منو سوت اشعه الصبغه وصار لها مثلي تدخل تقول لي عن تجربتها

ح

حلم السعادة

عروس ذهبية

26-10-2009 | 05:56 PM

السلام عليكم ورحمه الله وبركاته
بدخل في الموضوع على طول من غير مقدمات
الله يسلمكم انا يوم الخميس سويت اشعه الصبغه طبعا كنت ماخذه فكره عنها
من النت ومن بعض تجارب البنات بس كلش ما توقعتها جذي :ss::o حسيت اني بموت
وماتوقعت انه الاشعه جذي بتكون كنت عبالي انها عادي مثل السونار الي يسونها لي ومتعوده
عليه بس للاسف طلع كلش غيررررررر :ss: اولا فشيييله ثاني شي الالم الي صادني
وثالث شي لما شفت الدم خفت :ss: قلت سوو لي شي حسيت انه سكاكين تقطعني
المهم يا خواتي سؤالي اهو الي سوو اشعه الصبغه هل صار لهم مثلي
انا الله يسلمكم الي صادني انه المنطقه كلش تعورني اول يومين بطني يعورني ومااقدر اتحرك
ولا حتى امشي والحين الحمدالله بس تكرمون مااقدر اتبول ولا اقدر اشد على المنطقه
احس بوجع واحس انه بطني فيه هوى :ss: ويالمني هل هالشي عادي ؟ الي صار لها مثلي
تقول لي تكتب لي هل هالشي عادي او لا ؟
واخر شي ادعو لي انه تطلع النتيجه اوكي ومافيني شي اليوم راح تطلع النتيجه وبعد اشوي
راح اروح اخذها يارب تطلع سليمه

ز

زهرة الجنه

عروس فضية

26-10-2009 | 05:59 PM

هلا حبيبتي

الله يطمنج يارب ويسهل امرج ويرزقنا ذريه صالحه يااااااارب (f)
ماحبيت ادخل واطلع بدون حتى لو دعووه تجبر خاطرج:)

ان شاء الله البنات يفيدونج
ولاتنسين تطمنينا عن النتيجه ويارب تكون تمااااام(y)

ت

ترنيمة الأمل

عروس مبدعة

26-10-2009 | 06:00 PM

حلم السعادة ماعليش شر وانشاء الله النتيجة تكون زينة وما فيها شيء
بس ما ادري صراحة ما جربتها وانشاء الله يفيدونش بنات المنتدى
انتي في وين سويتيها ؟؟
اني اللي سمعته عنها من وحدة تقول مسوتنها انها تالم مثل ألم الطلق والله اعلم

ت

توت بري

عروس نشيطة

26-10-2009 | 08:34 PM

يمكن انتي كنتي متوتره وشديتي .... انا سويتها والحمدلله ماحسيت بشي غير الم بسيط جدا وقت اللي كانت الدكتورة تدفع الصبغه بالرحم وبعدها نزل مني نقطتين دم وبس .... وبالنسبه للنتيجه انا بنفس الوقت قالت لي الدكتورة كل شي تمام ...

ر

رؤى85

عروس مشرقة

26-10-2009 | 08:47 PM

انا سويتها قبل ما احمل بشهرين اوكي بينزل منك دم بس ما كان بيوجع كتير قالتلي الدكتورة كتير مفيدة اولا تزيل الافرازات في قانوات فالوب التي تمنع وصول الحيونات المنوية
وان شاء الله ربنا يرزقك الحمل عاجلا غير اجل

م

محبة_الرسول

عروس ماسية

26-10-2009 | 09:20 PM

انا كمان زى توت برى
عملتها والحمد لله ما كان فيه تعب ولا حاجة
الم بسيط زى الم الدورة

ونزل نقطتين الدم والنتيجة فى نفس الوقت بعدها ب 10 د

ممكن انتى شديتى نفسك
او ما تخدتى مسكنات
انا كنت واخدة مسكن قبل وبعد

وطمنينا عن النتيجة
:)

م

مفاآهيم الخجل

عروس رائعة

26-10-2009 | 09:47 PM

الله يكون في عونج يالغلا ويرزقنا الذريه الصالحه يارب

بس صراحه خوفتيني انا بعد يوم الخميس عندي اشعه الصبغه واسمع عنها انها تألم وبصرااحه خفت زيااده من كلامج والله يسهل ان شاااء الله ومعليش حبيبتي ممكن توضحين شلون يسون الاشعه بالظبط لاني ماعرف شي عنها

والله يرزقنا الذريه الصالحه يارب

.

