أهلا وسهلا بالسوريات الحلوات بتجمعنا لشهر ذو القعدة

اهلين حبيباتي ...........

شكرا كثير على رأيكم المشكلة فيني مابعرف ليش مافيني غير كون صريحة بس مو جارحة وبرأي واحد مو مع الموجه الله يعين

دمشقية سلامت القلبك ديري بالك على حالك أحسن مادور ابو محمود على غيرك .........والله مابلاقي مثلك

مون يسلم اديك على الفطور والله مابتقصري .......وعملتي زينة العقل بقعدتك بالبيت لأنو بعد فترة بحس حاله الواحد من كثر الركض كبر قبل أوانه


باقي الحلوين اشتقنالكم

مبارح فطسنى ضحك على بنت أختي طبعا اخر العنقود ومدلاله المهم راحة على المدرسة مرشحه وصوتها مو طالع وصارت المدرسة تضحك عليها وهى بتقرء الدرس قامت انقمصت وركضت لعند امها أختي مدرسة بنفس المدرسة وأختي بدها تجبر بخاطرها قالتلها خلص هلأ بكلم السواق يجبلك سمكة زينه مشان تشرحي عنها بالصف وهى ماخلت حدا ماقالتلة من رفقاتها واجت الفراشة بتنادي اسمها وهى فرحت من قلبها قامت عطتها كيس والصدمة وقت فتحته لقت سمكة هامور ميته المسكينه لح الطق ........

اسعد الله الصباح يا وطننا

كيفكم يا حلوين ياللي غايبين ومو سائلين :(

بنت الشام المعذبه;10640184:
اهلين حبيباتي ...........

شكرا كثير على رأيكم المشكلة فيني مابعرف ليش مافيني غير كون صريحة بس مو جارحة وبرأي واحد مو مع الموجه الله يعين

والله يا بنوتة لازم تغيري هالطيع فيكي
وحاولي على قد ما تاخدي تعطي وبسسس
هلأ في ناس بحياتنا ما بينقاسوا بهالطريقة
بس مع الناس اللي ما كتير بيهموك طبقي قاعدة
اللي بيشوفني بعين بشوفه باتنين

بنت الشام المعذبه;10640204:


مون يسلم اديك على الفطور والله مابتقصري .......وعملتي زينة العقل بقعدتك بالبيت لأنو بعد فترة بحس حاله الواحد من كثر الركض كبر قبل أوانه

ايوااا كبر قبل اوانه وكتر وغير الامراض المزمنة هههههههههههههه
سبحان الله العالم حط القوامة على الرجل والا لو كانت علينا كنا بخبر كان

بنت الشام المعذبه;10640233:
مبارح فطسنى ضحك على بنت أختي طبعا اخر العنقود ومدلاله المهم راحة على المدرسة مرشحه وصوتها مو طالع وصارت المدرسة تضحك عليها وهى بتقرء الدرس قامت انقمصت وركضت لعند امها أختي مدرسة بنفس المدرسة وأختي بدها تجبر بخاطرها قالتلها خلص هلأ بكلم السواق يجبلك سمكة زينه مشان تشرحي عنها بالصف وهى ماخلت حدا ماقالتلة من رفقاتها واجت الفراشة بتنادي اسمها وهى فرحت من قلبها قامت عطتها كيس والصدمة وقت فتحته لقت سمكة هامور ميته المسكينه لح الطق ........

هههههههههههههههههه مو مشكلة سمكة زينة ولا هامور العبرة
في بطن الشاعر انها سمكة
والله الاولاد بدهم كتير مسايرة لانه عندهم عقلية خاصة

اتفضلووووووا ( هيدا بانكيك رول وعجبتني فكرته جديدة )

بنات ملاحظة اللي حابة تضحي اليوم اخر يوم من ذو القعدة القصد
انه بدخول العشر من شهر ذي الحجة مكروه اخذ اي شي من الشعر والاظافر
وعند بعض الفقهاء محرم طبعا ومن اتقى الشبهات فقد استبرء لدينه وماله وعرضه
يمكن معلومة جديدة او قديمة بالنسبة الكم بس حطيتها مجرد تذكير





عن أم سلمة رضي الله عنها أن النبي صلى الله عليه وسلم قال:
((إذا دخلت العشر وأراد أحدكم أن يضحي فلا يمس من شعره وبشره شيئا)).
وفي لفظ عند مسلم وغيره(من كان له ذبح يذبحه فإذا أهل هلال ذي الحجة فلا يأخذن من شعره ولا من أظفاره شيئاً حتى يضحي)).
وفي لفظ عند مسلم وغيره(فلا يأخذن شعرا ولا يقلمن ظفراً )).

فقه الحديث :

ظاهر الحديث يفيد النهي عن أخذ شيء من الشعر أو الظفر أو البشرة ممن أراد أن يضحي من دخول شهر ذي الحجة حتى يضحي ،فإن دخل العشر وهولايريد الأضحية ثم أرادها في أثناء العشر أمسك عن أخذ ذلك منذإرادته ولايضره ماأخذ قبل إرادته.

مرحبا صبايا كيفكون وشو اخباركون
دمشقية مون وبيرل ولولية وشامية اشتقتلكون
مبارح كان عيد ميلادي واجو اخواتي اولادون واحتفلو فيني
وبالسهرة اجى خطيبي واحتفلنا وقطعنا الكيك وسهرنا سهرة حلوة بس فقت اليوم منعنسة تنعنس وتعبانة ما بعرف ليش يمكن لاني كبرت سنة
والجو عنا بلش بالبرد وبلشنا نلبس صوف ونشغل المكيف على السخن
دمشقية ينعاد عليكي عيد زواجك حياتي بالسعادة الدائمة وان شاء الله بتسافر حماتك ةبتحرري منها كم يوم اي بس هي عن جد غتيتة بشكل انا بعرف انو الام هي يلي بتدفش ابنها من شان يطالع مرتو انا هيك بشوف الماما بتعمل مع اخواتي بس حماتك عجيبة وغيورة الحمد لله انا ما عندي حماية ولا بنت احمى ولاهم يحزنون هيك بس بحس خطيبي مقطوع من شجرة لا ام ولا اب بس اخوة شباب واخت عايشة بكندا يعني من يوم ما اجو اهلو خطبةني ما عدت شفت حدا منون ابدا هو بيجي لحالو ما بعرف اذا هيك احسن
لولية سلامة قلبها بنوتك ان شاء ما على قلبها شر ابقي طمنينا عليها
بنات انا بشوف ان هي شغلة اللقاح كذبة وما الا اساس من الصحة يعني ما حدا منا بالسنة الا ما يكرب مرة ومرتين وهاد لحالو بيعمل مناعة للجسم انا هيك بشوف ومن شان انفلونزا الخنازير فهي جرثومة انفلونزا عادية ولكن الها شكل جديد والله يسترنا من يلي جاي

دخلنا ذي الحجة .. يغلق التجمع .. وان شاء الله نشوفكم في تجمع جديد

وكل عام وانتوا بخير