من مطبخ أم المهند .. أكلة هندية سبايسي وأحلى ما فيها سهولتها وطعمها الخرافي .. حياكم

السلام عليكم ورحمة الله وبركاته ،،

مبارك علينا جميعاً عودة المنتدى من جديد :)


من كم يوم لما كان المنتدى مغلق سويت طبخة هندية وبصراحة لذيييذة ، أنصحكم تجربوها لسهولتها وروعتها ، ومن باب التغيير أيضاً ،، :)


بخبركم سالفة هالطبخة ،، :D


يوم كانت الشغالة تطبخ لنا الغدا ، حضرتها مستحيييل تاكل من نفس الطبخ اللي تسويه لنا (n) ، على قولتها ما يعجبها ولا يحلا لها ما فيه فلفل :D ، وتضظر تسوي حالها بروحها أكل خاص ،، وأكيد ما يخلى من البهارات الهندية والشطة الحارة ..

ومرة طحت على ريحة طبخة جناااان ، دشيت المطبخ إلا وأشوفها تجاهد في انجاز طبختها الهندية :eek: وعاد خبرتها يوم بتخلصي أريد منها شوي :tongue: <<< جد فوادي طاح عليها :confused:

طبعا أكلت منها وعجبتني موووت وحبيت نكهتها :tongue: ، وتعلمت مبادئها منها ،،

أدري طولت عليكم بس عشان تعرفوا قيمة الطبخة وتجربوها :wink: ..

نبدأ بسم الله بالمقادير :



المقادير ( أ ) .. :)

تتكون من // بصلة مقطعة شرائح كبيرة شوي + بطاطا حبة وحدة مقطعة مربعات + 4 فصوص ثوم مهروسين + 4 ملاعق روب الزبادي + بهارات ( ملح ، فلفل أحمر بودرة كثري شوي ، فلفل أسود ، كركم ، كمون ، شوووي بابريكا ، شوووي قرفة + بهار هندي أي نوع معاك أنا كان معاي ( كاري مدراس ) بإمكانك تضيفي فلفل أخضر بس لأن معاي العيال :( ما بغيت أكثر من الشطة ، يكفي الفلفل الأسود والأحمر ..





صدر دجاجة كاملة أو لحم دجاج أي جزء بدون العظام ، بصراحة أنا ما كان عندي صدور :( اللي متوفر وياي هي الأفخاذ فقط فرحت أشرحها تشريح أطلع اللحم منها وقطعته قطع صغيرة :D




المقادير ( ب ) .. :)

تتكون من // جزء من البهارات من المقادير ( أ ) + مكعب ماجي واحد + حبتين جبن أي نوع + نصف علبة طماطم صوص + ملعقة صغيرة نشا







الطريقة نبدأها مع مقادير المجموعة ( أ ) :)


في مقلى أو صفرية اللي تحبي ،، نحط قطع الدجاج بدون أي اضافة لييين ما نلاحظ ان الماي اللي بالدجاج كله نزل وتبخر ،، وهنا المراحل توضح لكم (y)








وبعد ما نزل الماي كله وتبخر نحط الثوم المهروس في الدجاج ونتركه ينقلي مع الدجاج شوي بس :)،،





ثم نضيف روب الزبادي <<< هو أهم المقادير على فكرة لأنه بيعطي نكهة طيبة :)





وفي نفس الوقت نحط البهارات من المقادير ( أ ) ونقلب فيهم ،،





نضيف قطع البطاطا ونخليهم شوووي بس لين يتجانس الخليط مع البطاطا ، ومن ثم نضيف البصل ونخلط فيهم :)








ونخلي المزيج كله مع بعض لمدة 10 دقايق ، خلال هالدقايق تحضرين مقادير المجموعة ( ب ) :cool:


في الخلاط نحط كاسين ماي وجميع مقادير المجموعة ( ب ) ،،





نخلطهم في الخلاط وراح يصير معاك هالمزيج يم يم يم الريحة تدوخ :tongue:





بعد ما تنتهي ال 10 دقايق نروح صابين كل خليط المجموعة ( ب ) في مقادير المجموعة ( أ ) ،،


طبعاً أنا غيرت من المقلى للصفرية عشان المساحة ما تضيق معاي :)





ونخليهم حوالي نصف ساعة بالضبط لييين ما تنضج معانا كل المقادير وبالذات البصل والبطاطا


لاحظوا القوام بعد نص ساعة كيف صار ثقيل وطبعا النشا له دور في ثقل القوام مثل ما نعرف ،،

ملاحظة ،، لا تنسي في كل مرة تقلبي الطبخة عشان ما تلتصق معاك في قاع الصفرية ،،





وبكذا نكون خلصنا طبختنا الجهنمية ،، طبعاً تقدرون تاكلونها مع الخبز أو الرز براحتك :) وهي طبخة تنفع تسويها للغداء أو العشاء ،، أنا سويتها للغدا مع الرز وشوفوا اللوك النهائي لطبختنا الهندية (y)












بصراحة ذاك اليوم حسيت حالي تغديت من الخاطر ، لأني من محبي الأكل الهندي كثير ، والأحلى إن الحلوين اللي معاي استانسوا بأكلها بعد :) ، وهنا وعافية على قلوبكم جميعاً ..

عاد لا تنسوني من دعواتكم لي بالتوفيق والسهالة .. بارك الله فيكم ..