تجمع بنات مصر الجزء14 للاستفسارات عن العناية بالبشرة والجسم

ميااده2006;10494879:
ساره انا جربت كريم التقشير بللوز ببتاعك جميل جدا ونعم بشرتى اوى وحستها منوره

اما الماسك المغربي بلزيوت
انا جربته ولاحظت انه بيشد البشره على فكره هو مكتوب عليه لشد البشره
بس هو طبيعى مفهوش ضرر حسيت بانتعاش وكان فيه نعناع وكمان حسيته ناسب بشرتى اوى هو طمى مغربي بس ناعم اوى اوى زى الكريم تحسيه رقيق على البشره
وحسيت بعديه ان بشرتى مش مدهننه ولا مزيته وكمان مش جفه ومرطبها الا حد
ما رغم ان استعمالى ليهم من اول مره بس عجبونى جدا
كريم العروسه هجربه بقي مع الحمام المغربي
ساره انتى كنتى جيبه مقشر اللوز بتاعك بكام اه ومتنسيش تقولى ايه اخبار الزيت المغربي معاكى اه وصحيح ياساره شفتى الموضوع بتاع خبير الاعشاب فتكات انا عايزه اشترى ماسك مانع الشعر في بنات جربتاه قالت انه شال الشعر خالص ومطلعش

انا جبته ب15ج من عطار في اسكندريه
انا شفته بس مش عارفه مش مستريحه نفسيا لموضوع الاعشاب ده اصل مفيش حاجه اسمها مانع ممكن يقلل ظهور لكن مانع لا
علي فكره مامتي من النوع اللي بيعمل سويت من زمان وعلي طول لما وصلت سن 37بقيت تعمل كل 5شهور صدقني ولما كبرت ابتدي الشعر يختفي تماما
ولا كانت بتستخدم سعد ولا اي حاجه هوا سويت
اللي اقصده ان المواظبه ديه وبلسويت بتخفف طبيعي
كاندي انا النهارده اليوم الخامس تقريبا
لسه محطتهوش علشان هنزل كمان شويه وكاتبين عدم التعرض للشمس
عموما لحد دلوقتي كما هوا الحال بشره ناعمه مشدوده مفهاش دهون ولا جديد

شوفوا دا ان شاء الله يفيدكم


حصرى

ممكن اسال ع حاجه عبيطه هو التونر ده ايه ؟ :)

دا بيتحط على البشره بينعشها وبيكون له فوايد ممكن يمنع اللمعان من البشره او ينعشها يعنى كدا بتمسحيه بقطنه على الوش وكنت جربت بتاع نيفيا فيزاج وكان جميل ما شاء الله
ودى صورته يا جميله


دا الى جربته المنعش
وفى منه بمبى واخضر

baata;10495328:
ممكن اسال ع حاجه عبيطه هو التونر ده ايه ؟ :)

هههه دا بيتحط على البشرة لقبض المسامات الواسعة و تنظيف و تتهير البشرة



قولولى حد شاف الكريم دا قبل كدا عندنا فى مصر

الحب هو الحياة;10492739:
حمام العروسة بتاع حزار ده سكرب ياقمر ينفع لاى بشرة ماعدا الحساسة او الملتهبة وبيكون مرة واحدة فى الاسبوع
ودى صورته



دى اسهل طريقة لعمل الحمام المغربى فى البيت
ازاى تعملى حمام مغربى لنفسك
الصابون البلدي (الصابون المغربي)0
الطمى المغربي (الطين أو الطمي بالمصرية)0
عصير الحامض أى الليمون0
الليفة المغربية( يباع عند العطارين أو اى سنتر يبيع أدوات التجميل )0
الحناء المغربي ( مسحوق بودرة لونه كريمي موجود عند العطارين)0
حجر خفاف للقدم
ماء الورد0

نبدأ الشرح بالتفصيل
****************
1- سخني الحمام بأن تتركي الماء الساخن يملأ البانيو مع إغلاق كل منافذ الهواء (الباب و النوافذ)، المهم هو أن يملأ البخار الحمام، وتتعرقين.(إذا ما عندك بانيو يمكنك غسل جسمك بالماء الساخن وليس الدافئ لمدة ربع ساعة ثم تتبع الخطوات التالية)0.

