استفسارات صغيرة لو سمحتو

cheekygirl119;10486519:

صباح الخير,.,

صارت ظهر واناللحين صباح
المهم

عندي استفساارات
وياريتكم تساعدوني لاني كلش مالي بالمكياج ولا بالاعتناء بالبشرة ولا غيروو:ss:
كلش ماعندي سوال الانوثة
يعني لو تشوفوني تشفقون عليي وتعطوني كورسات

(a)

المهم
ابي اسالكم عن حل للبقع السودة الي تطلع في وجهي
يعني مثل اثار الحبوب وغيره
شنو استخدم عشان تختفي؟؟
حبيبتي البقع السودا الي تظهر في البشرة او اثار الحبوب تحتاج طبيب اضمن للبنت لان اذا تستخدمين اي منتج حتى لو غالي ومجرب ممكن بعد هذا ما يناسبك اسئلي طبيب افضل

شي ثاني بعد
ابي حل لوجهي
انا لين قعدت من النوم عيني تكون منفخة
طول اليوم لين ماارد بانام عيني تظل منفخة
في حل لهاي الموضوع يا ترى
عشان على الاقل احس اني صاحية مو كل ماشفت وجهي يالمنظرة اجوف وحدة نعسانة !!:confused:

حبيبتي يمكن يكون قلة نوووم او ارهاق او تكوني شبعانة نوووم :D
طيب ما عليج الا باكياس الشاي تحطيهم على العين وانت مغمضة وفي زي النضارة
هي تكون فيها ماي ما اعرف اذا عرفتيها بتحصليها في الصيدليات الكبرى تحطيها بالثلج
وبعدها تحطيها في عينج وتسترخي عادي بتخفف الانتفاخ
او تشوفي طبيب يمكن يكون له سبب طبي لا قدر الله
خاصة ان بعض الغدد تسوي هالانتفاخ بعيد الشر

بالنسبة لكريماات الاساس
انا بشتري دهنية
واذا اغسل وجهي بالصابون يصير جاف لدرجة ان ماقدر احرك وجهي مدة من كثر ماهو مشدود اصير محنطة :eek:
وبعدين مااشوق ا لا الزيوت من كل ناحية كأني مصنع زيت
ولين حطيت كريم الاساس
يالهوي يا خرابي
يصير وجهي لماعي من الزيوت الي في وجهي
شنو استخدم من كريمات الاساس الي لي زيت وجهي مايتغير ؟؟ ولا يختلف لونه من مكان لمكان ثاني؟

حبيبتي .. البشرة الدهنية مهم جدا جدا جدا انك تعتني فيها اعتناء متكامل يعني تحتاجي لغسول مخصص للبشرة الدهنية يكون مضبط للدهون وبنفس الوقت ما يجففها ابدا بالعكس يعطيها ترطيب وتنظيف
تحتاج تقشري وجهك بمقشر لطيف مرتين او ثلاث
تحتاجي سيروم يضبط الافرازات الي يفرزها وجهك
مرطب مخصص للبشرة الدهنية وعادة والافضل يكون على شكل جل !!
وين تحصلي هالمنتجات
الافضلية - كلارنس مجموعة العناية بالبشرة الدهنية حلووة
لوكتستيان الارز الاحمر المجموعه مخصصة للبشرة الدهنية
كلينك ومجموعتهم للبشرة الدهنية حلوووة


الصابون اذا ما خترتي صابونة مخصصة اكيد راح تجفف بشرتك واحلى شي تختاري غسول وعن كريم الاساس عندج كذا ماركة فيها اساسات مخصصة للبشرة الدهنية
- كلينك
-كلارنس
- استي لودر - الدبل وير
- شوفي مابيلين الجديد الموس السائل
- ديور الجديد اساس وبودرة النوود
اهم شي تختاري نوع خالي تمام من الدهون وحتى لما توزعيه حاولي تعملي مساج حتى تتشربه البشرة
بس اهم شي تعتني ببشرتك واكيد راح تحسي بالفرق

ويمكن اكون خلصت
بس

انتظر ردكم على اسألتي
وياريت تعطوني امثلة عشان اخذ منها لاني ماعرف ولا شي بهاي الامور

اقول لكم احتاج كورسات :confused:

عسى حبيبتي قدرت افيدج
والكورسات تجي منك انتي تتعلمي من المنتدى والنت
والمجلات اقري كل شي وابحثي عنه
كنا زيك والله وما زلنا :)