تجمع بنات مصر الجزء14 للاستفسارات عن العناية بالبشرة والجسم

rosy2;10534537:



اولا ميرسي يا قمر علي ردك

وانا كنت عايزه اشرب حلبه لفوايدها اللي عماله ااقرها للبشرة والجسم لاني طبيعة جسمي صحيا ضعيفة
علشان عندي غدة درقيه وانيميا
بس تقريبا اتعالجت من الانيميا
بس طبيعت بشرتي معظم الوقت بهتانه وصفره

ولاقيت البنات العرب اللي مدومين علي الحلبة بيقولوا بتدي نضاره للبشرة وبتقوي الصحة وبتأثر حتي علي الشعر

بس المشكلة اني بشتغل وطبعا الحلبة بتتديها عرق وريحتها مش لطيفة خالص حتي عندي في البيت مش بيحبوا ريحتها .

فا بنت من منتدي تاني بس سعودية قالتلي علي الماش ليه نفس فوايد الحلبة ومن غير ريحة .

وسألت عطار قالي هو زي العدس بس اخضر ومش بنجيبه الا جملة .

وقالي ممكن الاقيه عند العلافين .

:oولو تخنت شويه مفيش مشكلة لاني بخس بسرعة بسبب الغدة :Dهو يوم واحد اكتئاب كفيل اخس فيه اللي تخنته في شهر

هو فعلا الماش هو العدس الاخضر انا جيت فتره دورت عليه بس مش لقيته لو العطار دا هيقدر يجيبهولك هاتيه
بس بصي نصيحه كلي خضروات كتير الاكل الصحي هو اللي بياثر بجد في نضاره البشره واشربي مياه كتير المياه حلو اووووووووووي للبشره
وبعدين انتي اتعالجتي من الانيميا وسايبه الغده؟؟؟؟لازم تتابعي مع دكتور لانها بتسبب خسسان وممكن دا اللي محسسك ان بشرتك باهته ومش صحيه

نواره2005;10528612:
مياده مسك الطمى بتعمليه كام مره فى الاسبوع وسنفره اللوز كمان بتعمليها كام مره وهما الاتنين فى نفس اليوم وله ده يوم وده يوم

بصي الماسك مرتين بلاسبوع لانه بينشف البشره شويه وده كويس للبشره الدهنيه اوى
الصنفره كل يومين تلاته كده عادى ممكن تستخدميهم مع بعض الاتنين بس يبقوا مرتين في لاسبوع انتى شوفي اليه يناسبك واعمليه وانا بشرتى دهنيه عشان كده نسبتهم اوى الصنفره والماسك والماسك كويس جدا للبشره الدهنيه لانه بينشف الدهون اليه في البشره

rody88;10530357:
ميادة من فضلك انت بتقولى ان الصنفرة بتاعت حراز هى و الماسك تحفة و عملوا نتيجه تحفة معاكى ماشاء الله انا من اسكندرية و فى محل قريب مننا مكتوب عليه منتجات حراز ينفع تنزلى صورهم عشان لو بجد هما هما اجبهم و اتكل على الله و اسعارهم كمان لو سمحتى و جزاك الله خيرا يا رب

بصي الاسعار الصنفره ب12جنيه والماسك ب17جنيه او 16جنيه الاتنين مع بعض حسيت انهم ضيعولى اثار الحبوب اليه في بشرتى لان انا ديما تطلعى حبوب وتسيب بقع بس انا حسه ان الحبوب بتختفى بلتدريج ولازم بخار مع الصنفره
بس انا مش دايما بعمل بخار
وفي من الماسك انواع بس احسنهم اليه بلعسل واليه بللوز والصنفره فيه بللوز وفي بلخيار واليه بللوز احلا

miko85;10532259:





حد جرب الغسول ده اسمه ادفانتج من كيلين اند كلير بتاع الحبوب

شفته في هايبر سعره تقريبا ب31او32جنيه تقريبا بس نفسي اجيبه

أمة الغفار;10532741:
السلام عليكم ورحمة الله وبركاته

يابنات أنا بشرتي دهنيه وعندي حبوب صغيرة في أماكن متفرقة من وشي
وعلى الخدود جانبين الأنف كده بحس إن المسام واسعة شوية
وأول مرة أحس إن في نقط سوده خفيفه أو مسام واسعة على أنفي

ومحتاجة أظبط بشرتي بسرعة

أنا بعمل إيه بقالي يومين

بعمل تنضيف للبشرة بخل مخفف بماء معلقة خل كبيرة على تلات معالق ميه بسيبه ربع ساعة
وبعمل غسول بالنعناع المغلي بسيبه ربع ساعة
وبعمل تونر الصبار من أورفلام

طبعاً يومين مش كفاية النتيجة تبان بس هل الحاجات دي هتجيب معايا نتيجة في خلال أسبوع أو عشر أيام؟!!

أنا حاسه إن الحاجات على أنفي قلت وبيقيت تبان بالعافية

وصابونة الكبريت كويسه للحاجات دي؟! وفي منها أنواع وإيه احسن نوع ؟

وأنا جايبه فازلين تندر من أورفلام أحطه على وشي قبل النوم؟

وإيه أفضل غسول للمنطقة الخاصة

وفيه مستحضر صناعي للتشقير ؟ يعني مثلا شعر الضهر والصدر وكده؟ والتشقير ليه أضرار؟

صابون الكبريت لو بشرتك دهنيه او فيها حبوب وبقع
اما الفازلين تقيل على البشره يفضل للركب واالاكواع والشفايف والرجل
بس لو عايزه مرطب لبشرتك استخدمى اى كريم يناسب بشرتك كريمات اوريفليم حلوه
المنطقه الحساسه لو عايزه حاجه لعلاج الالتهابات عندك غسول سيتيال افضل غسول للالتهابات وخصوصافي ايام الدوره بستخدمه كل يوم وانا عليا الدوره ولو الايام العاديه ممكن مره او مرتين بلاسبوع
وعندك غسول ايفون واوريفليم في بنات بتشكر فيهم للاستخدام اليومى
التقشير غلط على البشره جدا وكمان بلاش منطقه الصدر لان اصلا التقشير مضر وبعمل التهابات للجلد وامراض على المدى البعيد وتجاعيد مبكره

دى صور حاجت حراز للبنات اليه سئلتنى عن الصور
ادى صور حاجت حراز بلصور كمان

كريم العروسه وادى صورته

















لسه مجربتهوش هقول لما اجربه هقولكم



ده ماسك المغربي بزيت اللوز
اليه ساره سئلتنى عليه وحطتلك صوته اهى
بس حجمه صغير مش كبير







































ده الكريم الصنفره زى بتاعك ياساره اصل اول لما شفت صورته ومن
كلامك عنه دخل دماغي طبعا لسه مجربتهوش

اليه بشرتهم حساسه ميستخدموش الصنفره لانها ممكن تسبب تهيج للبشره
البنات اليه بشرتهم حساسه او جافه ماسك الطمى المغربي مش هيناسب بشرتهم
واليه بشرته حساسه او جافه ممكن يجربوا ماسك الزبادى اليه قولت قبل كده عليه ده بيناسب
كل البشرات ومفعوله جميل جدا جدا من نضاره وتفتيح

ميااده2006;10536001:
اليه بشرتهم حساسه ميستخدموش الصنفره لانها ممكن تسبب تهيج للبشره
البنات اليه بشرتهم حساسه او جافه ماسك الطمى المغربي مش هيناسب بشرتهم
واليه بشرته حساسه او جافه ممكن يجربوا ماسك الزبادى اليه قولت قبل كده عليه ده بيناسب
كل البشرات ومفعوله جميل جدا جدا من نضاره وتفتيح

