كان جايلنا ضيوف ودخلت المطبخ اخترع هههههههههه
جربت كدا اعمل نوع حلو جديد...وبعد ماعملته قلقت منه لدرجة اني ماقدمتوش يوميها...كنت عامله حاجات تانية
ولا حتى جربت ادوقه...
لحد ما اخويا داقه فسألني انتو شاريينه منين..لما قلتله انا الي عاملاه ماصدقش وقالي ابقي اعمليلي تاني
ساعتها بقى قررت ادوقه ههههههههه ولقيته حلو الحمد لله جدا
فقلت انزل الطريقة بقى
المقادير سهله جدا وبسيطة
تمر...من النوع الطري...انا جبت الي هو بيبقى كيلو كدا محطوط في حاجه بلاستيك كدا عامل زي العجوة بس طري اكتر
مش فاكره اسمه بس هو موجود ف فتح الله لبنات مصر :)
علبة بسكوت سادة...استخدمت اولكر بسكوت الشاي
قطعة زبدة مش كتير عشان الدسم يعني ممكن 50 جرام او حاجه
شوكولا خام...انا بستخدم شوكولا محلاة عشان ماضطرش احط سكر وف نفس الوقت ماتبقاش مرة اوي
جوز هند
الطريقة بقى :)
اول حاجه بكسر البسكوت واحطه ف الكيتشن ماشين
واضربه عشان يتفرم
واضيف بعد كدا الزبدة واخلطهم
والتمر بكون مسخناه ف المايكروويف عشان يطرى شوية كمان
واخلطه معاهم ف الكيتشن ماشين
ده بيكون شكله
بعد كدا باخد العجينة واشكلها بايدي على شكل صوابع..او اسطوانات..
انا بلبس جوانتي خفيف او تغسلي ايدك كويس قبلها :)
ونحط الاسطوانات دي في الشوكولا الي سيحناها في حمام مائي او في المايكروييف
هيبقى شكلها كدا
ندحرجها بقى في جوز الهند
ونرصها في طبق
ولحد مانكمل...
وبعدين نحطه في التلاجة يمسك نفسه..حضريه من قبلها بيوم مثلا...عشان يتماسك
وبعدين لو عندنا الورقات الي بنحط فيها كل واحده بمفردها نحطها فيه بس انا ماكانتش عندي
وده الشكل النهائي
بس جربوه وهيعجبكم طعمه بجد :)
وبالهنا والعافيه