قصة ولادتي في ولدي القمر

السلام عليكم ورحمة الله وبركاتو

انا تاريخ ولادتي كان المفروض 7 اكتوبر بس انا ولدت في 5 اكتوبر

طبعا كان الرحم فاتح عندي من 24 رمضان 3 سم بس ماكان معاي طلق

ومن دخلت التاسع وانا يوميا امشي مايقل عن نص ساعه وكل اسبوع اروح اشيك ونفس الشي 3 سم ومازاد ولاتغير شي

وماكان معاي اي الم كان كل شي طبيعي

والكل كان ينصحني بالجماع والدارسين والتبخر

طبعا انا مررررره خوااااافه وماكنت مقتنعه اني آخذ اي شي من مسهلات الولاده

بس لمن وصلت الأسبوع الأخير بديت امل وتعبت

طبعا تبخرت يمكن مرتين كذا وصار جماع

بس للأسف كل مارحت اكشف الاقي ماتغير شي (w) وكانت نفسيتي زفت

الين جا يوم الأحد 4 اكتوبر وقررت اني آخذ دارسين :angry: والي فيها فيها

ورحت سويت فوحت لي كمن عود دارسين وحليته بعسل وشربت لي كوب كذا وكنت جالسه اسولف مع بنات تجمع اكتوبر ولا فيني اي شييييي

وبعد اقل من ساعه والا تطلع مني مويه دافيه على دفعات..وعرفت انها موية البيبي

طبعا انا هنا طقتني أم الركب :ss:

بس حاولت اني امسك نفسي وسويت نفسي مو خايفه ولا مرتبكه عشان ما اربك زوجي

ودقيت عليه وعلمته بالي صار

وعلى ماجا انا اخذت لي شور وجهزت نفسي

ولمن دخلنا المستشفى شيكت وقالت 3سم (w) وماكان فيني الم وقالت لي راح ننتظر عليك 24 ساعه اذا ماجاك طلق نحط لك طلق صناعي :ss:

دخلت الساعه 8 مساء وجات الساعه 9 ويبدا الطلق وكان طلقي في فخوذي :confused:

راح زوجي جاب امي وظلت تقرا علي وتهمز في رجولي كل ماجاني الطلق وانا حاولت اني ما اصرخ بس اون وانادي امي كل ماجاني الألم

عطوني ابره في الورك عشان تخفف الألم بس ماخف :confused: ولمن جات الساعه 12:30 عطوني ابره ثانيه في وركي الثاني مسكنه وتخليني انام عشان يبوني اجمع طاقتي لوقت الولاده

لأنهم متوقعين اني اولد عالفجر او الصباح

طبعا حاولت انام بس من الأم ماقدرت انام وكان في ثنتين يولدون وانواع الصراخ وكل ماسمعتهم اموووووت من الخوف :ss:

وجات القابله عالساعه 2 الفجر وقالتلي فيك بول :rolleyes: لازم تطلعينه والا الراس مراح ينزل

قلت لها خلاص بروح الحمام.. قالت لي لا ما اقدر اخليك تروحين الحمام الحين وجابت لي طاسه وقالت لي بولي هنا :ss:

بس انا ما احس اني حسرانه وظليت اترجا فيها اني اروح الحمام ولو فيني بول راح ابول بس مارضت

قالت لي اذا ما بلتي بنسويلك قسطره.. وانا كنت ميته من الخوف لأني سمعت ان القسطره تعور

بس هي قالت لي ماراح تعورك... وبعد محاولات اقتنعت بالقسطره (w)

والحمد الله ماحسيت باي شي بس زي وخزة الأبره وطلعت مني بول كثير :rolleyes:

وبعدها قالت لي اذا جاك الم ادفعي وكل شوي تشيك وعالساعه 3:30 الفجر نادت الدكتوره وجهزو السرير والعده وتعبت الغرفه

وانا ميته من النعس والألم

وقالت لي الدكتوره خذي نفس واذا جاك الم ادفعي وتعبت وشفت الموت بعيوووووووني
لأنها كانت تقولي واصلي لاتوقفين

وانا من التعب والنفس مايساعدني وقالت لي دفعه وحده قويه ويطلع البيبي

وشديت حيلي وجمعت كل قووووووووووتي ودفعت الين شفت احلى ولد بالكووووون

وتوته توته خلصت الحدوته :)