كيفكم يا حلوين ..
امس قسم بالله سويت انجاز رهيب .. هههههههههههه
طبعا لازم احكي لكم حكاية قبل لا ابدا .. << بتموت اذا ما تكلمت عن سبب الطبخة
المهم .. بو الشباب امس عازم ربعه ع الغدا ..
وبما اني مطيعة تقبلت الامر بصدر رحب .. << بس كانت في تأففات بعد الخبر ...
كنت اريد اسوي السمك مشوي علشان اخلص نفسي ورز ابيض :wink:
بس واااحد من ربع زوجي صار شرير :mad:
وطلب من زوجي اني اعمل لهم مندي :eek:
انا صار شكلي كذا ... :eek: وش دراني بالمندي انا ..
طبعا انا ما عمري سويت مندي ولا اعرف كيف يسونوا اصلا
بس تذكرت الاخت الغالية وحيدة القمر في موضوعها عن المندي
حاولت اطبق موضوعها ..
بس قلت خليني اشوف شيء ثاني ومندي بطريقة ثانية ..
وبعد محص وتمحيص وبحث شفت ذي الطريقة رائعة من عند احدى الاخوات في منتدى لك
وهي طبعا ما تقل روعة موضوع وحيدة ..
بس شكلها غير ولذيذ وبيشهي ..
التطبيق جاء بنتائج مبهرة ورائعة ..
الصحن انغسل بسبب الايادي هههههههه المتراكمة ع المندي ..
نجي للتطبيق والطريقة .. اللي كانت بسيطة وما اخذت مني الا وقت في تجهيز اللحم ..
الطريقة مع المقادير
انا استخدمت لحم طازج مع العظم ..
غسلته عدل مدل وخليته ع النار حتى تروح منه الزفرة ..
ورجعت اغسله مرة ثانية ..
وبعدها حطيته ع النار مع البهارات العمانية والماء لمدة ساعة او ساعتين حتى ينضج ..
ننقع الرز لمدة ساعة
نجهز البصل ونقطعه شرائح رقيقة ونحمسه بالزيت الحامي ع النار حتى نحصل ع بصل مقلي..
البصل صار جاهز (y)
الحين بعد ماسلق اللحم ونتأكد من نضوجه
نضيف الملح ونتركه على النار نصف ساعة عشان يتشبع الملح
نخرج اللحم بعد ماسلق ونضعه بصينية الفرن ونضع بعض المتبلات عليه انا حطيت بصل وطماط وشوي ثوم شرائح والشيء الحلو اللي عجبني في ذي الطبخة اننا نحط لون الزعفران البودرة يعطي لون ونضيف البقدونس وبعدها نلف اللحم بقصدير ونسكره مانخليه ولاجهة مفتوح وندخله بالفرن على نار متوسطة لمدة نصف ساعة
شوفوا شكل اللحم بعد الفرن .. انا سويت شوي صوص بسيط داخل الصينية لان بو الشباب يحب صوص اللحم .. ويستمتع فيه :D
اللحم صار جاهز (y)
والحين نجي للعيش / الرز
ناخذ ماء اللحم ونحط عليه الرز اللي نقعناه ونحط اعواد القرفة القرنفل والهيل وفلفل قرون ونخليه يطبخ حتى يبدأ ينشف وتغطون ع القدر .. ولما يشنف الماء كمان تضيفون لون الزعفران البودرة .. بس من غير ماتحركينه يعني ترشي ع الوجه وتسكرين الغطاوتخلينه على نار هاااادية جدا وزي ماقلت اللون ماتخلطينه لما ينشف الرز تماما
ونرجع للرز بعد مانشف تماما ووضعنا اللون نقلبه عشان تصير حبة لون وحبة لون
رزنا صار جاهز وشكله بيشهي ولذيذ (y)
نجهز الصحن اللي بنحط الاكل فيه ونضع الرز فيه واللحم ونرش ع الجوانب البصل المحموسة انا اضفت عليى البطاطس المقلي وبصراحة كان طعم رهيب وخيالي وصدق مندي ههههه
