تجمع بنات مصر الجزء14 للاستفسارات عن العناية بالبشرة والجسم

at2ota;10638612:
ديدم قوليلى فين دكتورة الجلديه الى صاحبتك راحتلها الى انتى ناويه تروحيلها ان شاء الله

صوت العيون;10638618:
هى ممكن على حسب نوع البشرة يا جميله
لانى فى شكروا فيها برده والله اعلم

عاوزة اتعلم;10638671:

السلام عليكم
بنات عاوزة رأيكم في براون سيلكابيل
هي افضل ولا السويت ؟؟
ويا ترى بتستخدمو ايه للمناطق الحساسه
انا كنت من فتره كده بستخدم سويت بس الموضوع كان بجد مؤلم جدا وبعدين قولت خلاص مش هستخدمها تاني غير لما اتجوز او اتخطب عشان اعود نفسي تاني على وجعها
بس بامانه كانت بتخل الواحد حاسس بنضافه فظيعه

zeyood;10638703:
يا حبيبتى انا عملت ليزر جلسة واحدة فقط وكل شى اختفى بنسبة 100% والحمد لله دا اخترع عجيب بس الجلسة كانت ب 900 جنيه وكان عامل تخفيض كمان يمكن انتى رحتى لواحد عنده جهاز قديم ولا حاجة

ميااده2006;10631043:
هههههههههههه يلهوى ده غالى اوى ليه ان شاء الله ده انا جيبه جل الصبار تقريبا كان ب14 جنيه من اوريفليم وجيبه منها جل العين تقريبا اسمه تندر اليه بلكاموميل جيباه ب10جنيه
بس ممكن بقي لو وحده ليها حد قريبها مسافر السعوديه يجبلها من البادى شوب بتهيئلى هيبقي ارخص

Didem;10638744:
بعيده عنك ياقطقوطه
دي فى الحى السابع فى مدينه نصر
مكرز اسمه التيسير
ويابنات اللى اعاوزانى اسال الدكتوره فى اى حاجه بشره او شعر تقولى دلوقتى
لانى باذن الله رايحالها انهارضه الساعه 7
بس هاقوم اكلمهم واتاكد من المعاد


يمكن ياقمر:)


والله انا عندى الاتنين
وبعد تفحيص وتمحيص
صدقيني السويت طلع المها اخف
بس السلك ابيل اسرررررررع وانضف
انا بعمل ايدي ورجلى بالسيلك ابيل والابط بالسويت وال.....:o بالموس :D

عاوزة اتعلم;10631449:

السلام عليكم

ازيكوا يا بنات
انا بجد مضايفه اوي
كذا حد من اصحابي بيقولولي انتي عسوله بس اماكن الحبوب ا للي عامله حفر مبوظه شكلك
بجد ما بقتش عارفه اعمل ايه انا رحت مرتين اتعالجت وخدت كورس علاج والحبوب راحت ولحد دلوقتي لما بتيجي الى حد ما لما ببطل عك في الاكل وبستخدم صابون كبريت او خميره او كده الحبوب بتروح لكن المصيبه دلوقتي في الاماكن بتاعت الحبوب

سمعاكوا بتكلموا على تقشير بالفواكه وكريستال انا معرفش تفاصيل اوي بس يا ريت فعلا اللي جرب حاجه زي كده يقولي بالظبط فين وعند انهي دكتور انا ساكنه قريب من جسر السويس لو حد يعرف دكتور كويس بيعمل الموضوع د ه بس يا ريت تكون تجربه شخصيه يا جماعه لان في البيت عندي مش عاوزني اعمل الموضوع ده خايفييين عليا وبيقولولي ممكن يكون دكتور مش كويس ووشك يبوظ

عاوزة اتعلم;10638770:
زيود هو انتي عملتيها عند انهي دكتور
ويا ترى انتي ساكنه في القاهره ولا فين؟؟
وكان عندك حبوب وسايبه حفر ولا كانت مجرد بقع
وبتقدري تتعرضي للشمس عادي بعد موضوع الليزر ده ؟؟
معلش الاسئله كتير
بس موضوع الحفر بتاعت الحبوب دي عاملي ازمه نفسيه

صوت العيون;10638775:
اه يا جميله لو سمحتى تسأليها لو الشعر بيقع كتير اوى
هل دا ليه ان شاء الله
وابعتيلى العنوان والنمره على الخاص لو سمحتى

