تجمع بنات مصر الجزء14 للاستفسارات عن العناية بالبشرة والجسم

مقشر ستيفز بالمشمش يا جميله




وصنفره دوف الدهبى

دى تنفع للوجه والجسم

ايوة يا جميله
وفى منها مخصص للجسم وفى للوش بس كنت بجيب الى للوش واستعملها للجسم عادى

ميااده2006;10520842:
انا معرفش مكونات الزيت ايه واكيد طبعا هي عملاه وهتكسب فيه بس هى
الدكتوره بتبيعه ب20 وهو بقي اليه بيااخد منها بيزود سعره عشان مكسبهم
معرفش الدكتوره دى غلته ولا ايه بس كانت بتبيعه الاول ب20جنيه
عارفه ياروزى انا ماسك الطمى المغربي بتاع حراز بخلطه بعسل وكام نقطه ليمون و تاثيره مع الحبوب تحفه وكمان بيفتح الوش انا ممكن اجيبه لما اروح المعرض وممكن مجبهوش على حسب بقي لان ممكن تعجبنى حاجات تانى اشتريها

معرض ايه اللي بتتكلمي عليه يامياده ده؟

rosy2;10521238:
ميرسي يا ميوده علي ردك عليا يا قمر ربنا يباركلك .

تعرفي يا مياده ان الماسك بيتباع في الموسكي انا كنت هناك من يومين بشوف زيوت الشعر وشوفت الماسك ده هناك .

وكمان لاقيت كريم بارشوت هناك ب17.50 شوفتي الفرق بينه وبين المحلات والصيدليه .

وقالي هينزله الزيت كمان بتاع برشوت ...............ولاقيت زيت فيولا باجاج .
كمان بيتباع

ساره ضحكتيني بكلمة "هجص " وانتي كده جبتي من الاخر هو مجموعة زيوت متركبة .

كريم باراشوت دة مش حلو انا عن نفسي ما حبتهوش

وكمان كريم فيولا دة بحس ان فيه نسبة جل لان لما بحطه بيثبتلي شعري بصراحة انا بحطه بس لما ببقى عايزة اسيب شعري من غير ما اعمله سيشوار بيفرده ومش بيهيشة بس بينشفة
بس طبعا انا بتكلم عن الكريمات الاصليه بجبها من هنا من دبي معرفش اللى في مصر نظامهم ايه

rosy2;10521266:
بالنسبة لليفة يا بنات انا شفت واحدة بيقولوا من وبر الجمل وهي شكلا جميله جداا تحسي انها اامن وانضف

الليفة دي مش حلوة خالص ولا بتعمل حاجة انا جبتها ورميتها اللى تحفة بجد بتكون جونتي لونه اسود

بعد ما بغسل جسمي بالشاور جل عادي اشطفة كويس وبعد كدة امشي الليفة طلو ونزول بخط مستقيم وشوفوا البلاوي بقى

لكن بحركات دائرية والكلام الفاضي دة مش بتطلع حاجة

maro18;10521752:
طيب ايه احسن سنفرة وتكون للوجه ولو تنفع للاتنين يبقى خير وبركه ووفرنا :)

صنفره ستيفز بيقوله عليها كويسه وفي صنفره للوجه والجسم برضه جامده وبتفتح وتنور البشره بجد مجربتش احلا منها هى بتاعت حراز اناجبت اليه بللوز زى بتاعت ساره وجميله جدا جدا جدا

ناني فيبس;10523236:
كريم باراشوت دة مش حلو انا عن نفسي ما حبتهوش

وكمان كريم فيولا دة بحس ان فيه نسبة جل لان لما بحطه بيثبتلي شعري بصراحة انا بحطه بس لما ببقى عايزة اسيب شعري من غير ما اعمله سيشوار بيفرده ومش بيهيشة بس بينشفة
بس طبعا انا بتكلم عن الكريمات الاصليه بجبها من هنا من دبي معرفش اللى في مصر نظامهم ايه


الليفة دي مش حلوة خالص ولا بتعمل حاجة انا جبتها ورميتها اللى تحفة بجد بتكون جونتي لونه اسود

بعد ما بغسل جسمي بالشاور جل عادي اشطفة كويس وبعد كدة امشي الليفة طلو ونزول بخط مستقيم وشوفوا البلاوي بقى

لكن بحركات دائرية والكلام الفاضي دة مش بتطلع حاجة

طب ممكن توريني صورته الليفه دي و منين؟

ناني فيبس;10523236:


