.. بنتك بالروضه! ولدك بالمدرسه ؟ تعالي خلينا نشووف Lunch Box ..!

ألف شكر لك على موضوعك الرائع والمميز
بصراحه انا ولدي لسى صغير حتى ع الروضه هههههههه :)
بس أحب أشارك لو بشئ بسيط ..
أكيد أهم شي تحرص ع الشندوتشات , العصائر , الفواكه .... الخ ..
السندوتشات :
تقدر تسوي سندوتش بخبز التوست ( جبن شرائح + شرائح طماطم + شرائح خيار ) ..
العصائر :
تقدر تسوي عصير بأي فاكهه تبغاها .. واذا ماتبي لون العصير يتغير مع الوقت تضيف عليه ماء و شوي من العصير الجاهز من نفس نوع الفاكهه اللي سوتها ..
الفواكه :
تقدر تسوي له سلطة فواكه تحطها في علبه صغيره لوحدها .. طبعاً معروفه طريقتها ..
الخضار :
تقدر تسوي له خضار سوتيه بأي نوع يحبه طفلها ..
البسكويتات :
تقدر تضيف له في العلبه نوع البسكويت مثلاً اللي يكون خاص بالأطفال << تلاقيه بالصيدليات ..
..
هذا اللي أقدر عليه .. وان شاءالله استفدتي ..
:)

اممممم لما اني بعدها بنتي على الروضه والمدرسة ..

بس بشارك وياكم باللي اعرفه ..

مثلا تسوي جدول اسبوعي وتحطه قدامها في المطبخ

يوم الأحد :: عصير فراولة + سندويش توست + خيار مقطع شرايح + ميني همبرغر + تفاح مقطع

يوم الاثنين :: جكن ناجيت مع البطاطس ( الآلوو ) + عصير برتقال + كمثرى او كيوي

يعني هذا اللي اعرفه

واهي الام ادرى بولدها وش يرغب وتحاول تدخل ليه وجبات يحبها ومفيدة في نفس الوقت ..

واهم شي التنويع في الاكل وتحاول تسوي تشكيلات ليه برسومات او طريقة قص السندويش بحيث يستانس وتفتح نفسيته عشان يأكل

مشكورة خيوو موضوع واجد مفيد

صراحه موضووع مفيد الله يسلمك ام علاوي 

هلاا بأم علااووي و موضووعهاا

اللي يحيرني كل يوووم

بس اناا العكس بنتي بالمدرسة و ولدي بالرووضة >> للحين ما دااوم

المووهم

كل يووم أقعد أفكر شنوو أحط لأميرتي و الساندويتش ما تاكله

اتقطه بالمدرسة أو يرجع معاهاا البيت !!

و اليووم حطيت اليهاا عصير دانااو بالحليب و بسكوويت و قطعة كيك

و شيبس ومووزة و عطيتها فلووس لو حبت تشتري شي و متأكدة انه بيرجع

و ما يصلح أعطيها ناجتس و شيبس و هالسواالف لأنها ما بتاكله الا من بعد10

يعني بصير له أكثر من 3 ساعاات و بيذبل و بصير مو اوكي

و مشكوورة ياا الغلاا ع الموضوووع

و الله يعطيج ألف عاافية

و عقباال ماا اتجهزي و تتحيري نفسناا للقمرر علااوي

بصراحة هذا الموضوع شاغلني كثير
يا ريت الامهات اللي عندهم مزيد من الاقتراحات يشاركونا
انا عندي بنوته في قريد ون وصعب ارضاءها في الأكل احاول كثير باختراع شي تحبة
اللي عندها افكار حلوه تساعدنا

قلبج على قلبي أم علاوي كنت بنزل نفس الموضوع بمناسبة دخول ولدي الروضه بس انتي سبقتيني


و إن شاء الله يصير تفاعل بالموضوع


ولي عودة إن شاء الله بروح اتريق (c)

حلو الموضوع بس بنوتاتي لسه صغايرونات
ان شاء الله الي عدهم خبره يفيدوكي

بشاركم الموضوع للأفادة
حمود لسى بدري عليه
عقبال تجهيزاتي لحمود للروضة
سندويش توست جبن بالخيار والطماطم \موزة\تفاحة\خيارة\جزرة\عصير على حسب النوع الي يحبه الطفل \كيكة \بسكوت

