طريقة عمل توزيعة البلورة إلي في وموضوعي
http://forums.3roos.com/t489215.html
بسيطة وسهلة بس لعيون البنات (f) إلي سألوني شلون سويتها
بحط لهم الطريقة بالتفصيل وما أبي منكم غير دعوة حلوة بالتوفيق
وربي يخلي ليي عيالي وزوجي ويحميهم من كل شر قولوا آمين :)
:
من أي محل للأشغال اليدوية أو لأدوات الخياطة
راح نحتاج ثلاث أنواع شرايط
صغير ووسط وكبير وبالألوان إلي تحبونها
ورولة سلاسل ومجموعة من الورد وطبعا ًمقص ومسدس السيلكون
وولاعة عشان نحرق أطراف الشرايط بعد ما نربطها
البلورة أهني قبل ما أحط عليها شغلي تجي جذي
أشيل شرايط البلورة وبتصير عندي قطعتين
أربطها فوق مثل الصورة
أحط الشوكلاتة بداخلها وأسوي لها تعليقة بسلسلة
أسوي من مجموعة الشرايط فيونكة من 3 ألوان
أقص عود الوردة وألصقها على لفيونكة وأسوي الشغل مثله
من جهة الخلف وبعدين عادي أثبت البطاقة
وخلاص شفتوا أنها سهلة وما يبي لها شي :D