2- أدخلي البانيو المليء بالماء الساخن. بعد ذلك أجلسي على كرسي، لأن المرحلة التالية تلزم أن تخرجي من الماء0

3- في إناء أخلطي الصابون البلدي (الصابون المغربي) وهو اللي شكله مثل الكريم متماسك ولونه أسود مع عصير الليمون الحامض والحناء طبعا مع الماء الساخن حتى تحصلي على مزيج سائل قليلا، ثم ادهني جسمك ولا تنسي وجهك وركزي على المناطق الدهنية في بشرتك. أترك الصابون على جسمي حوالي 10 دقائق. أما بالنسبة لوجهك فأشطفه في الحال لكي لا يؤذي عينيك وكرري وضعه عليه مرة أخرى (لأن الوجه يكون دهنيا أكثر من باقي الجسم)0

4- بعد ذلك أشطفي جسمك بالماء الساخن جيدا وقومي بفرك جسمك بالليفة المغربية (من الأسفل إلى الأعلى باتجاه القلب حتى تحفزي وتنشطي الدورة الدموية) أبدأي بوجهك ثم عنقك ثم صدرك وبطنك ثم يديك ورجليك ثم ظهرك. وركزي على المناطق الخشنة في جسمي مثل الكوعين والركبتين، و تشوفي إزاي هتطلع الخلايا الميتة بلون رمادي ثم أشطفي جسمك بعد ذلك بالماء0

5- بعد ذلك قومي بإزالة الرؤوس السوداء من وجهك حيث تكون البشرة في هذه الأثناء متفتحة المسام فيسهل إزالتها، وقومي بلف ورق كلينكس أو قطعة ثوب معقمة على سبابة كل يد ثم أعصر كل حبة وأحرص على إخراج كل ما بداخلها حتى تخلصي كل النقط التي في وجهك، مع التركيز على الأنف وجوانبه والذقن ثم باقي الوجه،0

6- ضعي الغسول مخلوط بماء الورد والماء الساخن على كامل جسمك وعلى وجهك وشعرك وأتركيه لغاية ما تنتهي من المرحلة التالية، إذا كانت بشرتك وشعرك دهنيان فأضيفي عصير الليمون إذا كان شعرك جافا فلا تضيفيه0

7- في هذه الأثناء قومي بفرك رجليكي بالحجر الخفاف حيث تكون رطبة وتسهل عملية إزالة الخلايا الميتة0

8- أشطفي جسمك من الغسول ثم أغسلي شعرك جيدا بالشامبو المناسب لشعرك وبعد ذلك أغسلي جسمك بصابون الطاووس بالعسل (يوجد منه أنواع كثير اختاري منها ما يناسبك)0
9- أنشف بعد ذلك جسمي ثم أمرر عليه قطنة مبللة بماء الورد لانتعاش أكثروادهني قدميك بالفازلين لنعومتهم.

كل هذه الخطوات قومي بها كل أسبوع (لأن الخلايا الميتة تتكون كل أسبوع)، وباقي الأيام خذي دوش عادي يعني اغسلي بالماء والصابون0

حطى عليها ورق كرنب ليفيها بيه

tota_10;10496046:

ميرسى يا حبيبتى على اهتمامك وردك ..

بنات النقط الحمراء اللى فى الساق أعمل فيها ايه .. موجوده علطول شلت الشعر او ماشلتوش :ss:
والخطوط البيضاء ممكن تروح ازاى ؟؟

ميااده2006;10493230:


ده ماسك المغربي بزيت اللوز
اليه ساره سئلتنى عليه وحطتلك صوته اهى
بس حجمه صغير مش كبير







































ده الكريم الصنفره زى بتاعك ياساره اصل اول لما شفت صورته ومن
كلامك عنه دخل دماغي طبعا لسه مجربتهوش








يلا اى خدمه

حد يقولى نوع ماسك للبشره جاهز يكون مفعوله حلو ومش بيضر
بيفتح وينور الوش كدا يعنى ان شاء الله

صوت العيون;10496181:
حد يقولى نوع ماسك للبشره جاهز يكون مفعوله حلو ومش بيضر
بيفتح وينور الوش كدا يعنى ان شاء الله