.:.رجاوي البحرين.:.

عروس مشرقة

26-10-2009 | 10:13 PM

يمه خرعتيني وقعدت أحاتي
انا عاطيني موعد حق الأشعة والله يستر وخبصت في التعليمات ولازم آخذ مرة ثانية موعد عشان يسووون لي الأشعة
انتي وين سويتيها؟

d

doadoa

عروس مبدعة

26-10-2009 | 10:28 PM

ربنا يرزقك ويرزقنا الخلف الصالح ان شاء الله

s

sweet lady88

عروس ماسية

26-10-2009 | 10:36 PM

ربي يرزقج الذرية الصالحه يالغلا

طمنينا النتائج سليمة..؟

ر

روح الربيع

عروس مبدعة

26-10-2009 | 10:43 PM

انا صراحه عملتها لي الدكتوره مع عمليه المنظار تبع التكيس وطبعا وقتها كنت مبنجه ولا حسيت بشئ والنتيجه على طول بعد مافقت قالت لي الدكتوره الانابيب الحمدلله سليمه
وابشرك ترى دايما الي يعملو الصبغه مايتأخروا بسرعه يحملو يقولو انها تسلك الطريق

ح

حلم السعادة

عروس ذهبية

26-10-2009 | 11:25 PM

ترنيمة الأمل;10514917:
حلم السعادة ماعليش شر وانشاء الله النتيجة تكون زينة وما فيها شيء
بس ما ادري صراحة ما جربتها وانشاء الله يفيدونش بنات المنتدى
انتي في وين سويتيها ؟؟
اني اللي سمعته عنها من وحدة تقول مسوتنها انها تالم مثل ألم الطلق والله اعلم

.:.رجاوي البحرين.:.;10515657:
يمه خرعتيني وقعدت أحاتي
انا عاطيني موعد حق الأشعة والله يستر وخبصت في التعليمات ولازم آخذ مرة ثانية موعد عشان يسووون لي الأشعة
انتي وين سويتيها؟

مشكورين خواتي على الرد والله يرزقنا جميعا يارب
بنسبه لي انا سويتها في مستشفى الامريكي
طلعت النتيجه اليوم بس انا ما اتعالج عندهم فانشاءالله بعد بكره
راح اخذ موعد عند الدكتور الي اتعالج عنده اودي الاشعه وان شاءالله خير
وبنسبه لي فعلا انا شديت بس غصبنا عني وبنسبه حق
اختي الضئ راح ارد عليج برساله خاصه ان شاءالله

د

دينا حمدى

عروس فضية

26-10-2009 | 11:49 PM

انا هعملها بكرة ان شاء الله بس ببنج كلى
وادعوا لى تكون نتيجتها كويسة يارب

عندى سؤال هل بعد الشعة بتحسى بالم ولا ايه؟

ح

حلم السعادة

عروس ذهبية

27-10-2009 | 12:16 AM

دينا حمدى;10516301:
انا هعملها بكرة ان شاء الله بس ببنج كلى
وادعوا لى تكون نتيجتها كويسة يارب

عندى سؤال هل بعد الشعة بتحسى بالم ولا ايه؟

موفقه يا اختي والله ايسر لج يارب
بنسبه الى سؤالج انا طبعا صادني الم بس انا طبعا سويتها بدون بنج فما ادري يمكن انتي يختلف الله يوفقج يارب طمنينا عليج
بنسبه لي انا ترجمت الحين الكلام الي مع الاشعه وطلعت الحمدالله مافيني شي كل شي سليم ولله الحمد الحمد الله

