السلام عليكم ورحمة الله وبركاته
..~..~..~..~..~..~..~..~..
..~..~..~..~..~..~..~..~..
ازيكم يا بنات؟
النهارده جبتلكم نوع حلو مش مشهور كتير
او على الأقل انا بحثت هنا وملقتوش بطريقتنا او يمكن ليه اسم تاني
والحلو ده هو الرواني
لقيته بالطريقة اليمنية وهى مختلفة تماماً عن المصرية
فلما قرأت الموضوع افتكرت الرواني بتاعتنا وقولت اعملهالكو
المقادير :
معلش ملحقتش اصورها علشان ماما كانت مستعجله :ss:
1 و نص كوب دقيق
1 كوب سكر بودرة
1 باكو بيكنج بودر
2 بيض
فانيليا
2 معلقة سمن = 1\2 كوب زيت ( اللى يحب ده او ده )
2 كوب زبادي
هنحتاج شربات كلنا عارفين مقاديرة
سكر + مية + ليمون
الطريقة :
نضرب السكر مع السمن او الزيت بالمضرب الكهربائي
نضيف البيض والفانيليا ونضرب
نضيف الزبادي وهنا ماما ضافت شوية وش لبن علشان تضيف دسامه
نضيف الدقيق تدريجياً والبيكنج بودر ونضرب
هنا شكلها النهائي
ولو حسينا انها تقيله ممكن نضيف شوية لبن او زبادي تاني
وبعدين نصبها ف صينيه مناسبة وندخلها فرن سخن
يعني فاتحينه من قبل ونسويها زي الكيك العادي بالظبط
اول ما تطلع نصب عليها الشربات ونرشها بجوز الهند وده شكلها
وهنا لما قطعتها
لطيفة وكمان تجديد عن الكيك العادي
يارب تعجبكم :)(f)