السلام عليكم ورحمة الله وبركاته
شخباركم بنوتات
عساكم طيبين
حبيت أرويكم مكياجي اللي سويته في مناسبة خاصة
ولا تتوقعون مني شي كبير ترى توني بديت أحط يعني مبتدئة
واللوك سويته على ورقه ما قدرت أصوره على عيني ريلي ما يرضى
وترى الورقة مو معاطته حقه ومو طالع حلو مثل ما كان على عيني لكن الحمدلله
أحسن من ولا شي
وحبيت أقولكم أني ما أصرح حق أي حد ينقل الموضوع إلى أي مكان بدون ذكر اسم الكاتبة والمنتدى
واللي بيسوي هالشي بتواجه وياه يوم القيامة
وبسم الله نبدأ
طبعا أول شي غسلت وجهي وحطيت له هالكريم شريته من شارمل في الكويت ووايد زين حق الويه لأنه مغذي
عقبه حطيت الفاونديشن والكونسيلر وحطيت عليه البودرة
وهاذي صورة الفاونديشن والكونسيلر
وهاذي صورة البودرة اللي حطيتها على الفاونديشن وهاذي شريتها من شارمل في الكويت
بعدين حطيت الإضاءة تحت الحاجب
وهاذي صورة الإضاءة وبعد شريتها من شارمل في الكويت
وعقبها حطيت هالشدو الأحمر
ثلثين العين
وعقبها حطيت هالشدو الزيتي
في الثلث الأخير من العين وحاولت ادمجهم مع بعض وحطيت تحت العين (الثلث بس)
وبعدين حطيت هالشدو الأخضر الفاتح
على كسرة العين وحاولت ادمجه مع الزيتي وسحبته على برى
حطيت كحل أسود داخل العين
وبعدين حطيت الكحل السايل والماسكرا
وهاذي صورتهم
وحطيت إضاءة في فتحات رسمة الكحل
وهذا الجلوس اللي استخدمته من ماركة سبلاش
وطلع شكله جي على شفايفي
وبس
أتمنى تعطوني رايكم بصراحة وبدون مجاملة
واللي مايعجبها تقول وأحنا خوات وداشين المنتدى علشان نستفيد من بعض
وراح أتقبل أي أنتقاد بروح رياضية
يا بنات حبيت أذكركم أن مو مصرح حق أي وحدة تنقل الموضوع إلى أي مكان بدون ذكر اسم الكاتبة والمنتدى
وأخيرا إذا عجبكم الموضوع لا تنسون تقيموني