عاوزة اتعلم;10638788:

السلام عليكم
بصي يا ستي بالنسبه لموضوع الدكتورة
عوزاكي تسأليهالي لو في حفر بسيطه من الحبوب كفايه ليها تقشير بالفواكه ده ولا لا ويا ترى لو عملت تقشير ومش جاب نتيجه بيكون مفيد للخطوة اللي بعدها ولا لا لاني كنت رحت لدكتور قالي ممكن مثلا تعملي ست جلسات ولو النتيجه مش كانت زي ما انتي عاوزة هيفيدك في الخطوة اللي بعدها لان في نوع تاني او مثلا ممكن ليزر بعدها وهيفيد انك عملتي تقشير بالفواكه ده قبلها فيا ريت تتأكديلي من المعلومه دي

بالنسبه بقى للسويت انتي بتقولي انضف عشان ممكن تتعمل والشعر قصير ولا لا ؟؟؟
ويا ريت تقوليلي شرياها منين ومعاها كام وش او شفره
لاني بسمع من اصحابي انها بحوالي 200 جنيه بس بصراحه مش مقتنعه انها فيها كل الوشوش والشفرات حاسه ان دي مجرد حاجه كده وخلاص

at2ota;10638824:
تسلمى ياديدم ربنا يباركلك يارب فعلا للاسف بعيدة عنى خالللللللللللللص طيب بقلك ايه ياديدم ابقى اساليها لو سمحتى عن موضوع التقط الى فى الرجل الى هى شبه المسام الواسعه وبتبقى لونها احمر او بنى فاتح والشعر الى بيطلع تحت الجلد ربنا يباركلك يارب

Didem;10638848:
حاضر من عينيا وحالا هبعتهم لك
بس هاقول انك حامل طبعا


حاضر ياقمر
انا رايحالها عشان السبب ده اصلا الحفروالبقع اللى مطرح الحبوب فهاخد كل المعلومات عن ا لتقشير ونظامه
********************
بالنسبه للسويت طبعا مبتعملش الشعر القصير هي احلى تحت الابط بالنسبه عشان بتشيل الخلايا الميته
السيلك ابيل هى اللى انضف عشان مفيش تلزيق ولا قرف
انا كنت جاياباها من سنتين ب245جنيه
بصي انتى احسن لك تجيبي اللبني اللى براسين وعجلات تدليك وشفره حلاقه
ودي ب 200 جنيه بس


من عينيا هسالها حاضر ايه حلها ولو ليها كريمات تكتبهالي كمان

عاوزة اتعلم;10638907:

طيب هو ايه الانواع عموما بتاعتها عشان بما انها رخيصه فممكن الواحد يجيب حاجه اغلى شوية وفيها مميزات يعني سمعت ان بيكون في ملاقيط معينه للاماكن الحساسه وحاجه معينه للوش وحاجه مخصصه للايد يا ريت تقوليلي ولو ليها صورة معلش هتعبك معايا

Didem;10639151:
خلاص لومعاكى فلوس هاتى بتاعه العروسه
فيها كل حاجه
انتى اصلك من شويه قلتي مش عاوزه الشفرات اللى مالهاش لازمه
ودولقتى بتقولى على الرؤؤس المختلفه
فمش فاهمه ياحبيبتي
انتى عاوزه انهى نوع بالظبط؟
عاوزاها بسيطه وتقضى الغرض؟ ولا عاوزاها فيها شفرات كتير

صوت العيون;10639161:
بصى احسن واحده فى سيلك ابيل الى هى ب 225 او 240 جنيه
الى هى نوعين ملقاط واحد
سريع للايدين والرجلين بس مش بيشيل من الجذور والتانى للمنطقه الحساسه وبتشيل من الجذور زى السويت
الحمد لله

AnNoSha;10634415:

اللوشن اللى عندى كدا كمان ياقمرايه بس اللى عندى اخضر للبشره العاديه

وفعلا البشره بتتشربه بسرعه كدا وبينعم الايد جدا

....بنات انا نازله اشترى بودر جولى ايفا للتشقير عشان اعمل وشى وحواجبى هههههههههههه

اصلى لعبت فيهم:o وعاوزه اسيبهم شويه عشان ارجعهم للاصل واعرف ارسم رسمه مش رفيعه وتكون حلوه استخدمها ازاى بقى ...؟؟؟؟؟