زوجي المطوع!!!!!!

السلام عليكم00اخواتي انا اكتب لكم وانا ابكي من يومين 00
مشكلتي باختصار انا متزوجة من عشرين سنه وعندي سته عيال من مطووووع وانسان يدعي المثاليه دايم ينتقدني في تصرفي ويقول يمكن اتزوج وحده ملتزمه انتي فاسده ؟؟؟حتى الموسيقى حقت الرسوم المتحركه يقول لا اسمعها حرااام اتقو الله ؟؟هوه يصلي بالمسجد الصلوات كلها ويصوم ولا يدخن بس يضرب ويسب بكلام جارح لسانه سليط جدا00كنت صابره معاه في الشقق الايجار حتى كنت ابيع من ذهبي اذا احتجت وهو مايكون عنده في العيد او مناسبه 00الحمد لله جميله ومهتمه بنفسي وانيقه 00 ابوي حن عليه وساعدنا في شراء بيت وزوجي دفع مبلغ بسيط والباقي ابوي بعد كم سنه رجع ابوي المبلغ لزوجي وكتب البيت باسمي صار ليه وفيه شقق فوق ايجارها لي زوجي رفض قال باخذ وحده 00وانا عشان اتفادا المشاكل عطيته مع ان عنده راتبه ماعلينا مرت الايام وقدمت في شغاله عشان عيالي وزوجي رافض فكرة الغسل خارج المنزل جبتها والله مالي نفس بس عيالي سته وانا بعد ولدي الاخير جتني عين وتعبت جبتها جلست ثلاث شهور وقالت بنتي ماتت ولازم اسافر حسيت انها تكذب جلست يومين تبكي وبعدين رجعت عادي تمام مافي مشاكل ولا شي وفكرت اني اخليها تكمل بعد عشان تحملت عيالي وكثرة الشغل وانا بعد طيبه معاها حتى قالت انتي اطيب مدام اشتغلت معها جلست عندي سنتين00 وفي يوم مشؤوم رحت السوق اخذ لعيالي اغراض المدرسه مع زوجي وخليتها مع عيالي الاثنين الصغار وحطني زوجي في السوق مع عيالي الكبار وقال بروح ابيع سيارة عندي قلت خلاص لما اخلص ادق عليك 00خلصت ودقيت عليه وجاء واخذني ودخلت البيت وليتني مادخلت لقيت الخدامه تبكي وايدها متورمه قلت وش فيك؟؟قالت ايدي توجعني قلت بس بكائك مو على وجع يد؟؟ سكرت باب غرفتها وقلت وش فيه قولي جلست ساعه يمكن احاول فيها 00 طلع من فمها كلمه ماتوقعت اسمعها ابدا كلمه ياليتني مت ولاسمعتها قالت بابا يامدام رجع البيت وكنت بالمطبخ وراح شالني وانا اقاوم وحطيت يدي على باب المطبخ ومن كثر ما دفني انكسرت يدي وانا ابكي تقول المغرب يأذن نسمعه قلت كملي تقول يوم شافني بكيت رماني قلت اول مره قالت لا هذي سادس مره قالت تذكرين يوم بكيت قلت بنتي ماتت وسفروني انا كذبت هذا بابا جاء في الحوش ورفعني على الغسالة ومسك يدي قلت متى صار اول تحرش قالت من اول اسبوع قلت يو لك سنتين مالاحظت شي !!!انا اسمعها ودايخة وقمت ارتجف وجتني حالة صدمة بنتي الكبيرة درت اغمي عليها ووديناها الاسعاف انا دخت شوي وطحت ولدي الكبير انصدم يقول ابوي لالالالا مو معقوله يقولي حلق شعرك لاتطوله لا تسمع اغاني قوم صلي لا تسوي كذا سوا كذا عيون ولدي الكبير عمره 20 سنه دمعت واجهته انكر قال كذب ناديت الخدامه قالت لا بابا انتا سويت كذا وكذا وانا حذرتك بقول للمدام ترى وانتا طنشت قال لا كذب قلت له خلاص ما ابيك في البيت اطلع واخذت ملابسه وطلعتها برا وقلت البيت ليه خلاص ما ابيك له يومين ينام برا وانا جالسه في غرفتي مو مصدقه جاء كلمني يقول لا تصدقينها كذابه وراح ترجعين تتاسفين ليه قام يجيب اعذار يقول تفتري عليه عشان اخرت رواتبها وعشان وعشان 00 اخواتي انا مصدومه ومو مصدقه الي صار كنت اقول صح زوجي يضرب ولسانه وسخ بس مطوع الحمد لله كنت واثقه فيه ثقه عمياء لان هوه كان يمثل علينا الانسان المثالي الخير المطوع والله يا اخواتي اني حضنت ولدي الكبير وبكيت وو يسكتني ويقول خلاص مايستاهل بكائك ؟؟انا كتبت لكم لاني ما اقدر اقول لاحد اخاف على سمعة عيالي ينحرجو ن بعدين ماقلت لااهلي وهما قريب مني وابوي شيخ وقدرت اشتكي له بس سكت عشان عيالي لاينحرجون اخواتي راسي يودي ويجيب يكون زنا فيها ؟؟لان الا اللحين فهمت انه تحرش مدري مشوش تفكيري000وحسبي الله ونعم الوكيل00