سلام عليكم
هذا اول موضوع لي في هالقسم :)
دايماً امر بهالقسم واجووف افكار وابداعات البنااات وتشجعت اني اسوي شي من شغل ايدي واعرضه عليكم خصوصا انه لي بهالمجاااال
المهم بما انه مرت خالي بتوولد شهر 11 ,, فقررت اسووي لها توزيعات من عندي كهديه ومفاجأه بدون ما تدري ,, وعشان فيها السكري - الله يشفيها - فما ندري متى بتووولد بالظبط عشان جدي جهزتهم من الحين ووقت ما تولد بيكونون جاهزين
شي ثاني انه للحين ما نعرف جنس البيبي , عشان جدي اخترت الوان محايده وهي برتقالي وبيج وشوي اخضرررر ,, وحبيت اسووي شي بسيط وبتكلفه معقووولة واستخدمت اشياااء كانت اوردي موجوده عندي في البيت :)
هذه البطاقه اللي استخدمتها > من النت
.. :flower: ..
بعدييين فكرت في الستااااند اللي بخلي في التوزيعات ,, وتذكرت انه اختي عندها مهد صغييير مال العابها :D_smil1: فقلت خوووووش بستفيد منه لانه ينااااسب الموضوع
ورحت ادوورر عليه وطلعته من تحت الانقااااض وكان مغبر ههههههههه
وعقب بديت الشغل عليييه ,, اول شي اخذت قطعه فلينه وقصيتها على شكل مستطيل بحجم قاعده المهد ولونها بلووون برتقالي ,, وما كان عندي الوان فلوونتها بمكياج :21_207:
وعقب حطيتها بقاااااعده المهد
و اشتريت قش بلووون برتقالي وخليته فوووق الفلينه بهالشكل
وبعدين اخذت تووور لون برتقالي وبيج على ذهبي , وحاولت بطريقه بسيطه الفه على المهد واشتريت ورد واكسسوارات وحطيتهم على جنب
.. :flower: ..
ولقيييت انه هالمهد صغيير وما راح يكفي فقررت آخذ سله - بعد كانت موجوده عندي في البيت - وازينها بالمتبقي من التوووور - بس الورد خلص شسوووي !!
رحت اخذت ورد من مزهريه في بيتنا ومشيت الموضوع :21_8:
وهذه صورة لهم اثنينهم
.. :flower: ..
والتوزيعات كانت عباااااره عن اربع اشكاااال ,,
اول شكل مخدات
وزيتنهم بورد برتقالي ,, وشرايط برتقالي واخضر
ولصقتهم على جنب
وبعدين حطيت الكاكووو ولفيت الشرايط للخلف وحطيت البطاقه وصاروا بهالشكل
,, :flower: ,,
والتوزيعه الثااااانية عباره عن نحل صغااااار
ما تعبت رووحي بالتزيين لانه اصلا مادري شنو اسوي فيهم :2_106:
بس اكتفيت بلصق الكاكوووو والبطاقه عليهم
,, :flower: ,,
والتوزيعه الثالثه عباااره عن مناظر
ومثل الشي اكتفييت بلصق الكاكووو والبطاقه
,, :flower: ,,
والتوزيعه الرابعه عباااره عن مراضع ,, وحطيت فيهم حلااااوة
,, :flower:,,
حطيت المخدات في المهد ولصقت دب صغيروون على الجنب الثاني عشان يبين انه حق بيبي
وحطييت باقي التوزيعات في السله
طبعا واجهتني مشكله ,, لقييييت انه السله فيها عمق شوووي ,, فأخذت جرايد وكرفستهم وخليتهم بقااع السله وغطيتهم بقماش ذهبي وعقب رجعت التوور البيج فووقه فصارت قاعده السله مرتفعه وهذا المطلوووب :ok:
الشكل النهائي
.. :flower: ..
واتمنى انه عجبكم :)
اللي بينقل الموضوع محلل - بس ما يشيل اسمي :thumbs:
