أهلا وسهلا بالسوريات الحلوات بتجمعنا لشهر ذو القعدة

يا ستي الله ييسرلك ويجمعك بشي هدية مرتبة حلوة الهدية كتير حلو تهدي وتنهدي ممكن بيجامة مرتبة تكون خرج ينطلع فيها بالسيارة بس اجمالا هدايا الرجال بتحير مو متل النسوان هداياهن خيراتها أوسع يعني مكياج بارفانات لانجوري شناتي ساعات اكسسوارات في كتير دهب ممكن كمان

بيرل .... (((( مشتاقين لك ))))

اهللين مون خانم مايهمك متعووودة على فصولك الناقصة قصدي فصول نتك الناقص خخخخخخ
وعقبال ماتروح رورو على المدرسة ونركب مقلايتك انتي كمان هههه .... ومنيح اللي فهمتيني انو القهوة بالحشوة لك تؤبشي قلبي
لولاكي كنت حطيتها بالمرئة ولحقت كم وحدة على لولية وشامية (( دعوووة بالخير ولووو مايعبيش اللي يغتابكم بالشر هههه ))
لانهم اتنينهم ماذكروا وين القهوة بتنحط ... بجربها ان شالله بس خايفة !!

وبالنسبة للعطلة اللع يعين زوجك والله انا متل ماقلتلك سهرنا واتعشينا ببيت صاحب زوجي والجمعة عزمت سورية وزوجها على البيتزا وبقينا بالبيت لانو اجت بنت حمايي
وبس خلصت العطلة علمك بكرا خميس الله يعفو عنا ...
يالله صمدي قروشاتك انتي كمان منشان العيد السعيد خخخخخ

&&&&&&&&&&&
ولبنة بينار طيبة كتير بس مون خانم ماكانت مقتنعة تجيبها وكلنا النالها وحكينا عنها وبالاخير صارت مون اول غرض تجيبو للبيت هو لبنة بينار خخخخخخخخخخخخخ
انا كمان شامية لفيت سندويشة حلاوة طحينية وعم اسمع كمان ياطير لفيروز

MONOSTEPS;10582222:
يا ستي انا ما بحب اللبنة اللي على طعمة قشطة للصراحة
انا ذوقي باللبنة بلدي شوي ههههه يعني لازم تكون فرش
متل اللي بيجيبوها بالمحلات بسوريا اللي بتجي معها شوية شرش حموضة
ما انه حامضة كيف بدي قلك الطعمة التقليدية اما هالاشكال ما بتعجبني كتير
ونشبت الحرب بالشات بيني وبين البنات لانهم كلهم بيحبوها وحاولوا يقنعوني فيها وما اقتنعت
المهم زوجي بيحب هالطعمات قمت رحت على مدح البنات جبت الي لبنة عادية وجبت لزوجي
منها وهداك يوم وهيدا يوم ما عم يدخل على بيتنا الا منها هههههههههههههه زوجي عجبته كتير
وصار ما يتذكر لبنتي وخلص صرت اكل متل الشاطرة بينار لانه مافي غيرها ههههههههههههههههههه

هههههههههههههههه الله يجزيهم الخير هالبنات بتصدقي أنو صار معي نفس الشي تقريبا أنا اجمالا بحب اللبنة وزوجي لاء وبتعرفي بسوريا ما منشتري هيك شغلات منشتري فريش متل ما قلتي وهون ما بتوثقي تاخدي تازة بقى جربت هي أول علبة الحجم الصغير بتعرفيه أكيد قعدت عندي شي شهر كامل وكل يوم اتعشى واستمتع بالطعم وقول لزوجي ممممممممم كتير طيبة وهو ما ينطش
المهم الاسبوع الماضي حطيت صحن ورشيت عليه حبة البركة وزيت زيتون زوجي اشتهى وهو داق تاني يوم جاب علبة كبية يمكن وزنها كيلو والله خلصت بأسبوع كل يوم عالعشا ياكل لبنة وهلق جبنا وحدة تانية كبيرة ولما رحنا عالشوق شاف قشطة بينار قللي اذا اللبنة تبعهن طعمتها قشطة معناها القشطة شلون بدي جرب ما خليتو لأنو كان عندي مدري كم علبة قشطة نستلة قلت لحالي اذا عجبتو بينار ما بيعود بياكل يلي عندي اي حرام قلتلو بس يخلصو بتجيب

الدمشقية;10582245:
اهللين مون خانم مايهمك متعووودة على فصولك الناقصة قصدي فصول نتك الناقص خخخخخخ
وعقبال ماتروح رورو على المدرسة ونركب مقلايتك انتي كمان هههه .... ومنيح اللي فهمتيني انو القهوة بالحشوة لك تؤبشي قلبي
لولاكي كنت حطيتها بالمرئة ولحقت كم وحدة على لولية وشامية (( دعوووة بالخير ولووو مايعبيش اللي يغتابكم بالشر هههه ))
لانهم اتنينهم ماذكروا وين القهوة بتنحط ... بجربها ان شالله بس خايفة !!

وبالنسبة للعطلة اللع يعين زوجك والله انا متل ماقلتلك سهرنا واتعشينا ببيت صاحب زوجي والجمعة عزمت سورية وزوجها على البيتزا وبقينا بالبيت لانو اجت بنت حمايي
وبس خلصت العطلة علمك بكرا خميس الله يعفو عنا ...
يالله صمدي قروشاتك انتي كمان منشان العيد السعيد خخخخخ

&&&&&&&&&&&
ولبنة بينار طيبة كتير بس مون خانم ماكانت مقتنعة تجيبها وكلنا النالها وحكينا عنها وبالاخير صارت مون اول غرض تجيبو للبيت هو لبنة بينار خخخخخخخخخخخخخ
انا كمان شامية لفيت سندويشة حلاوة طحينية وعم اسمع كمان ياطير لفيروز

شايفة الله يسود وش هالنت قد ما هو اسود خخخخخخخخخخ
وتسلمي لقلبي بس عن جد خفت لا تتهوري وتحطيه بالمرقة لانه ما قالولك
وفعلا رح يستلموا دعاوي خير الله واسم الله ههههههههههههههههههههههههه
والله يهنيكم متل ما قلتي ما بتشوفي الا اجا الخميس الله يعطينا خير هالايام
وان شاء الله رح صمد هالقروشات ونشوف والله عن جد بتحتاري بالهدية
وصحة وهنا على الحلاوة ذكرتيني باخوي بيحبها كتير
ولا تعيبي على لبنة بينار وتذكريني :confused:

هههههههههههههه شطووورة مون وكشفت شهريار عن السر ..... بتستاهلي مون ياشماتي
ياستي انا زوجي عادة بجيب لبنة طائفي قال يعني حامضة صح بس طعمها ابدا مو طيب بقللو جبلي بينار وخلص اطيب واجمالا انا اللبنة مالي مراء فيها
&&&&

شامية الله يسلمك يارب .. اي والله هدايا الرجال صعبة وبتحير بس بتعرفي خرج هلأ نحنا يعني انا وانتي ومون بماانو هالشهرين عامرين نغتنم فرصة التخفيضات ونشتري الهدايا
هههه ... عن جد هلا بوما عنا واديداس وكمان الماركات التانية متل بيير جاردان وغيرهم عاملين تخفيضات حلوة ومرتبة خرج نغتنم هالفرصة بحال كانت الهدية ملابس

شامية ........ منيح من زوجك وهن الرجال بالاجمال اذا عجبهم شي
خلص بيستقروا عليه مو متلنا ومنيح اللي ما خليتيه يجيب قشطة متل ما قلتي
احسن ما يقعدوا هدوك عندك

ماشالله الأعياد كلها ورا بعض بس دمشقية قلتيلي حماتك عنصر رئيسي بالحفلة(g)

يعني رئيسي رئيسي ؟؟؟؟؟؟؟؟(i)(i)

بكل شي بكل شي ؟؟؟؟:rolleyes:

الدمشقية ........... اي اشمتي لقلك اشمتي انا بورجيكي ههههههههههههههه
انا بعتبر اللبنة عروس السفرة ومن اساسيات الفطور والعشا
ومعك حق هلأ التنزيلات شغالة بس مال نصيب لانه على عيد ميلاده
جبت له بوط رياضة بقى عم فكر لعيد زواجنا بشي تاني ان شاء الله
وما عم اعرف شو هو هالشي هههههههههه

ههههههههه شامية كتيير قصتك مع اللبنة بتشبه قصة مون
خلص حلنا نتعود انا ومون على الغربة وسلبياتها وانتي بتتعودي كمان شامية انتي وزوجك هههههه
وبالعافية على قلبك وقلب بعلولك منشان اللبنة .... كل الرجال هيك بس تعجبهم اكلة بمسكوها بالاحرى علئة ههههه

&&&&&&&&&&&&&

مون يبعتلو لعية هالنت ولا يهمك رايتك انتي بيضة مو نتك !!!!!!!!!!خخخخخ
واي عن جد كنت اتعورت واكلت ميت مسبة من حماتي هههههه زوجي مسكين ماابيحكي ناانحرمش منك ياعسسسسل
والله يخليلك اخواتك كلهم وانا بحب الحلاوة كتيييير .... وخلص ماعاد ذكرك بالبينار ابدا ابدا

بيرل وينك شو ما خلصت قراءة اي اذا هيك مارح تخلص لأنو كل ماتقري مشاركة وتفكري حالك خلصتي حنكتب غيرها هيك لتملي ومارح تخلصي بقى يالله شاركينا هالصبحية وبلا القراءة هلق

