بناااااااات البحرين::::::::::ضروري::

ارشح لج فهيمه المطوع

اهلين اختي ..الله يتمم حملش على خير ... اممم عن نفسي رحت بالاسبوع ال17 يعني لمن دشيت الخامس ورحت لدكتورة فهيمة المطوع وعيادتها في الزنج تدخلين على لفة لاميزون وواطوفينه وتروحين سيدة بتشوفين بيوت وعيادات بتشوفين عيادتها على يمينش ..واسعاره الالتراساوند العادي ب35 والثري دي ملون +سيدي ب50 اظن ..وعيادة فوزية كمال على نفس الخط في الزنج واسعارها العادي كانه ب20 والثري دي مادري ..وعندش دكتورة منى الشرقي بعد شاطرة واصلا اني اتابع عندها حملي وقالت ليي مثل ماقالت فهيمة :) اتمنى اكون افدتش

والله انا ما اعرف ولا وحده منهم لأنه مو ناويه اسوي

انتي اساسا تتابعين عند من؟؟

لان الدكتوره اللي تتابعين عندها تقدر تقولك ولد او بنت انصحك بنص الرابع عالاقل

لان بدايه الرابع لو هي بنت مثلا بيقولون لك مو واضح احتمال جذي و احتمال جذي

بنص الرابع خلاص يوضح ان كان ولد او بنت

فهيمة المطوع ارشحها لج

انه ماجربتهم بس سمعت عنهم انهم تمام
بس انه عن تجربة دكتورة عفاف الحمر شاطرة بهالاشياء

حبيبتي انه ارشح لج الدكتوره منى الشرقي الالتراساوند عندها العادي 15 دينار وارشح لج بعد مستشفى الامل اللي في بوري ترى وااااااااااااااااايد شاطرين امس وديت زوجة حماي لمستشفى الامل وهل توها بالشهر الرابع وقالولها ولد اما اذا بنت فعلى الوضعيه اللي فيها اما بالنسبه للثري دي فمايسوون لج الا على مااعتقد اذا كنتي بالاسبوع 17 او عشرين

ما انصحج بفوزية كمال
لاني جربتها و ما ارتحت لها نهائياً !!!

انصحج ما تخسري واجد لانج بداية الرابع
يعني روحي مستشفى الامل يسون لج اترساون عادي ب 10 دينار بسسس

ربي يثبت لج و يسهل عليج ان شاء الله

يعطيكم العافية على المرور

بس مستشفى الامل يعرفون في نص الرابع

ويسوون ثري دي؟

ومنى الشرقي شاطرة في هالامور يعن لو اروح عندها بنص الرابع بتعرف لان على حسب الدكتورة تعرف الجنس في الجهاز العادي

انا كنت محتارة بينهم مثلج والبنات ماقصروا وياي رشحوا لي د. فهمية المطوع وخذت موعد وياها بعد اسبوع ان شاء الله عشان اتأكد لأن دكتورتي منى الشرقي مره قالت لي احتمال ولد ومره احتمال بنت وهالمره ياريت يبين عدل ...

يسلموووو

وما يبين قبل الاسبوع 16؟
في الجهاز العادي

يبين بس نسبة الخطأ تكون كبيرة
لانه الاعضاء ما اكتملت كامل + ممكن يكون فيها انتفاخ
يعني ممكن يقولون لج ولد بس تكون بنوتة و السبب اعضائه في طور النمو فتكون متنفخة مثل الولد

فهيمه

بنات أحد منكم جرب مستشفى الشفاء للالتراساوند؟؟

شطار؟؟

فهيمة المطوع
بس مو في الزنج
انا رحت لها من قبل في سترة عيادة اعتقد البدر او شي بس اهي في سترة

والله يوفق اليش

لا تستعجلين خيو..
روحي في الخامس أحسن لج..

أما أنا ما جربت ولا وحدة منهم عشان أنصحج

اني مثلش اول حمل وكنت مشتاقة ومو قادرة اصبر بس دشيت الرابع على طول رحت لفوزية كمال وقالت لي بنت

لكن ببداية السادس قالت لي دكتورة كيرن ان فيني ولد

وأنا اشتريت كل شيء وردي

فاصبري اشويه او روحي لدكتورة ثقه

وترى فهيمة المطوع ماعادت بسترة انتقلت لزنج

مثل ما قالوا الأغلب ..
أنا راح أرشح لج د. فهيمة << رغم اني وبكل صراحة ما أعرف الثانية
وموقعها مثل ما وصفوا لج في الزنج .. قريب عيادة المتروك (سابقاً كانت في عيادات البدر في سترة)


أنا تابعت عندها خلال فترة حملي ورحت لها 3 مرات وأنا بالرابع + السادس + بداية التاسع
وعندها 3 خيارات تختلف مبالغهم تختارين منهم اللي تبين (35 .. 45 .. 50)
وهي فعلاً حبوبة ومتمرسة جداً وتريحج المعاملة معاها .. صح بتدفعين مبلغ عندها يمكن أكثر من غيرها بس برايي يستحق الموضوع تدفعين عشانه ..

أنا أول مرة رحت لها كنت في الاسبوع 16 .. وكنت رايحة اتطمن على وضع البيبي وانه كان طبيعي ومافيه أي تشوهات أو إعاقات ...... أكثر من اني أعرف جنسه (مع ان كان ودي اعرف الجنس بعد) .. والأكثر قالوا لي بتقولج بس مو أكيد أو بيكون مو واضح
لكن لما رحت لها قالت لي أصلاً من الاسبوع ال 13 يبين جنس المولود .. وقالت لي جنس المولود وهي واثقة (طبعاً ممكن أحيان على وضعية البيبي ما يبين ذاك الوضوح وتقولج أغلب الظن جنسه "......" بس هذا مو شي الواحد يقدر يجزم فيه يعني .. بيكون الشي على وضع البيبي)


عموماً ..
الله يتمم علينا وعليج بخير ان شاء الله
ويسهل على الجميع يا رب