السلام عليكم ورحمة الله وبركاته ،،،
كالعادة احترت ايش أسوي على العشا لليوم :( ،، واستشرت ولي العهد لأني صايرة أثق بأفكاره :D فديته حبيبي ،، - لا تنسونه من صالح دعواتكم - وقالي سوي معكرونة :eek: ، قلتله يعني الحين انت متأكد إنك مشتهنها وبتاكل منها :confused: ..
ما قاصر أطبخ وأتعب نفسي وبالأخير محد ياكلها إلا أنا :tongue: .. وخليته يتقتل لي ويضغط علي اني أسويها :D <<<< أنواع النذالة
وتوكلت على الله وسويتها ، والحمد لله والشكر ما أخذت مني كثير وقت - هذا أهم شي - والأهم الأكبر إن الحلوين كلهم أكلوها ما شاء الله باستمتاع وتلذذ ، عليهم بالعافية يا رب ،،
طريقتي شوية فيها تأليف :o ، بس التأليف جاب نتايجه ولله الحمد .. واعتمدت في طبخها على تنوع الألوان ، عشان تكون عامل جذب للحلوين :wink:
ودائماً أخلي ببالي إن أي طبخة ضروري تكون ذات قيمة غذائية عالية :) ، وتحتوي من المكونات والمقادير ما يجعلها صحية أكثر :) ..
يلا تابعوا معاي والصور تحكي ،، وأكيد صور مدعمة بالشرح لحبيباتي اللي توهم مبتدئين <<< تحس فيهم :)
بسم الله نبدأ ..
المقادير :
مكرونيا ملونة + ملعقتين ذرة + ملعقتين فاصوليا جاهزة
الخضار تكون مقطعة طولياً واختاري أي نوع تحبيه ، اختياراتي كانت :
جزر + فلفل حلو + بصل حلو + فلفل أخضر + شوي بقدونس + 3 فصوص مهروسة ثوم + طماطم
والكمية تكون حسب الرغبة طبعًا .. المهم إنك تنوعي في ألوان الخضروات عشان خاطر طبقنا الملون :D
البهارات حسب الرغبة مكونة من : مكعبين ماجي + ملح + كركم + بهار مشكل + فلفل أحمر بودرة
في قدر نقوم بسلق المكرونيا ، نضيف لها شووووي زيت عشان ما تلتصق مع بعض ، ونخليها تنسلق مع مكعبين الماجي ،،
نبدأ نشوح الخضار في شوووي زيت زيتون مع زبدة <<< الزبدة تعطي نكهة تجنن للمكرونيا (y)
وبعد أول تشويحة نضيف ملعقتين ذرة + ملعقتين فاصوليا + الطماطم :)
وقبل لا تذبل الخضار بشكل مرضي ، نضيف 3 ملاعق كبيرة كاتشاب ، واللي ما تحب الكاتشاب عادي تضيف طماطم صوص ،، بتسألوني ليش سويت الكاتشاب لأنه يعطي نكهة لذيذة وجذابة أكثر من صوص الطماطم العادي ،،
ومن ثم نضيف البهارات عليهم ،،
ونخليهم شوي يتسبكوا على النار ، ثم نضيف المكرونيا المسلوقة مسبقاً ..
ونقلب فيهم سوا <<< حلفي :tongue:
وخلصنا الحمد لله ،، وهذا اللوك الأخير لطبقنا الملون ،،
هنا وعافية على قلوبكم جميعاً ،، :)(f)