أنا جربت البيل أوف من أفون اللي بيتشال مرة واحدة زي الكيس النايلون جربت نوعين بتاع كلين سكين السولفر وبتاع ناتشورالزاللي بشجرة الشاي والجريب الفروت وحلوين وبينضفوا البشرة حلو وخصوصا البشرة الدهنية بيقللوا الدهون واللمعان
وكمان البنات بتشكر ف الكلاى ماسك من أفون برضه ونازل ف البروشور الجديد ب8.5 جنيه
يعني حلوين وأسعارهم حلوة

اخص عليكم كدة يا بنات محدش يسأل عليا اهئ اهئ اهئ اهئ
كنت غايبة بقاللي كام يوم تعبانة ومدش كدة خالصصصصصصصصصص يسأل
انا زعلانة منكم ومخمصاااااااااااااااااااااااااااكم :confused::confused::confused:

وعلشان المخالفة

سؤال لسارة الحلوة
انتي كنتي جايبة منتجات حراز من اسكندرية من عند انهي عطاااااااار وكمانة فين ؟

ميادة اية اخباااااااااار العلاج معاكي بالنسبة للنقط السودا اللي في الرجل عمل حاجة ولا لسة مش بان النتيجة

أيتن;10498025:


سؤال لسارة الحلوة
انتي كنتي جايبة منتجات حراز من اسكندرية من عند انهي عطاااااااار وكمانة فين ؟

نفس السؤال ؟؟؟؟

حد جرب الغسول ده من نتيروجينا

هو احسن ولا غسول نيفيا فيجنز ال كانت حاطه صورته ساره

لو سمحتوا يا بنات هو الصابون المغربي ده سائل وللا صلب زى الصابون العادى كده

لانى رحت للعطار علشان اشتريه ورانى برطمان فيه حاجه سايلة كده وريحته مش حلوة اوى هو ده وللا في انواع تانيه
والبرطمان مش كبير اوى يعنى حوالى 200 مللى كده وب 15 جنيه اجيبه وللا ايه؟
وايه تانى اجيبه للحمام المغربي

شوفوا مشترياتى الجديدة للبشرة


http://forums.3roos.com/t485507-34.html#post10498311

يا جماعة انا فى ورطة جاوبونى بسرعة هل ينفع استخدم النشادر لتشقير الشعر

مريم الوكيل;10498719:
يا جماعة انا فى ورطة جاوبونى بسرعة هل ينفع استخدم النشادر لتشقير الشعر

ايوه يا قمر بس اقري الفاتحه ع شعرك بعدها عشان هينشف اوووووي :)

واحة الحب..;10498476:
لو سمحتوا يا بنات هو الصابون المغربي ده سائل وللا صلب زى الصابون العادى كده

لانى رحت للعطار علشان اشتريه ورانى برطمان فيه حاجه سايلة كده وريحته مش حلوة اوى هو ده وللا في انواع تانيه
والبرطمان مش كبير اوى يعنى حوالى 200 مللى كده وب 15 جنيه اجيبه وللا ايه؟
وايه تانى اجيبه للحمام المغربي

اه الصابون المغربي بيقي سايل كده وهو فعلا ريحته عامله زيت زيتون وصابون ومش حلوه وحتي بتاع حراز كده وكنت جايباه ب 17 جنيه متهيلي 250 مل او 300 ومافيش حاجه تانيه للحمام المغربي غير الصابون والليفه...

أيتن;10498025:
اخص عليكم كدة يا بنات محدش يسأل عليا اهئ اهئ اهئ اهئ
كنت غايبة بقاللي كام يوم تعبانة ومدش كدة خالصصصصصصصصصص يسأل
انا زعلانة منكم ومخمصاااااااااااااااااااااااااااكم :confused::confused::confused:

وعلشان المخالفة

سؤال لسارة الحلوة
انتي كنتي جايبة منتجات حراز من اسكندرية من عند انهي عطاااااااار وكمانة فين ؟

ميادة اية اخباااااااااار العلاج معاكي بالنسبة للنقط السودا اللي في الرجل عمل حاجة ولا لسة مش بان النتيجة

مبروك عليكى مشترياتك يا مياده
من فضلك يا شهيده هى المخمريه سائله وله عامله زى الفازلين وجبتيها بكام ومن فضلك عاوزه اللينكم بتاع التاجره رقم التليفون وجزاكى الله خير
وعلى فكره يا بنات فى زيت مشمش كان دكتور كاتب عنه انه بيشد الترهلات للصدر واكيد ليه فوايد تانيه