ممكن اعرف اية ماسك الزبادى دا يا قمر عبارة عن اية ؟؟؟؟؟؟

النقط السودة عندى ع الانف واضحة اوى واستخدمت ماسكات كتير

بصراحة جابت نتيجة مع بشرتى هايلة لكن ولا اثرت على النقط دى

يا ريت تفيدونى

وكمان الاسمرار بين الفخذين ، انا استعملت زيوت كتير وليمون ونشا لكن برضه مفيش نتيجة

يا ريت تقولولى على وصفة مجربة استمر عليها

معلش تعباكم معايا ويا ريت تستحملونى شوية

شكراً جدااااا
ياميادة
ربنا يجعله في موازين حسناتك
إنتي قلتي

التقشير غلط على البشره جدا وكمان بلاش منطقه الصدر لان اصلا التقشير مضر وبعمل التهابات للجلد وامراض على المدى البعيد وتجاعيد مبكره

تقصدي التقشير ولا التشقير؟
أنا اقصد التشقير

بنات لو سمحتوا رشحولى شرايح شمع جاهزة كويسة عايزة اجربها وقولولى تنفع للأندرآرمز ولا لأ؟؟

أمة الغفار;10537490:
شكراً جدااااا
ياميادة
ربنا يجعله في موازين حسناتك
إنتي قلتي

تقصدي التقشير ولا التشقير؟
أنا اقصد التشقير

بعد اذنك يا ياده ارد انا
حبيبتى هى تقصد التشقير

دلوعة حبيبىshekoo;10536061:
ممكن اعرف اية ماسك الزبادى دا يا قمر عبارة عن اية ؟؟؟؟؟؟

اقولك برده عقبال ما مياده تيجى اصل انا حفظته منها هاتى كوبايه زبادى وعليها خياره متقشرة ومتقطعه واضربيهم فى الخلاط وحطيهم فى طبق فى التلاجه لانهم هيبقوا سايلين وكل يوم خدى حبه منه وحطى عليهم دقيق علشان يمسك نفسه كده وادهنى بيهم وشك عايزة تضيفي ليمون اوكى بس لو بشرتك مش حساسه او ممكن تضيفى عسل زى ما تحبى
ادعيلى بقى انا كمان اجربه علشان فظت طريقته بس الكسل شغال الله ينور

قصة كبيرة;10537659:
بنات لو سمحتوا رشحولى شرايح شمع جاهزة كويسة عايزة اجربها وقولولى تنفع للأندرآرمز ولا لأ؟؟

حبيبتى انا عرفش غير فيت وعن تجربه(n) غالى جدا ومبنضفش كويس البنات ان شاء الله يفيدوكى

mesk_2005;10538410:

مش تقولوا ان فى تجمع جميل هنا كما اخص عليكوا ياوحشين

المهم عندى سؤال ضروري جدا هو بخصوص خطيبي
انا خطيبي بقاله اسبوعين مطحون فى الشغل يعنى بيطلع من البيت لساعه 8 وش بيروح غير الساعه 2 باليل وطول النهار لف وسواقه وقرف المهم فى الاسبوعين دول رجله تقريبا باظت
لدرجه انى لما شوفتها بجد خوفت بقيت من تحت شكلها ابيض وكأن الجلد متقشر وطبعا جعاه جدا
ياريت لو حد عنده طريقه للموضوع ده يقولى
وطبعا بقيت تعمل ريحه هي مش قويه اوي بس فى ريحه وانا من كم يوم عملتله رجله فى ميه دافيه بملح وخردل حس انها ارتاحت شويه بس الموضوع ده عاوز كل يوم وعاوز راحه مفيش الاتنين فقولولي اعمل ايه

دلوعة حبيبىshekoo;10536061:
ممكن اعرف اية ماسك الزبادى دا يا قمر عبارة عن اية ؟؟؟؟؟؟