صباح الخيرات و الليرات و الفرنكات على عيون احلى بنات بالشات ( عالقافية الله يعطيني العافية )
هي أول مشاركة لي بعد ما انتقلا على مكتبي الجديد لذلك كنت بالفترة الماضية كتير مشغولة و يمكن مرتين أو 3 فتحت الشات و بدي اكتب لكم شوي و ارجع سكر من كتر الشغل بتعرفوا كيف بيكون الوضع ببداية كل شغل الله يعيننا
المهم قرأت أخباركن كلكن و اطمأنيت انه الجميع بخير و الحمدلله
حبيبة قلبي مونو اشتقت لك كتير و اشتقت للرغي و العلاك ههههههههههه كيف أيامك و كيف رورو خانم الحمدلله انها قايمة بالواجب و مكترة كمان الله يخليها لك يارب والله هالجيل كله نمرة وحدة و مستحيل تشوفي ولد بهالأيام تقولي هذا أحسن من غيره بتقولي كأنهم من نفس البطن الله يحميهم بس عن جد هالجيل كتير طايش و حرك
دمشقية كيفك حياتي و الله اشتقت لك كتير و مشتاقة لحكياتك بس ماشاءاللع عليك شادة الهمة على لف اليبرق بالظاهر رح انضم الكن كمان لأن عندي عزيمة بهالوقت و كأني رح ابلش معكن ههههههههههه بس عن جد طعمة القهوة كتير طيبة مع اليالنجي بس حطيها للتتبيلة و بمقدار معلقة صغيرة لكل الجاط بتعطيها نكهة خاصة و مشان الهدايا فكرتك كتير حلوة انا من سنتين أخدت لزوجي عطر عربي وصار عنده ادمان و على فكرة في عطور مو غالية ابدا بمحلات العطور العربية و ارخص من الأجنبي و احلى حتى أنا صرت جايبة لحالي شي 3 مرات منهم مو كتير ريحته تقيلة حسب مو آخدين فكرة عنه يعني في الخفيف و في التقيل
شامية لازم اتفحص و اتمحص لكن شو هيك ادخل على ابو عماها (ضاربين بعرض الحائط ) ابوك يالفصحى على قولة الدمشقية ههههههه يعني مشان نعرف شو بدنا نحكي و ندردش شوفي حبيبتي انا رأي من رأي البنات اذا عندكن بيت تسكنوا فيه بالشام ووظايفكن مأمنة بالناقص من هالغربة لأن مو جايبة همها أما اللي صاير فينا نحن انه لبين ما أمنا البيت هناك كانت طارت وظايفنا لهيك مضطرين نقعد بزيادة كم سنة لحتى نعمل رأسمال على الأقل يعمل لنا شي مشروع صغير أو يكون النا مصروف و مع هيك ما فينا نقول غير انه ما منعرف لبكرة شو ربنا بيريد لنا و ربنا ما بيريد غير الخير لعبده لهيك اتكلي عليه و الحمدلله وضعك أحسن من اول ما جينا عالغربة بكتير يعني بهالأيام اذا حبيت تبقى كل اليوم عالنت انت و اهلك و اصحابك ما في مشكلة والله على دوري اول ماجيت ماكان كل هالشغلات و كنا التلفون نعمل له الف حساب أما الآن حتى الطيران صار أرخص فيك تنزلي كم مرة بالسنة اذا قصدت و وجود النت حل مشاكل كتيرة وماعاد خلاك تشعري بالغربة بالعكس بتحسي حالك متواصلة على طول ببلدك و اهلك و اصحابك وابدا ما تفكري تنزلي لوحد لأن رح تتندمي كتير يعني با اما بالغربة انت وزوجك سوا او بالشام سوا و الله يقدم لك اللي فيه الخير يارب
لولية كيفك حياتي والله فكرة البيت جنب الجامعة كتير فكرة حلوة و أنا بأيدك فيها تماما لأن بصراحة بهالأيام ما عاد في ذوق بسواقة السيارات أبدا و بيحس الواحد حاله نازل على حرب الشوارع مو ليوصل على شغله و عم يبقى كل الوقت على اعصابه و حتى بناتك ماعاد يعتمدوا عليك يعني ممكن تنامي بزيادة ساعة الصبح و هنن يروحوا على جامعتهم بدون ما تقومي توصليهم أو حتى المسا ممكن تكوني مشغولة و هيك مو مضطرة ترتبطي معهم المهم الله يلهمك للخير أحسن شي
ياسمينة كيفك شو اخبارك و كيف خطيبك صدقيني ما حدا رح يعتب عليك لأن الكل بالهوا سوا ماحدا فاضي لحدا المهم بين فترة والتانية ندخل نطمن على بعض كيف امورك انت و خطيبك ان شاءالله كل شي تمام ؟ ماشاءالله سمعت بالأمطار بحماة الله يبعت الخير يارب و قال اجاهم البرد على غفلة و كان غير متوقع ابدا يعني من الصيفي الصيفي للشتوي فورا بس والله هذا كله مرض الله يعين الجميع
على فكرةقرأت انه السورية حامل الله يتمم لها على خير يارب و بلغيها مباركتي يا دمشقية بس لازم تدير بالها على حالها لأن ابنها بعده صغير و بده شغل كتير بقى الله يعينها كمان

اي والله ياشامية عنصر رئيسي بكل عيد هههههههههههه يعني لاخر السهرة واخر شي منام طب فهمتي علي المهم تأمن علينا انو نمنا
بقى هاد منسميه انا زوزجي العيد العائلي الجو الحميمي الجو الاسري خخخخخخخخ السنة الماضية محمود وشام هنن اللي يصورونا بعيد زواجنا
وكل شي بدك ياه .... شو غير شكل مو ههههه

مونو خلص التوبة بس لاتصل على زوجي وقللو جبلي علبة بينار واتذكرك خخخخخ
والهدايا بتحير والله ... الله يجمعك ونحنا معك بهدية رخيصة وكويسة وبنت عالم وناس هههههه

الدمشقية;10582337:
اي والله ياشامية عنصر رئيسي بكل عيد هههههههههههه يعني لاخر السهرة واخر شي منام طب فهمتي علي المهم تأمن علينا انو نمنا
بقى هاد منسميه انا زوزجي العيد العائلي الجو الحميمي الجو الاسري خخخخخخخخ السنة الماضية محمود وشام هنن اللي يصورونا بعيد زواجنا
وكل شي بدك ياه .... شو غير شكل مو ههههه

