تجمع بنات مصر الجزء14 للاستفسارات عن العناية بالبشرة والجسم

roro8484;10608416:
كويس اوى بس اهم حاجه تجيبى نوع يناسب بشرتك واختريه الاول على جلد ايدك من تحت الكب الى هى بتبقى رقيقه شبيهه بجلد البشره عشان تعرفى ازا كان ممكن تبقى تعملك حساسيه ولا لا وكمان حمام البخار بيبقى روعه قبل عمليه القشير بيطرى البشره وبيساعد على ازاله الرؤس السوداء والخلايا الميته

انا اقصد التقشير اللي بيتعمل عند الدكتور اللي هو باحماض الفواكة ده
يا ريت تفيدوني فيه هل ليه اثار جانبيه ولا لا
وهل في حد عمله هنا او يعرف حد معرفه شخصيه يكون عمله ؟؟؟؟ وينفع اتعرض للشمس بعدها على طول ولا لا ؟؟

بنات ايزي سويت اللي هي في علب دي بتتباع فين ؟؟ وبكام ؟؟ وممكن الاقيها في الصيدليه؟؟

الى فى برطمان
فى محلات الميك اب وفى الصيدليات يا جميله وفى هايبر وكدا

بتتباع فى الصيدليه يا قمر بس مش عارفه بكام لانى بجيب العبوات الصغيره بس تقريبا من4 الى5 ج تقريبا مش متاكده

جزاااااااااااكم الله خيراً
طيب مش قلتولي أجيب كريم مرطب إيه للبشره الدهنيه؟!
معلش أنا صداع:)

عاوزة اتعلم;10608440:
انا اقصد التقشير اللي بيتعمل عند الدكتور اللي هو باحماض الفواكة ده
يا ريت تفيدوني فيه هل ليه اثار جانبيه ولا لا
وهل في حد عمله هنا يعرف حد معرفه شخصيه يكون عمله ؟؟؟؟ وينفع اتعرض للشمس بعدها على طول ولا لا ؟؟

انا جربته كان عندي اثار خرابيش ف ايدي هو بيقشر الخلايا ...هو مش عايز بشره حساسه لان ممكن تلتهب والدكتور اكيد عارف نوع بشرتك...
وطبعا ماينفعش تعرضي للشمس علي طوول لان ده عباره عن حررق والجلد بيتجدد

أمة الغفار;10608289:

شكراً ياجميل شكلي هشوف كلين أند كلير أحسن
إنتو كنتو نصحتوني قبل كده بصابونة الكبريت للحبوب ونقط سودا خفيفة على طرف الأنف أنا بقالي حوالي أسبوع أو عشر أيام بستخدمها وتقريباً مفيش نتيجة

أعمل إيه في الحبوب عشان جننتني ولازم على العيد أكون خلصت منها وهيه صغيرة مش تبان إلا بالتدقيق وبشرتي دهنيه
والمسام بردوا مش راضية تتقفل:( مع إني بستخدم تونر الصبار من اوريفليم بقالي فترة

وده يغنيني عن الغسول ولا أشتغل بيه هوه والتونر مع الغسول؟!
منظف ومقشر يومي للرؤوس السوداء
ط





يعني أغير بروجرامي مع بشرتي وأخليه غسول وتونيك وتونر ومقشر من كلين أند كلير؟!

طيب ماتجربي غسول ادفانتج من كلين ان كلير انا جربته وبنشف الحبوب ,,,يوم بعد يوم
لكن ال قولتي عليه ده للروءس السودا مش للحبوب

*Om Mo3az*;10570066:
السلام عليكم
ازيكو يا بنات

بقول لكو ايه
انا على طول بعمل في المنطقة الحساسة بالسويت بس اليومين دول بقى بدات احس ان فيه شعر متني تحت الجلد مش عارفة ليه وشكله بقى مش بيبقى لذيذ خالص
وكمن بحس ان الشعر بقى خشن مش زي الاول
انا كنت عملت تقريبا مرتين تلاتة مش اكتر يعني بكريم ون طبعا ابني مش بيسيبني اخد راحتي في الحمام فكنت بنجز بالكريم المهم كان الشعر بيطلع خشن وبعد كده اتخنقت من الكريم ورجعت تاني للسويت والشعر مازال بيطلع خشن
وبدهن بزيت اللوز بعد ما اخلص بس برضو الشعر بيطلع خشن وفيه شعر تحت الجلد
معقولة كل ده من مرتين عملت بيهم بالكريم
ولا ايه
؟؟؟؟؟؟؟؟؟؟؟؟؟؟؟
وياريت تقولو لي على حاجة تنعم بعد ما اخلص بالسويت وحاجة كمان للشعر اللي تحت الجلد عشان مايطلعش كده تاني اعمل ايه

