كان ياماكان من سنة تقريبا (يعني مب من زمان) في وقت الشتاء
كنا مسوين باربيكيو في البيت وفجأة دق في راسي اني اخترع
سلطة بمكونات موجوده في البيت، وسبحان الله طلع اختراعي
ينبلع وما يسبب مشاكل صحية ولا يتطلب الإسعاف
واليوم قلت بسوي الطريقه عشان زميلاتي في الدوام في قسم ال SMB :21_8: حق الزميلات المعصعصات بسسسسسسسسس وصورت،،،، طبعا غشيت اهلي في البيت وفهمتهم اني مسوتنها اليوم بالذات حقهم(6)
بخليكن ويا المقادير والطريقة:
المقادير:
حمص معلب او محضر في البيت
طماط
بصل
بصل أخضر
شوية بقدونس
زيتون مقطع بالشطة
ليمون
أجار همبا أو مشكل (اختياري)
الطريقة:
قطعي الطماط مكعبات صغيره وشلي البذور مالها
قطعي البصل نص حلقات وافصليها
افرمي البقدونس
قطعي البصل الأخضر قطع صغيرة
اعصري الليمون
قطعي الهمبا (المانجو) أو الخضرة مال الاجار قطع صغيرة
حطي الزيت في مصفاة عشان تتخلصين من الزيت
هذا البصل عقب التقطيع
ضيفي عليه الحمص عقب التخلص من الماي ماله
صيفي باقي المقادير
اخلطيها
صورة مكبرة عشان التعذيب