الليفة دي مش حلوة خالص ولا بتعمل حاجة انا جبتها ورميتها اللى تحفة بجد بتكون جونتي لونه اسود

بعد ما بغسل جسمي بالشاور جل عادي اشطفة كويس وبعد كدة امشي الليفة طلو ونزول بخط مستقيم وشوفوا البلاوي بقى

لكن بحركات دائرية والكلام الفاضي دة مش بتطلع حاجة

كلام صح بلطل نازل طال

انا جربت سكرب اصاله وعجبني اوي بس اهم حاجه ما تستخدميهاش علي وش فيه حبوب

بنات ازيكم عاملين اية
اخيرا الموقع فتح
وحشتوني جدااااااااااااااااااااااااااااااااا

انا شايفة في بنات كتيير بيتكلموا عن الماسك المغربي
وانا يمكن من اوائل الناس هنا اللي جبوة وكمان انا شوفت الدكتورة اللي بتبيع الماسك هي اللي اشتراتة منها مباشرة
هو بصراحة في الاول كان حلو معايا كان ظبط شوية المسام خصوصا اللي عند الوجة والمناخير وكمان كان فتح شوية الهلالات السوادا عندي وكنت منتظمة علية يمكن لمدة شهر ونصف
و قبل ما يجي رمضان كنت مشغلولة فقعدت فترة مستخدمهوش لحد دلوقتي بالرغم ان لسة عندي ازازة بس بصراحة لما لطلتة رجعت كل حاجة زي ما كانت المسام اتفتحت والهالات كمان زادت
انا بقول علي تجربتي الخاصة انة مش واو يمكن كان لازم اصبر شوية
بس فعلا يمكن زي ما البنات كاتبين هو مجرد مجموعة زيوت واحنا لو انتظمنا حتيدي نفس المفعول الله اعلم
بس انا بالنسبة ليا مش واو وعادي بمجرد اني بطلتة رجع اللي عندي زي ما كان

كان لازم اقول تجربتي بامانة لاني في الاول شكرت فية وفعلا كان في نتيجة بس انا لقيت انة من الامانة اني اكمل باي تجربتي واقولكم
مش معني كدة اني بقول متجبهوش يمكن عشان انا مستمرتش ل 3 شهور

ميادة ماسك الطمى المغربى بتاع حراز جبتيه بكم ياجميل؟؟

انا شفته نازل فى المعرض اياه مع حاجات حراز
هو ده لنوع ايه من البشره هو ماسك ولا مقشر اكتر ولا ايه؟

وكمان سويت رقة المشاعر دى حد جربها فعلا حلوة يعنى بتاخر الطلوع الشعر ولا ايه نظامها يقلنا تجربته؟
وسعرها مفروض كم ؟


وكمان جهاز الواكس الشمع ايه اخباره :-)
انا مجربتوش قبل كده الواكس وخايفه اجيبه ومعرفش استخدمه خاصة انى مش شاطره اوى فى السويت يعنى بعملها كده على قدى كل فتره
مييييين جربه وايه نظامه ؟

_LOVE_;10514540:
مساء الخير يا بنانيت
معلش ليه سؤال
فى بنوته كانت قايله على زيت اللوز المر انه بيفتح وبيشيل اثار الحبوب انا جربته جفف بشرتى هو ده العادى فى الاول ولا اوقفو

انا لما استعملته مش جفف بشرتي ولا عمل فيها دهون مش غيرها خالص يعني . بس مش عارفه كده هو مش مناسب لبشرتك ولا ايه

maro18;10515400:
كويس انا كده كده ماكنتش هجيبه اكتفيت بالصابونه دى بس معنى كده عادى يعنى للوش

كمان يابنات انا عندى حبوب فى كتفى بتروح وبتيجى وعايزة بقى اقضى عليها عشان شكلها وحش ومعلمه فى ايدى مش هتجوز وانا بالمنظر ده والله مضايقه اوى
اجيبلها ايه ولا تروح ازاى الحبوب دى ومكانها

اغسلي المكان اللي فيه حبوب في جسمك علي طول بصابونه كبريت او سينوبار ولو حاسه بشره جسمك دهنيه ممكن تحطي بالليل لوسيون اسمه ساكنل . بس بانتظام لازم كل يوم خلي الصابونه في الحمام علشان مش تنسيها وانتي هتاخدي شاور هتلاقي الحبوب راحت ان شاء الله ومش هتطلع تاني والاثار كمان هتروح بس ابطأ من الحبوب

tota_10;10516602:

ازيكم يا بنات وحشتونى كلكم

عاوزة اسألكم على حاجه ..شفتكوا بتشكروا فى كريم السعد .. هو ايه ده واجيبه منين وبكام؟
وحد فيكوا سمع عن كريم الزنجبيل وبردو اجيبه منين وبكام ؟
وعندى مشكلتين فى جسمى مش لاقيه ليهم حل .. النقط الحمراء اللى فى الساق :ss:
وعندى فى ذراعى من فوق حبوب سخيفه اوى ومن زمان ومش راضيه تروح ومش عارفه اعالجها ازاى .. لو حد يعرف يقولى بلييييييز (f)(f)

صابونه كبريت او سينوبار انا كان دراعي من فوق كلللللله حبوب وراحت ببساطه جدا بس الكبريت كنت بستعملها في الصيف هي واللوسيون ساكنل في الشتا كملت بسينوبار علشان الاثار تروح بس مش فضلت استعملهم زمن يعني شهر في اخر الصيف وشهر في الشتا كده كل الاثار راحت بس الحبوب بتمشي بسرعه

ميااده2006;10520297:
صوت بلاش كريم فير اند لافلى
وكمان لو انتى حامل بلاش كريمات استخدمى جلوسليد لايدك قبل النوم هتلاقي نعومه
عايزه تفتيح حطى على الجلوسليد زيت لوز وليمون واعملى لايدك سكرب مرتين في الاسبوع
بلاش فير اند لافلى اخت خطيبى كانت بتستعمله وقاعدت فتره طويله مداومه عليه
بعد ما كان بشرتها جميله وحلوه وصافيه اتملت حبوب ورؤوس سودا ومن ساعتها
وبشرتها بقيت حساسه بتتحسس من اى حاجه تحطها بلاش الكريم ده لانه فيه كمان
زئبق وده بيعمل امراض وحشه على المدى البعيد

حقيقي والله يا مياده جزاكي الله خير
ده فير اند لافلي ده بهدلني انا فضلت استعمله ييجي سنه كده طول ما انا بستعمله البشره مشدوده وفاتحه وجميله و فجاه لقيت مسام واسعه وحساسيه بشعه مش بتروح لحد دلوقتي والله بشرتي مش كانت حساسه بقت حساسه من كل حاجه و خدودي تحمر والاقي فيها ناااااااار بجد ابعدو عنه خالص

ميااده2006;10520930:
هو انا الماسك اليه كنت حطه صورته كنت جيباه من حراز لان ممكن لو من اى تاجره او مكان بره اكيد هيغلوه وزيت اللوز المر جميل للبشره خصوصا اليه بشرتها محروقه او مغمقه من الشمس
لو بشرتك مصفره وتعبانه وخارجه من دور تعب يبقي تعملى ماسك الزبادى والخيار جميل للبشره اوى هتحطى كوبايه زبادى في الخلاط وعليها خياره متقشره ومقطعه واضربيهم وحطيهم في طبق في التلاجه كل يوم تخدى شويه و حطى عليه معلقه دقيق لانهم بيبقوا سايبين شويه ممكن تحطى عسل برحتك و حطى دقيق على الماسك لحد مايمسك نفسه
جربيه وادعيلى هتلاقي بشرتك نضره ونعومه و صفاء واسئلى انوش جربته وعجبها وتقريبا ميرو جربته برضه وعجبها

اه والله يا مياده ربنا يكرمك ويجازيكي خير يارب انا كمان دعيتلك اول امبارح ده عامل زي السحر بجد والله من اول مره وشي فاتح ومنور ومرطب ومرتااااااااااح وجميل اوي اوي وولا عملي حساسيه ولا اي حاجه
بس انا لما حطيته حطيته تحت عيني وفوقها كمان كده عادي ولا غلط ؟ وكمان اعمله يوم ويوم كويس ولا كل يوم احسن ؟

marool;10525221:
ميادة ماسك الطمى المغربى بتاع حراز جبتيه بكم ياجميل؟؟

انا شفته نازل فى المعرض اياه مع حاجات حراز
هو ده لنوع ايه من البشره هو ماسك ولا مقشر اكتر ولا ايه؟

وكمان سويت رقة المشاعر دى حد جربها فعلا حلوة يعنى بتاخر الطلوع الشعر ولا ايه نظامها يقلنا تجربته؟
وسعرها مفروض كم ؟