مونو خلص التوبة بس لاتصل على زوجي وقللو جبلي علبة بينار واتذكرك خخخخخ
والهدايا بتحير والله ... الله يجمعك ونحنا معك بهدية رخيصة وكويسة وبنت عالم وناس هههههه

له له هيك لكان قلتيلي العيد العائلي اي شو هو عيد الام ولا عيد العمال

اسمو عيد زواج ولا شو رأيك مون تقبشيني ؟؟؟

يالله بيعينك الله أصلا متى ما اجو الولاد بتحسي شوي الخصوصية بتفقديها صارت الحياة طعمها غير بس كمان جو حلو والله الله يخليلك ياهن يارب

PEARL2000;10582327:
صباح الخيرات و الليرات و الفرنكات على عيون احلى بنات بالشات ( عالقافية الله يعطيني العافية )
هي أول مشاركة لي بعد ما انتقلا على مكتبي الجديد لذلك كنت بالفترة الماضية كتير مشغولة و يمكن مرتين أو 3 فتحت الشات و بدي اكتب لكم شوي و ارجع سكر من كتر الشغل بتعرفوا كيف بيكون الوضع ببداية كل شغل الله يعيننا
المهم قرأت أخباركن كلكن و اطمأنيت انه الجميع بخير و الحمدلله
حبيبة قلبي مونو اشتقت لك كتير و اشتقت للرغي و العلاك ههههههههههه كيف أيامك و كيف رورو خانم الحمدلله انها قايمة بالواجب و مكترة كمان الله يخليها لك يارب والله هالجيل كله نمرة وحدة و مستحيل تشوفي ولد بهالأيام تقولي هذا أحسن من غيره بتقولي كأنهم من نفس البطن الله يحميهم بس عن جد هالجيل كتير طايش و حرك

عم قول ليش الشات منور يا هلا يا هلالالالالالالالا
والله مشتاقتلك ومشتاقة للكر واللعي ولكل شي بدك ياه
الله يباركلك ويجعل وجه المكتب الجديد خير عليك ويوفقك يااااااارب
شايفة كيف هالجيل ما شاء الله مطبق مثل في الحركة بركة ههههههههههههههههه
بس والله ما شاء الله عليها مركضتني وراها على الاصلي
كيف ايامك ؟ وكيف امورك؟

الدمشقية;10582337:
اي والله ياشامية عنصر رئيسي بكل عيد هههههههههههه يعني لاخر السهرة واخر شي منام طب فهمتي علي المهم تأمن علينا انو نمنا
بقى هاد منسميه انا زوزجي العيد العائلي الجو الحميمي الجو الاسري خخخخخخخخ السنة الماضية محمود وشام هنن اللي يصورونا بعيد زواجنا
وكل شي بدك ياه .... شو غير شكل مو ههههه

مونو خلص التوبة بس لاتصل على زوجي وقللو جبلي علبة بينار واتذكرك خخخخخ
والهدايا بتحير والله ... الله يجمعك ونحنا معك بهدية رخيصة وكويسة وبنت عالم وناس هههههه

تعي لورجيك ما قلت لك لا تذكريني ههههههههههههههه
امين الله يستجاب منك ونشوف شي حلو

شوفي متت من الضحك على تعليقك على ذكرى زواجكم
فعلا جو وملتقى اسري هههههههه
طيب ليش ما بتطلعوا بتتعشوا بشي مطعم برا ؟؟ والله جد
يعني اولادك وكبروا ومن غير شر معهم ستهم بالبيت ؟؟

شامية ......... انا عقلي بهيك شغلات بقصد الحفلات قفل ههههه ما بفهم ههههههه
لازم الحفلة للزوجين وبسسسسس يعني بيستكتروا عليهم يحتفلوا سوا
وحتى لو الاولاد بياخدوا من الخصوصية بس يكبروا فينهم يطلعوا على شي مطعم
يسهروا شي سهرة او يودوا الاولاد عن بيت الست او الجد ليعملوا جو
ما بعرف انا كتير بحب الخصوصية وبحياتي بالاجمال لكل شي وله شي

