السلام عليكم ورحمة الله
الله يعافيكم جاوبوني وبصراحة بس على الاقل ارتاح ابي انام راسي
بينفجر
اخر دورة لي كانت ب 2/ 9/ 1430 يوافق 23/8/2009انا الدورة عندي منتظمة هي صحيح ماتنزل بنفس التاريخ لكن الفرق عادة يكون يومين او ثلاثة
المهم على اخر يوم برمضان واول يوم بالعيد بديت احس باعراض في البداية فكرتها الدورة
وتاخرت اسبوع وكنت مستغربة لانه في رمضان لم يحدث جماع الا في اخر الايام وبالعيد
وماتوقعت انه بيصير حمل
المهم صار حمل مع اني كنت مستغربة الحمدالله انا انبسطت وزوجي برضوة
لاني اجهضت قبل 3 شهور حملي الاولي وهذا الثاني والحين صرت حريصة على نفسي مرة
وبالرغم من حرصي ماني فاهمه وين المشكلة بالضبط ؟؟؟؟
بعد ماعرفت اني حامل وحللت اعطتني الدكتورة مثبت حمل وحمض الفوليك والجوسبرين
واستمريت شهر شوال كامل وكانت تجيني دايم الالم باسفل الظهر اكثر شي والبطن قليل ورحت الثلاثاءالماضي المستشفى عشان اطمن بعد مامر شهر
وسالتني الدكتورة عن تاريخ اخر دورة وقالت لي انتي المفروض الحين خلصتي شهرين
المهم سوتلي سونار على البطن ماشفت شي وقالت الرحم فاضي
وشككتني بحملي وعملت لي تحليل هرمون الحمل ورحت اليوم الثاني
وقالت لي بأستغراب نسبة الهرمون عالية جدا تقريبا 9000 وغريبة ما بين لازم
يبين
يبين
بعدين سوت لي سونار مهبلي وقالت لي كيس الحمل موجود بالرحم بس صغير جدا وبالسونار عمره 4 اسابيع
وسالتني اذا نزل مني دم وقلت لها لا ابد ولا شفت نقطة !
الحين هل هرمون الحمل مرتبط بحجم الجنين ؟ الدكتورة مستغربة وعطتني موعد
وسالتني اذا نزل مني دم وقلت لها لا ابد ولا شفت نقطة !
الحين هل هرمون الحمل مرتبط بحجم الجنين ؟ الدكتورة مستغربة وعطتني موعد
بعد اسبوع اللي هو بكرة وقالت لازم يبين ولا بيكون فيه مشكلة
المهم انا دخت من كثر التفكير والبكاء ماابي اجهض مرة ثانية
ماتتخيلون نفسيتي زفت فتكفون جاوبوني قد سمعتم بهالحالة هرمون الحمل مرتفع مرة وكيس الحمل بالعافية بين بالسونار المهبلي لصغر حجمة
هل ممكن يبين معاها بعد اسبوع بصراحة ماادري وش اقول
تكفون ردوا علي ماابي انصدم بكرة
اسفة على الاطالة بس من جد هذا اللي بقلبي فضفضته لكم لانه مااحد من اهلي يعرف اني حامل الى الان