وكمان جهاز الواكس الشمع ايه اخباره :-)
انا مجربتوش قبل كده الواكس وخايفه اجيبه ومعرفش استخدمه خاصة انى مش شاطره اوى فى السويت يعنى بعملها كده على قدى كل فتره
مييييين جربه وايه نظامه ؟

ماسك الطمى مش فاكره ب16 ولا 17 جبته وانا جبت اليه بزيت اللوز
و هو ناعم زى الكريم احسن من الطمى المغربي واخف منه اليه بيتباع سايب بودره
انا باخد منه معلقه ووبخلطها مع معلقه عسل صغيره وكام نقطه ليمون
والبشره الحساسه متستخدمش ليمون وممكن كمان ميناسبهاش الماسك
ده ماسك للبشره لو هتحطى الماسك لوحده يبقي من 10 ل15دقيقه
بس انالما بعجنه بلعسل بسيبه نص ساعه او اكتر لان بشرتى مش
حساسه وبشرتى دهنيه وتقريبا هو ممكن مينسبش اوى البشره الحساسه او الجافه
وانتى لو رحه المعرض هناك هيبقي في تجربه جهاز الوكس ده من راى روحى
وجربيه قبل ما تجبيه بس كله بيشكر فيه

باربي 15;10525568:


حقيقي والله يا مياده جزاكي الله خير
ده فير اند لافلي ده بهدلني انا فضلت استعمله ييجي سنه كده طول ما انا بستعمله البشره مشدوده وفاتحه وجميله و فجاه لقيت مسام واسعه وحساسيه بشعه مش بتروح لحد دلوقتي والله بشرتي مش كانت حساسه بقت حساسه من كل حاجه و خدودي تحمر والاقي فيها ناااااااار بجد ابعدو عنه خالص


اه والله يا مياده ربنا يكرمك ويجازيكي خير يارب انا كمان دعيتلك اول امبارح ده عامل زي السحر بجد والله من اول مره وشي فاتح ومنور ومرطب ومرتااااااااااح وجميل اوي اوي وولا عملي حساسيه ولا اي حاجه
بس انا لما حطيته حطيته تحت عيني وفوقها كمان كده عادي ولا غلط ؟ وكمان اعمله يوم ويوم كويس ولا كل يوم احسن ؟

الحمد لله ان كلامى طلع صح وانتى برضه اكدتى ان فيرندلافلى بيعمل حساسيه للبشره
وده نفس اليه حصل مع اخت خطيبى حساسيه وخدودها كانت ملتهبه والمسام وسعت
وكانت ظهرلها رؤوس سودا يابنات ابعدواااااااا عنه خالص محدش يستخدم فيرندلافلى


كويس ان ماسك الزبادى والخيار عجبك ده يابنتى اجمل ماسك ممكن تجربيه وهتلاقيه يناسب كل البشرات سواء البشره الجافه او الحساسه حطيه حولين عنيكى ده هو اصلا مفيد لحولين العين جدا عشان لو فيه هالات ارهاق وكمان انتى برحتك جربيه يوم ويوم او كل يوم بس لو جربتيه خلال اسبوع كل يوم هتشوفي فرق ججامد وكله هيلاحظ الفرق بيدى صفاء ونقاء للبشره وملمس البشره بيبقي ناعم زى البيبي

ميرسى يامياده ياجميل

طيب كنت عاوزة اعرف مين الى كانت جاااابت جهاز البخار وهل ممكن يستخدم للشعر ولا اييييييه؟؟

ممكن حد يقولى ايه المعرض اللى بتقولوا عليه ده وهو فيه ايه بالضبط ؟؟

مياده مسك الطمى بتعمليه كام مره فى الاسبوع وسنفره اللوز كمان بتعمليها كام مره وهما الاتنين فى نفس اليوم وله ده يوم وده يوم

هو انتوا قلتوا ماسك الطمي المغربي ده بكام ؟
http://forums.3roos.com/t491901.html

ميادة من فضلك انت بتقولى ان الصنفرة بتاعت حراز هى و الماسك تحفة و عملوا نتيجه تحفة معاكى ماشاء الله انا من اسكندرية و فى محل قريب مننا مكتوب عليه منتجات حراز ينفع تنزلى صورهم عشان لو بجد هما هما اجبهم و اتكل على الله و اسعارهم كمان لو سمحتى و جزاك الله خيرا يا رب

بعد اذن مياده ارد على الاسعار السنفره باللوز ب 12 الماسك المغربى باللوز ب17 وفى منه انواع تانيه