة نقاط
1- حبيبتي الي ما فيه خير في اهلة ما فيه خير بنفسة وزين زوجك شاغل نفسة بالحق احسن من ما يشغلها بالباطل , ثم كل الي زوجك يقوم فيه تجاه اهلة هو في ميزان حسناته , ولو انا مكانك بحمد الله ليل ونهار ان الله رزقني زوج قلبه صافي ويحب يساعد اهلة وما يشيل في قلبه ع احد
2- هذه نقطة مهمة جدا , اكثر حاجة يكرها الرجل في زوجته هي تدخلها في علاقاته مع اهلة بشكل سلبي , تراك والله بتصغرين بعينه , وتعرفي شو بيقول بيقول زوجتي قلبها مو صافي وحاسدة , وبيشوف اخواته احسن منك وهن الي قلبهن صافي , دائما انصح كل المتزوجات ان يتعاملن مع ازواجهن بذكااااااااااااااااااااااااااااااء وبتفكير في عواقب ردة الفعل قبل القيام بها , تصرفي بذكاء ودبلوماسية اذا تريدي تكسبي زوجك , انت بالعكس شجعية ع حب اهلة ومساعدتهم وقوليله ما شاء الله انت انسان عظيم وقلبك صافي , والله بتكبرين بنظرة , واذا انه يساعد اهلة كثيير احيانا لو ما بغيتية يروح اشغلية بدبلوماسية وبذكاء , اعزمية في مطعم , اطلعوا رحلة سوي اي شي بس اياك يحس انك تريدي تبعدية عن اهلة , وصدقيني كل ذلك في ميزان حسنات زوجك , وهذا يدل على انه بيربي اولادة انه يكون بيهم خير بألهم , فاولادك راح يعتنوا فيك وبأخواتهم مستقبلا , كوني ذكيه بالتعامل معه , لا تحاولي اصلا تتدخلي في اي شي بينه وبين اهلة
وان شاء الله الله بيرزقكم وبتعملون بيت , لان الله بيجازي زوجك خير ع حسناته مع اهلة
بالتوفيق , عذرا ع اطاله