بنات لو سمحتوا بغيت رايكم ؟!!

أممممممم عن نفسي ما انصحش فيه لأن عادتن تكون مقاساتهم عودة أولا يعني حتى النيوبورن يكون واجد كبيييير ... وتحسينه شي مبالغ فيييه حق نيوووبورن خاصتن انه شهر 2 تكون نهاية الشتا بعد .. هاذا رايي

امممممممم حبيبتي ولو ان اللي بقوله ما له علاقه بموضوعك بس انا قريت في وحده من شاركاتج انج استعملتي بريملان لولدج .... كم كان عمره وبمقدار كم بليز لاني ناويه اعطي ولدي بس ما ادري كم الجرعه وكم مرة يوميا وشكرا

لا تشترين الحين واذا ولدتي بالسلامة
شوفي الجو اولا يمكن ايكون الجو اعتدل وخاصة البيبي بيكون ملفوف بلفراش

انصحش لا تشترين

عن تجربتي اني اشتريت واحد جذي وندمت يوم ولدت اني اخذته لان مو عملي كلش اولا انتين بتولدين نهاية الشتى وشتى البحرين مو مثل بلدان العالم هذا اذا جه شتى وثانيا البيبي بكون عليه قماط وملفوف والقبعه اتعيق

وانتين على كيفش :)

اممم

افضل لو تنتنظرين لما تولدين وتشوفين الجو
بس مااحس بيصلح لطفل توه مولود في اللفة .. يناسب لطفل اكبر شوي!!!

اني استخدمت جدي لبنتي اللي عمرها خمس سنوات لما كانت صغيرة عمرها يمكن 4 أشهر
كان الجو بااارد والبسها اذا بطلع فوق لثياب واذكر كان عز الشتا وحلو ودافي (y)

بالفعل انا مع الاخوات ... ثقيل ومايصلح للنيو بورن لانه كبير
انا بحبه لعمر الاربع شهور وفوق يطلع احلى على البيبي ويدفي
وربي يتمملك على خير وتولدي بالسلامة

وييييه طلعتي حامل هههههههه (صباح الليل)

شدراني قمت مادش المنتدى وايد فما عرف شو يصير فيه

الف مبروك مؤخراً .. وتقومين بالسلامة يارب ..

ما ينفع حبيبتي .. لا تشترينه .. نهاية 2 البرد مب ذاك الزود.. وحتى لو برد اللبس العادي والدلاغات تكفيه مع القماط.. بيفطس حر

بالنسبه لهذا اللبس انا شريته لبنتى واخذت مقاس 3 شهور وكان فرو نااااعم اخذته من سنتر بوينت وبصراحه استفدت منه كثير لانه ريحنى مرة البسه فوق ملابسها اذا كنت طالعه للكورنيش او للسوق واضمن من البطانيه لان كل شوى اعدل فيها اذا تحركت اماهو لا مريح جدا ..

بس انتى لاتشترينه الابعد ماتولدين يمكن الجو يكون معتدل ومايحتاج...

هلا
خيو ما انصح تشترينه لان بكون نهايه البرد عدل ولا بتستفيدين منه اني يوم أولد بولدي كان في بداية فبراير والجو بسرعه تغير وصار حر حتى بعض الثياب ما لبسته الا مرة وحده وخسرت اشياء واجد

خيو ام حسون

ما انصحش بهذي النوعية
ثقيلة على الطفل ويتضايق منها
خذي شتوي خفيف وكم طويل افضل وبيكون ملفوف ولحاف متين
افضل للطفل

اهااا
شكرا بنات
وايد استفدت من ارائكم
انا ما قط جربت هالنوعية الثقيلة ،، والحين لما حملت وشفت منهم في السوق صار خاطري فيهم خخخ بس خفت انهم يكونون مو عملين واكثر الاسباب اللي ذكرتوها طرأت في بالي وترددت وخصوصا ان اسعارهم مو رخيصة يعني خسارة اشتريه ويمكن ما يلبسه او يلبسه بالكثير مرة ومرتين وخلاص اخسره ،، خبركم بعد عقب الولادة ما راح اطلع مباشرة ع الاقل بنتظر شهر او الاربعين معناته بنكون في نهاية مارس - بداية ابريل واعتقد الشتا خلص وقتها ههههههههههههههه