لا ياقمر مش من الكريم انا بقالى 4 او 5 سنين مش بعمل غير بالكريم ولا بيطلع الشعر خشن ولا اى حاجه ولا حتى بيسمر زى من بيقولوا معرفشى بقى هل بتختلف من واحده لواحده الله اعلم

roro8484;10607561:
انا برده عندى مشكله جامده اوى فى بشرتى بعد ما بعمل السويت بيجى الشعر ينمو بيبقى تحت الجلد وشكله بيبه وحش قوى وبيحبب وبيخلى رجلى خشنه زهت من كل حاجه جربت الشمع والماكينه والسويت وكل حاجه برضه بيعمل كده ياريت لو حد يعرف حل الموضوع ده يلحقنى بيه

انا بردة زيك بس الموضوع دة عندى جديد من ساعة ما جربت الماكنة وبعدها استخدمت السويت وكانت مشكلتى ان ايدى بتعرق وبتسيحها قالولى استخدمى العلب الى غطاها ازرق والنتيجة زفففففففففففففففففففففففت وفاشلة معايا جدااااااااااااااااا وكمان بتلزق وطبعا زرقان وشعر تحت الجلد برضو مع ان عمرى ما كنت كدة مش عارفة حد يلحقنى باى حل

مي مسعد;10602981:
طب في نتيجة كويسة منه ياقمر؟؟؟

ايوة الحمد لله بس بطئ شوية

بس الدكتورة قالتلى حوالين العين بالذات بياخد وقت

بس الحمد لله مبسوطة منه

انا كمان عندي نفس مشكلة المسام الواسعة ومش بتروح ولا بالجن الازرق
جربت كل حاجة ممكن تضيق المسام بس مش نافع, ماسكات وتونر وتقشير
انا بس عايزة اسالكم ايه احسن كريم اساس ممكن اجيبه عشان لما اعمل ميكب فرحي
المسام دي متبانش؟بس يكون حاجة نضيفة تثبت طول الفرح

roro8484;10607561:
انا برده عندى مشكله جامده اوى فى بشرتى بعد ما بعمل السويت بيجى الشعر ينمو بيبقى تحت الجلد وشكله بيبه وحش قوى وبيحبب وبيخلى رجلى خشنه زهت من كل حاجه جربت الشمع والماكينه والسويت وكل حاجه برضه بيعمل كده ياريت لو حد يعرف حل الموضوع ده يلحقنى بيه

انا عندي نفس المشكله والغريب ان الشعر في رجلي بس كده الباقي الجسم مش بيعمل كده
وعملت صنفره بردو مافيش
وكمان لما اجي اعمل اصلا لالقي نقط مكان الشعر والرجل تبقي منقطه كده
بردو عايزه حل

د\امونة;10609793:
انا كمان عندي نفس مشكلة المسام الواسعة ومش بتروح ولا بالجن الازرق
جربت كل حاجة ممكن تضيق المسام بس مش نافع, ماسكات وتونر وتقشير
انا بس عايزة اسالكم ايه احسن كريم اساس ممكن اجيبه عشان لما اعمل ميكب فرحي
المسام دي متبانش؟بس يكون حاجة نضيفة تثبت طول الفرح

كريم اساس جورداني حلو وخفيف من اورفليم او ماكس فاكتور الاصلي

أمة الغفار;10608368:
شكراً أوي ياجميل
يعني أمشي على صابونة جونسون وماء الورد مع ماسك الطماطم والزبادي بالخيار وأسبني من أي غسول أو تونيك
طيب في كريم مرطب معين تنصحيني بيه ينفع للبشرة الدهنيه؟

كريم جونسون بالعسل او بالصبار والخيار
حلوين جدا ومبيلزقوش

د\امونة;10609793:
انا كمان عندي نفس مشكلة المسام الواسعة ومش بتروح ولا بالجن الازرق
جربت كل حاجة ممكن تضيق المسام بس مش نافع, ماسكات وتونر وتقشير
انا بس عايزة اسالكم ايه احسن كريم اساس ممكن اجيبه عشان لما اعمل ميكب فرحي
المسام دي متبانش؟بس يكون حاجة نضيفة تثبت طول الفرح

قلت معايا شويه من كتر ميه الورد المتلجه ومكعبات التلج بعد كل غسله
*******
هو مش كريم الاساس الماكييره هى اللى بتجيبه؟
هو احنا كمان اللى هنجيبلها الميكب ولا ايه؟

انا برضي بجد قرفت من المسام بعد ما صغرت وقربت تختفي
بقيت اعمل حمام بخار لوشي ولقيتها ظهرت تانى بجد اتخنقت
وكمان تونر الليمون والبرتقال مش هينفع استعمله لان بشرتى الفتره دى جافه شويه
بعد ما كانت دهنيه من تغير الجو وماسك الطماطم بجد مش اى بشره تتحمله لانه
لو بشره حساسه شويه ممكنى تلهبها ولو في حبوب برضه هتلهبها