ماسك الزبادى والخيار ده مفيد وجميل جدا واسئلى اليه جربوه
طريقته حطى كوبايه زبادى في الخلاط ومعاها خياره متقطعه ومتقشره واخلطيهم جامد
وبعد كده حطيهم في طبق وحطيهم في التلاجه كل يوم تخدى شويه في طبق صغير او سلطانيه وتحطى عليهم معلقه دقيق عشان يتماسك واعمليه ماسك على بشرتك وحولين العين عشان الارهاق اليه حولين العين جربيه وادعيلى ممكن تضيفي عسل او كام نقطه ليمون برحتك انتى بس هو لوحده كويس من اول مره هتحطيه حتلاظى الفرق في بشرتك وبعد اسبوع مداومه هتلاحظى بشرتك في تغير كتير عن الاول

قلب امى;10536635:
النقط السودة عندى ع الانف واضحة اوى واستخدمت ماسكات كتير

بصراحة جابت نتيجة مع بشرتى هايلة لكن ولا اثرت على النقط دى

يا ريت تفيدونى

وكمان الاسمرار بين الفخذين ، انا استعملت زيوت كتير وليمون ونشا لكن برضه مفيش نتيجة

يا ريت تقولولى على وصفة مجربة استمر عليها

معلش تعباكم معايا ويا ريت تستحملونى شوية

النقط السودا اليه عند الانف ده منابت شعر صغيره تقدر تعمليها بلملقاط هتلاقيها طلعت
ولو عملتى حمام بخار وضغطى عليها هتلاقيها ممكن تطلع معاكى
سمار الفخدين عندك كريم العروسه بتاع حراز جميل او هو زى سكرب للجسم وبيتساب نص ساعه بعد شهر مداومه هتلاحظى ان السمار واى بقع في الجسم راحت
وعندك صنفره اللوز بتاعت حراز هى للمناطق الشديده الغمقان وهى للوجه والجسم
وانا بستعمل الاتنين انا من كام مره لاحظت تفتيح في الركب وتفتيح ظاهر اوى كمان
و اهم شئ ترطيب بين الافخاد يعنى حطى جلوسليد وليمون وزيت لوز هيفتح معاكى بس حطى زيت لوز مر لانه بيفتح اخلطيهم وحطيهم كل يوم قبل النوم واهم شئ تلبسي شورت ديما وانتى نزله عشان الاحتكاك

بنات هو كريم العروسه ده ينفع للمنطقه ال.............. فاهمنى ؟؟ عشان السواد اللى فيها ده

mira2005m;10538557:

اولا لازم الاول ينظفها بمحلول ملحى من الصيدلية

وفي مرهم اسمة كانستين للفطريات وفي كمان نقط

والريحة يجيب بودرة القدم ويلبس شربات قطن مية ف المية

ربنا يباركلك ياحبيبتى على ردك وافادتك ليه
بس سؤال هو انا اروح اقول للصيدلى عاوزه محلول ملحى كده ولا له اسم تانى
والنقط اللى بتقولى عليها اسمها ايه ولا هي هي اسم المرهم
وجزاكى الله كل خير

بنات حد جرب لوشن افون firming بتاع شد الجسم ؟؟؟؟
و على فكرة كريم أصالة إلي اسمو مساج بتاع التنحيف ملوش أي لازمة منصحش حد يجيبو

هو لوشن فازلين بكام لو حد يعرف يقولى

sa7ar-22;10540926:
هو لوشن فازلين بكام لو حد يعرف يقولى

انا جبت اللى بزبدة الكاكاو من العزبى ب35 جنية وفيه الاكبر بس انواع تانية ب60 جنية(f)

.* اميرة *.;10540941:
انا جبت اللى بزبدة الكاكاو من العزبى ب35 جنية وفيه الاكبر بس انواع تانية ب60 جنية(f)

اميره اللى ب35 حجمه اد ايه ياقمر
كام مللى؟