اخت مومو بالنسبة لدواء بريميلان للاسف ما اعتقد اقدر افيدج لان نسيييييت الجرعات او بالاصح مو متأكدة فما ابغي اعطيج كلام غير موثق ..
انا عطيته لولدي وكان عمره شهرين فقط حسب وصفة طبيب اخصائي اذون وانف وحنجرة ، واللي اذكره ان الدواء وايد ممتاز ونفع ولدي واااايد :)


عيون ام مصبح اهليييييييييين :D
من طول الغيبات جاب الغنايم
شخباركم يالغالية
الله يبارك فيج :o:o:o
وفعلا كلامج صح شكلي ما بشتريه ولا شي


والف شكر لكل البنات
الظاهر بخليه للبرد السنة الجاية بيكون البيبي صار عمره حوالي 9 شهور حزتها بشتريله واحد عن خاطري هههههههههههههههههههههه :cool:

توني برد شفتج قررتين خلاص وقرارش سليم

هلا ماما حسوون ..!
ذكرتني بولادتي بولدي كانت 26-2 ..
وكنت مجهزه اغلب لثياب شتويه لي وله ..

وبعد ما ولدت شوي وتغير الجوو ..
وخسرت شكثر م البسهم لانه الجو تغيير ..!!

يعني اشتري ثياب بس مو شتوويه ثقييله ..
لانه ما راح يكون برد بس اكمام طويله اوكيه ..!
عن هوى المرووحه او المكييف بعدين ..

بس ملابس ثقيله ما انصح تشترين ..
غير ثلاث قطع لا تكثرين نيو بورن بعد ..!!
حق بداية جم يوم يعني ..

وربي يوفمج بالسلامه ..

اختي ادا كنتي ماتستخدمي لفه ومفرش الى طفلك بتنفعك لكن شهر البرد بتكوني والده ولو جلستي شهر ماطلعتي بيكون البرد راح يعني مابتستفيدي منه موليه


وهذا عملي اكثر الى الاطفال من عمر 3 شهور وطالع

الاخوات ما قصروا

يعني هذا الافرول ينفع لجونا هني بس عندكم ما اعتقد

الله يقومك بالسلامة و تفرحين باحلى بنوتتتتة

هلا ماما حسون قولولي بتييج بنت او ولد المهم انا شريت واحد من سنتر بوينت تقريبا من 3 سنوات لبنتي الكبيرة وكانمن 0- 3 شهور وكنت استخدمه فقط لروحات البر لان يغطيها كامل ودافي من داخل مع القبعة والجوارب والقفازات وخصوصا في الليل ابدلها والبسها اياه وبعدين كبرت بنتي وخليته حق بنت اختي ولبستها اياه نفسي حق البر وبنتي الثانية نفس شي والحمد الله يالحين عندي اياه ماصار فيه شي كان 4 دينار وشي او 5 ما اذكر

تسلمون بنات ع المشاركة وما تقصرون

خلاص شكلي هونت عنه ومثل ما قلتوا بكتفي بالملابس القطنية بالاكمام الطويلة اضافة الى القماط واللحاف والقبعات وخلاص ..

:)

هاااي
كيييفك ؟؟ وربي يقوومك بالسلااامة

بالنسبة لهذا احسه ماينفع للنيو بورن واستخدمي لطفلك لفة من النوع الثقيل خصوصا انك ماراح تطلعين كثيير في البيبي بداية الشهوور

انا استخدمته لولدي وكان عمره 5شهوور ونفعني كثيير وشريت اكثر من وااحد

الله يقووومج بالسلاامة

و قراارج عين الصوااب