ح

حلوو

عروس نشيطة

27-10-2009 | 01:32 AM

ممكن سؤال حق ايش هذي الاشعه؟

ب

بحرينيه عز

عروس ماسية

27-10-2009 | 03:06 AM

اختي انا سويتها وحسيت مثلج بالضبببط وتميت جم يوم اعاااااااني من الم البطن

قالو لي طبيعيي ويمكن يجيب نتيجة اذا الم وانا مثلج ماتووقعت المهاا خير شرر جذي

سويت زلازل بالمستشفى :o بس الحمدلله مثل الشهر حملت معنى كانت نتيجتي

مافيها شي بس نزلو لي الماده في الرحم والله يرزقج حبيبتيييييييي ان شاء الله

م

ميقات العمر

عروس جديدة

27-10-2009 | 04:34 AM

هلا اختي
انا بعد سويتها يوم الخميس وخلال هالاسبوع استلم النتيجه
بس والله مثل ما قلتين الم وذبحني وغير الدم ظليت 3 ايام ينزل مني دم
وطولت معي الدكتوره وكلحين تقول لي سوري بيألمك لان كلحين يحطون الحديده وينزلون الماده وتقول لي لا هذي واسعه لا هذي ضيقه والماده يحطونها وتطلع بره بس اني خفت وسألتها وش فيني وعييت اتقول المهم اني اصريت عليها وقالت اوكي ما فيني شي بس اني متخوفه لان فهمت اليهم يقولون ان قناة من القنوات متسكره بس اني الحمد لله احمل طبيعي بس المشكله عندي يوم اسويها ان الجنين يموت في بطني وهذي سالفتي

ح

حلم السعادة

عروس ذهبية

27-10-2009 | 10:11 PM

حلوو;10517067:
ممكن سؤال حق ايش هذي الاشعه؟

هلا اختي هذي الاشعه يسونها علشان يتاكدون من سلامه الانابيب اذا كانت مسدوده او كان في التصاقات وهالاشياء تسبب في تاخير الحمل

بحرينيه عز;10517511:
اختي انا سويتها وحسيت مثلج بالضبببط وتميت جم يوم اعاااااااني من الم البطن

قالو لي طبيعيي ويمكن يجيب نتيجة اذا الم وانا مثلج ماتووقعت المهاا خير شرر جذي

سويت زلازل بالمستشفى :o بس الحمدلله مثل الشهر حملت معنى كانت نتيجتي

مافيها شي بس نزلو لي الماده في الرحم والله يرزقج حبيبتيييييييي ان شاء الله

اي مثل الاعراض الي صادتني :( الم في البطن ولا اقدر انحني ولا شي احس عظلات بطني تالمني بس الحمدالله اليوووووووم راح الالم بس مازل في الم لما اتبول وانتو بكرامه
الله يقومج يارب بسلامه وتشوفين النونو بحضنج يارب

ميقات العمر;10517830:
هلا اختي
انا بعد سويتها يوم الخميس وخلال هالاسبوع استلم النتيجه
بس والله مثل ما قلتين الم وذبحني وغير الدم ظليت 3 ايام ينزل مني دم
وطولت معي الدكتوره وكلحين تقول لي سوري بيألمك لان كلحين يحطون الحديده وينزلون الماده وتقول لي لا هذي واسعه لا هذي ضيقه والماده يحطونها وتطلع بره بس اني خفت وسألتها وش فيني وعييت اتقول المهم اني اصريت عليها وقالت اوكي ما فيني شي بس اني متخوفه لان فهمت اليهم يقولون ان قناة من القنوات متسكره بس اني الحمد لله احمل طبيعي بس المشكله عندي يوم اسويها ان الجنين يموت في بطني وهذي سالفتي

يارب تحملين والله يثبته يارب وتشوفينه في حضنج

ح

حنووووونه

عروس رائعة

28-10-2009 | 01:53 AM

انا بعد ماسجلت الموعد غيرت رأيى ومارحت

d

dreamMoon

عروس رائعة

28-10-2009 | 10:21 AM

انا سويتها اللاعم بسبب موت الجنين وشوي تاخرت ف الحمل

بس الشهر الي سويتها ماجتني الدوره وحملت وبعد وصلت لشهر الخامس

ومات الجنين ولحين ماصار حمل وإن شاء الله لين الله ماكتب وحملت بسويها مره ثانيه

مع انه المره الاولي طلع كل شي طبيبيعي والقنوات اوكي الله يرزقش بالحمل يارب السليم الثابت