فليفله محشية .. آه ؟؟!! لاول مرة في عروس ومن مطبخي بالصور اكيد

السلام عليكم

كيفكم ؟

اذا كنتوا مليتوا من الاطباق المعروفة فيسعدني اقدملكم هالطبق
لاني كما لاحظت في تشابه بالاطباق .. يعني لو بدكم شي جديد
تابعوني ..

الفليفة المحشية (فلفل الرومي) او اليلنجي
اكلة كثير بحبها .. وهي اكيد مفيدة لان فيها فليفله غنية بالحديد :D

المهم
المقادير : (لشخصين )
4 حبات فلفل رومي احمر او برتقالي واصفر (بس الاخضر لأ)


تتبيلة رز مع لحمة للحشوة

قطعت 100 غرام لحمة لقطع صغيرة ، نشفتهم على النار
غسلت كوب رز ، حطيت عليهم ماء وعلى النار لحتى سخنت الماء
ومباشرة شلتهم .. صفيت الماء واضفت اللحمة والملح والبهار وشوية زيت زيتون

رح نحتاج كمان
بندورة ورب بندورة وماء

الطريقة:
طبعاً بعد ما غسلنا الفليفلة وجهزنا الحشوة

نزيل برقة رأس الفليفله الاخضر


ونفرغه من البذور ونراعي ان نخلي الفتحة ضيقة نوعا ما ..


بعدين نحشي الفليفله بالرز واللحمة





نملأ ثلثي الفليفله يعني مو كلها لان الرز عند الطبخ رح يتمدد وينفش



وهاي شكلهم بعد ما خلصت



الان ناخذ حبتين بندورة ونقطعهم حتى نعمل "سدادات" للفليفله :D
يعني حتى نغلقهم بهالشكل .. حتى نحبس الرزات داخلهم
ونصفهم بالطنجرة



ناخذ 4 ملاعق رب بندورة
(انا كمان البندورة الي فضلت من المرحلة السابقة بشرتهم واضفتهم للمعجون)



ذوبتهم بشوية ماي
اضفت ملح وبهار وفلفل اسود على الخفيف


زدتهم على الطنجرة



انا طلعت معي كمية الماء قليلة لانها وصلت لنصف الفليفله فاضفت ماء بس ما غمرتهم لفوق
حتى ما يغرقوا :eek:



وتركتهم على النار .. لما بدأت مرحلة الغليان.. خففت النار وتركتهم على نار هادية
مدة 40 دقيقة تقريباً .. او لحتى تلين قشرة الفليفلة وعن نفسي استنى تيذوب الرز كمان..

وهاي صورة اخيرة للطبق





وآسفة ما لحقت اصور من الداخل بس تخيلوا رز ذايب شوي وفيه نكهه مميزة لذيذة وغنية من الفليفله ..

اتمنى يكون الطبق عجبكم ..

وآسفة على الشرح اذا ما كان واضح .. لاني مبتدئة :)