إنخطبت وتايهة لا تحرموني من نصايحكم

الدبلومآسيه;10496546:
الف مبرووك عليج الخطووبه وعقبال بقية البنوتات ان شاء الله ,,,

حبيبتي فالبدايه انا امر مثل الوضع اللي تمرين فيه ,,,

وانا انخطبت من فترة ال3 اسابيع ,, وكنت متوتره ومرتبكه بكيفية التعامل مع اهل خطيبي اذا ما اتصلوا علي او العكس ,,, بس خذت نفس وقعدت افكر برواقه ,,, والحمدلله عدت الامور على الف خير من اول مره ,,,

شوفي لغاليه :

1- اتصلي على امه دوم وحاولي تكسبي قلبها ,, هذا اهم شئ ,, اسالي عنها وعن صحتها وصحة عيالها ,,, وحاولي تعزمينها على الغداء او العشاء ,, وقدمي لها هديه حلوه اذا زارتكم ,,, وسولفي معاها برزانه وتكوني كسبتي قلبها ,,,

2- اخواته حاولي بعد تسالي عنهم وعن صحتهم وتعزمينهم عندج ,,,

3- من البدايه اهدي خطيبج كتاب ينفعه فالمستقبل او اي هديه لان مفعول الهديه جداااااا قوي على قلب الخطيب بغض النظر عن قيمتها ,,, وانا هديت خطيبي كتاب + مسبحه مرصعه باللولو والجواهر ,, ووايد عيبته ,,, طبعا مب انا اللي قدمتها له لانه منقود في مجتمعنا ,,, عطيت امي توصلها له بعد ماعزمته انا على العشاء في بيتنا مع اخواني وابوي وكان من اعدادي وهذي اول مره ادخل فيها المطبخ وحسيت بقيمة معرفة الطبخ الحين ><

4- دراستج انهيها وخبري اهله انج ماتقدرين تعرقلين الامور وخاصه انج في نهاية العام راح تتخرجين ,, خليهم يصبرون لحد التخرج وعقبها يصير الف خير ,,, لان التغييرات اللي بتصير عليج ممكن تاثر على دراستج ,,,

وان شاء الله اي استفسار انا وبقية الاخوات فالخدمه ^^

ويامرحبا مليووون ,,

جلكسي بالكراميل;10490294:
السلام عليكم ورحمة الله وبركاته


حبايبي قبل ما أبدى فموضوعي حابة أبشركم وأخبركم أنا الحمد الله:9_33: إنخطبت:9_33:

مشكلتي ياحبايبي إني مرة هادئة:21_186: وما أعرف كيف أتفنن في التعامل مع أهل خطيبي خصوصا انهم يقربون لي بس كانو مرة بعيدين مننا وما إتقربو الا لهذا الموضوع :rolleyes:
مني عارفة كيف أتعامل مع أم خطيبي و أخوات خطيبي إحنا ما نكلم بعض وأستحي أتصل عليهم عشان لايقولون والله عارضة نفسها أو شي من هالكلام ولا راح أتصل أبدا وإللي يسلمكم ساعدوني والله مني عارفة كيف أتصرف يعني مثلا إذا إتصلت أخت خطيبي في يوم من الأيام القادمة كيف أتعامل معها بميانة مثلا وأخذ وأعطي وله برسمية شوي على إني رسمية بطبعي على قول صديقاتي

هذا الشي الأول

الشي الثاني حبايبي ويا خبيراتي وأساتذتي كيف أتعامل معاهم بعد الزواج وعلى فكرة بيسكنوني معاهم بنفس البيت أخوات خطيبي متزوجات ومعاي أمو و سلايفي ويقولون لي شقة خاصة والله أعلم


وعندي مشكلة ثالثة وأسفة عالإطالة بس والله مالي أحد يساعدني لأن ما عندي أخوات وأمي ما تتكلم معاي كثير أهل العريس يبغو الزواج بدري وأنا لسه ما خلصت دراستي أخر سنة و بصير خريجة جامعية بشهادة بكالوريوس بإذن الله وأهل العريس مو بنفس المدينة اللي أنا ساكنة فيها هما مرة بعيدين ويبغوني أنقل وأحول ملفي بجامعة من جامعاتهم وبصراحة أحس مرة صعبة عليه إني أحول من مدينة لمدينة ومن مجتمع مجتمع ومن جامعه لجامعة

وكثير من التساؤلات تراود ذهني:o
منها كيف اترك أمي وأنا بنتها الوحيدة وهي بأمس الحاجة لي وما بيكون عندها أحد؟؟؟؟؟؟؟؟؟؟؟؟؟؟؟؟؟؟؟
وكيف أدرس؟؟
ومتى أطبخ؟؟؟؟
وإيش أطبخ؟؟؟؟
ومتى أهتم بنفسي؟؟؟
وكيف أكون زوجة؟؟
وكيف أكون مرت ولد؟؟؟
وكيف ؟؟؟وكيف ؟؟ وكيف؟؟ وكيف ؟؟


الله يسعدكم ساعدوني مالي أحد بعد الله غيركم