بيرل يعطيك ألف عافية دايما مستعجلة المهم لا تحرمينا من الطلات تبعك
والله معك حق فعلا النت نعمة كبيرة وحل أزمة والحمد لله
نحنا بسوريا شغلنا مأمن بس ما عنا لا بيت ولا فرش بيت عرفتي هي هي المصيبة ولبين ما يصير عنا بيت بتطير وظيفتي مني خخخخخ لا بعيد الشر معي يمكن بيقولو 4 سنين اجازة بلا راتب بقى ان شالله تنحل قبل ما يخلصو ال4 سنين

مونو يا خصوصية انت معك حق حياتي بس اذا المخلوقة عم تقول لك بتسبقهم لكل محل و قبل ما يخططوا عالمشوار بتكون مفتحة عيونها و آذانها و لابسة و بتلاقيها مستنايتهم عالباب ياشباب من وين بدها تروح و تجي لا أنا برأي تقضيها بالبيت احسن و أوفر ههههههههههههههه بس اذا بدك دمشقية فيك تاني يوم تطلعي انت وزوجك بحجة انه بدكن تجيبوا شي للبيت و تقضوا لكن شي ساعتين بشي مطعم حلو وراقي يعني ما ضروري حدا يعرف وين رايحين ووين جايين قال تمويه يعني ههههههههههه

مية وردة ومية فللة بيرل تؤبشي قلبي واللهنحنا كمان اشتقنالك كتييير ومبارك المكتب الجديد والله يعينك ويقدرك يااارب على تعبو وشغلوا
ويالله ربي يقويكي يارب بيرل وانتو ماشالله العيد قرب والله يقويكي يسلموا على معلومة القهوة ماشالله كلكم عارفينا الا انا .... وانتي مون يسلمووووووا لانو لولاكم
حطيتها بالمرئة وصارت المرئة نسكافية محمضة خخخخخخخ
وبالنسبة لهالجيل جيل جئر وعنييييد واكبرمن عمرو يالطيف الله يهديهم بس والله نحنا كنا شاطرين متل النسمة ههههه (( الله اعلم ))

ويالفعل بيرل العطور العربية في منهاحلوووووووة كتبر ومو تقيلة بتغم القلب بيرل بنصحك بعطر من العربية للعود اسمه اوودي بيجننننننننننننننننن هو رجالي كتيير حلووووو
وبالفعل بيجي اغلب العطور العربية رخيصة ارخص من الشرقي والله الكوكو شانيل والفرنهايت من فوق الخمسمية ريال وفي على اغلى يمكن
اجمالا حلو التنويع بالعطور

وكلامك عن الغربة عين العقل والله وهاد الصح وربي يختار الخير النا كلنا
والله يبارك فيكي يارب بيرل والله مسكينة بكيت بكى مو طبيعي بس ربك هيك شاء وحاولت تنزلو اول ماعرفت ماحدا رضي لانو كانت لسى الحمل ببدايتو يعني اسبوعين
ماحدا رضي يعطيها شي واستسلمت لواقعها مع انو عندها نقلة من بيت لبيت يعني راح تهلك هاذ اذا مانزل بهالنقلة الله يقويها يارب

MONOSTEPS;10582383:
شامية ......... انا عقلي بهيك شغلات بقصد الحفلات قفل ههههه ما بفهم ههههههه
لازم الحفلة للزوجين وبسسسسس يعني بيستكتروا عليهم يحتفلوا سوا
وحتى لو الاولاد بياخدوا من الخصوصية بس يكبروا فينهم يطلعوا على شي مطعم
يسهروا شي سهرة او يودوا الاولاد عن بيت الست او الجد ليعملوا جو
ما بعرف انا كتير بحب الخصوصية وبحياتي بالاجمال لكل شي وله شي

الله حيو مونو
أنا بعرف معك حق بس أنا هيك عم قول لدمشقية مشان ما تتحسر بس لا تقوليلها

اي دمشقية حلو العيد العائلي الجدو الحميمي وكلكن هيك مع بعض عم تحتفلو وتقطعو الكاتو