على فكره قريت فى النت ان حمام البخار بيزود المسام
المشكله ان بشرتى كانت المسام اقل من كده ومش عارفه ايه اللى زودها لدرجه ان اللبيشفنى بيلاحظها وكمان بيطلعلى حبوب مش بتاعت حب الشباب لاء عامله زى الحمو نيل ومش عارفه اعمل ايه يا رب ربنا يكرمها ويحقق لها كل اللى تتمناه اللى تقولى الحل

نواره عارفه اصلا المايه الدافيه اوى او البخار بيوسسع المسام وهو اليه عمل كده معايا
انا بلاحظ كل بما بعمل حمام بخار بتطلعلى حبوب بعدها وبحس ان في حبوب بيضا صغيره بتتكون بحس انه بيوسع المسام وبيخلى البشره قابله ان الاوساخ والدهون تتكون في
المسامطول ما ببعد عن البخار بشرتى بتبقي كويسه
عارفه انا قريت لنانيس سليم انت قايله اليه بشرتهم دهنيه ميستخدموش مايه فيها بخار يستعملوا مايه بارده عشان المايه السخنه بتخلى البشره الدهنيه تفرز دهون وتوسع المسام

بنات ليه سؤال كمان معلش ايه الفرق بين ماكينه الحلاقه بتاعت فينوس واى ماكينه حلاقه تانيه نسائيه





أسباب المسامات الواسعة للبشرة وكيفية علاجها قناع الوجة
باريس/ مشكلة المسامات الواسعة مشكلة تورق الكثير من السيدات، وخاصة أصحاب البشرة الدهنية.
ومن أهم أسبابها الاستخدام الخاطئ للبخار عند تنظيفها، أو عدم استخدام قابض للبشرة بطريقة جيدة بعد البخار مما يساعد على توسع المسامات، وأيضا امتلائها بالأتربة.
ولعلاج هذه المشكلة عليك إتباع الأتي:
عدم الإكثار من استخدام البخار للبشرة، ويكفي مرة في الشهر.
غسل البشرة بالماء البارد بعد عمل البخار وبعد صنفرتها، واستخدام قابض للبشرة مثال على ذلك الليمون فهو يساعد على شد البشرة وتفتيح لونها.
هناك قناع رائع لتضييق المسامات وينفع لجميع أنواع البشرة، وهو عبارة عن "4 ملاعق طعام ماء + ملعقة صغيره نشاء + ملعقة صغيره ماء ورد"، وتخلط هذه المقادير جيدا، ثم توضع على النار مع التحريك المستمر حتى يسخن قوامه.
ثم بعد ذلك تفرد في طبق حتى تبرد، ويوضع على الوجه والرقبة حتى يجف لمدة ربع ساعة، ثم يغسل بالماء العادي وأخيرا بالماء البارد.
كما أن استخدام النشاء طريقة ممتازة لشد البشرة، وإغلاق المسامات وماء الورد يضفي على البشرة تورد.
ومن الأفضل عمل هذا القناع في النهار إذا كنت مدعوة إلى سهرة، لأنه يعطي تورد ويشد البشرة ويقفل المسامات مما يجعل شكل الماكياج رائع.
عليك بغسل وجهك بالماء البارد بعد التنظيف، أو بعد عمل الأقنعة.

منقول

عاوزة اتعلم;10607747:
السلام عليكم
طيب هي بتتباع فين ؟؟
واسمها ايه ؟؟


هي بتتباع فين واسمها ايه ؟؟
ويا ترى غاليه ولا سعرها كام ؟؟

الفوط انا كنت بجيب اولويز من الصيدليه كان تقريبا باكيت فيه عشرين وكان بحداشر او فى الحدود دى معلش مش فاكرة بالظبط وهتلاقيها بردو فى السوبر ماركت الكبير






والسويت اسمها ايزى سويت ببتباع فى الصيدليه بردو وباربعه جنيه وربع وعلى فكرة فعلا ماشاء الله موفرة لانها حته صغيرة بتعمل كتير مش بتبوظ منك على طول يعنى ودة راى من تجربتى ليها



بنات سارة افندى مش باينه ليه يارب تكون بخير لو حد يعرف عنها حاجه يطمنى عليها لو سمحتو

صوت العيون;10607756:
وعليكم السلام ورحمه الله وبركاته

الفوط الصغيره الى للاستعمال الشخصى بتتباع فى التوحيد والنور يا جميله وفى منها فى علبه مجموعه على بعض وفى فردانى

لا يامورو هى قصدها الفوط اليوميه مش دى