شكرا ام علاوي عالموضوع المفيد
وجا في وقته

اما عن ولدي جايب لي علة
والسبب اكل المدرسة ما يبي شي وخصوصا اذا حطيت له سندويش يعصب ما ابغي ماحبه
واذا قال حطي لي بس جيبس ليز وعصير بس.......
ااتخيلوا ما ياكل شي ادعس ليها ساعات بدون ما يدري بسكويت جان يجوع وياكله مافي فايدة
اهو يحب دونات بعض الاحيان اشتري ليها بس يرجعها ماياكل يقول ما احب اكل
واعطيه فلوس يمكن يشتري ليه حاجة حده بس عصير
وانة متحيرة وش اسوي له

مشكوره ام علاوي على الموضوع الحلووو والي جى بوقته

انه بنتي للحين ما داومت بس بقول لج عن اللعام شنو كنت احط لها

طبعا هي كلش عسره في الاكل ومو كل شي يعجبها

السندويش ما تحبه فعشان تاكله قمت استخدم قطاعات البسكويت عشان تتشجع وتاكله

او استخدم الخبز اللبناني الميني الصغير وفي المنار في اشكال صمون ميني اخذها معاي تختار عل وعسى تاكله

هي تحب الزيتون فاخلي لها في الكونتينر الصغار زيتون مع انه ما ترجع الا ملعوزه الشنطه بالماي تصير كلها سوده

يوم الخميس اسوي لها نكتس وبطاط .........>> وهذا اكثر يوم تستانس فيه

اوقات احط لها السويس رول الميني لصغار تحبه

كل يوم لازم اقطع لها خياره وجزره على شكل اصابع او حلقات

نظام روضتهم انه ممنوع الجيبس و الكاكاو الا في يوم الخميس ولازم يسوونه Sharing ومو شرط كل اسبوع يخلونهم ياكلونه اوقات يجمعون الي يودونه واذا عندهم حفله او شي يخلونهم ياكلونه

الروب واللبن ممنوع بعد عشان لا يوصخون نفسهم بيه مع انه بنتي تحب الزبادي الي على فواكه فممكن انتو تحطونه لعيالكم اذا كان مسموح

اوقات احط لها قطع بسكويت ابو الحيوانات او اي بسكوت تحبه ......... العام في شهر رمضان كانت تخش لها بسكويت ابو التمر الي تسويه ام زوجي

روضتها فيها شي حلو وانه كل يوم لازم تودي صنف فواكه ما يحددون النوع واخر الدوام يسوون لهم مثل سلطة فواكه والكل ياكل انه بنتي ما كانت صحبه مع الفواكه بس من الروضه تعودت تاكلهم


اي بعد ساعات احط لها سوسج لصغار او الهمبرغر الميني ...>>> كاني واجد قلت كلمة ميني خخخخ

طبعا العصاير يعتمد شنو نحب حليب فراوله حليب ورد كي دي دي الزرافه (هي تسميه جذي )

قرقرت وايد بس ان شاء الله تستفيدون وان شاء الله اول ما يبدى دوامها راح اصور الشنطه واحطها .......>> اذا مداني الصبح مع لويتها

انا بنتي لسه صغيرة
بس عجبني الموضوع

يعطيكم العافية حبيباتي

مشكوورين كثير بنات على الفائده ..!!
ونقلت لصديقتي كل افكاركم وان شاء الله تستفيد ..

وياريت كل وحده منا تدخل بشكل يومي تقول لنا شنو حطت..!!
لانها اكيد تحضر الى طفلها Lunch Box ..
وتقول لنا شنو اضافة حق طفلها من اكل وشنو كان تنويعها ..

علشان الكل ياخذ فكره ولو كانت بالصوور بتطلع اكشخ بعد ..!!
موفقااات ..!

انا احط لها ب Lunch Box ..


كبسة وقرصان وجريش عسب تشبع

ههههههههههههههههه


لا من صدج..

تفطر بالبيت واعطيها مصروفها 10 ريال..

وتشتري إللي تحب

او يطرش لها السواق من ماكدونالز إللي تحبه..

مشكورين ونتمى المزيد من الخبرات..

ممكن تسوي له العصيرات اللي يحبها وتكون طبيعيه وتحطها له في الكوب الخاص للعصير على الاقل يستفيد من شي واحد احسن من ما يشرب او ياكل شي ويرجع الشنطه نفسها ...

موضووع حلووو تسلم يدج ام علاوووووي وعقبال عيالنا الحلوين ما يروحون الروووضة