افضل طبيب عيون بالقاهره بليز يا بنات مصر ساعدونى ضرورى اوى

ربنا يشفيه ويعافيه يارب

انا اعرف ان دكاترة العيون بتوع مركز العيون اللى ليه فرعين واحد فى المهندسين والتانى فى مصر الجديدة كويسين
لكن ماعرفش حد معين للأسف

paradise rose;10475534:
السلام عليكم
بنات انا عايزه دكتور عيون شااااااااطر اوى اوى ويكون بيعمل عمليه الليزر
لان والدى عنده ميه بيضا على عنيه وعايزين نعمله العمليه ويعمل كشف كامل لو سمحتوا يا بنات ضرورى اوى اوى
وادعوله بالشفاء العاجل يارب

انا ها بعتك دكتور حلو جدااااااااااااا


حماتى بتروحلة تعمل ليزر ومتابعة معاها

اشرى;10475629:

بصى يا روز اولا المية البيضا بتاخد فترة لحد ما تتعمل العملية بتروحى للدكتور بيقولك فى مية بيضا بس بيقولك كمان لازم تستوى فهمانى بتستنوا فترة يعنى

فى مستشفى فى ش احمد عرابى اسمها النور للعيون وفى دكتور كبيييييييييير اوى فى ش جامعة الدول العربية فى المهندسين اسمة فتحى الصياد والف الف الف سلامة علية

المشكله يااشرى انا مش فاهمه يعنى ايه تستوى المشكله انه بقاله فتره كدا ومقلش لحد
واكتشفنا انه عينه مبقاش يشوف بيها فيه حته بيضا على عينه كدا وبيقول انه شايف الضوء لكن اشخاص لا ودا ف عين واحده الحمد لله على كل حال
بجد يا جماعه عايزين نعمله العمليه باقصى سرعه انا خايفهخ الموضوع يبقى صعب عن كداااا

الف سلامه علي باباكى ربنا يشفيه ان شاء الله

في مستشفي العيون الدولى في الدقي دى مستشفي كويسه جداااا وفيها كل تخصصات العيون وامكانياتها هايلة وفي هناك د/ احمد برادة مشهور اوى وبيعمل عمليات

وطمنينا يا جميل وربنا معاكوا

الف سلامه عليه شفاه الله وعافاه
ياريت كنت اقدر افيدك
ربنا يشفيه ويطمنكوا عليه

مستشفي دار العيون في الدقي بابا عمل فيها العمليه دي وخف الحمدلله

miko85;10475947:
مستشفي دار العيون في الدقي بابا عمل فيها العمليه دي وخف الحمدلله

طب معلش ادينى تفصايل اكتر اسم الدكتور اللى عمل معاه العمليه ايه ولو معاكى رقم المستشفى

بصي انا بابايا بردو كان عنده مية بيضا، وفضل يقاوح كذا سنة وخايف يعمل اي عمليات في العين، المهم بردو نظره ضعف اوي بس مفيش الحتة البيضة دي، وبعدين الدكتور قاله لازمتتعمل لو استنين اكتر من كده ممكن العدسة تتحجر باين ولا مش فاكرة بالظبط بس يعني كانت هاتبقي اصعب بكتير اوي وممكن ماينفعش ساعتها العملية، وهي اصلا بردو كانت صعبة في وقتها عشان هو استني عليها، المهم عملها عند واحد شاطر وكبير عيادته في تريومف وهو بيروح مصر الطيران كمان ومش عارفة ايه تاني، بس احنا عملناها في مصر الطيران معاه عشان بابا اصلا تبع المستشفي دي، المهم هو اسمه مجدي عطيفة، عملهاله في العينين الاتنين بس طبعا كل واحدة في مرة لوحدها مش في نفس اليوم وكمان مبقاش محتاج للنضارة غير في القراية بس.
بس لازم تلحقوا تعملوها يا جميلة عشان متزدش عن كده وعشان الرؤية تبقي كويسة بعدها مش قليلة بردو.

اكيد الدكتور اللي بابا ميكو راجله ده كمان كويس عشان باباها دكتور فاكيد عارف الاماكن الكويسة والمضمونة بردو.

paradise rose;10475958:
طب معلش ادينى تفصايل اكتر اسم الدكتور اللى عمل معاه العمليه ايه ولو معاكى رقم المستشفى

طيب ممكن تديني يوم كده اسال بابا علشان انا في السعوديه وبعدين بابا عمل العمليه دي من فتره حوالي اربع سنين او تلاته مش عارفه الدكتور لسه موجود بس العموم هاسهوللك

CuTie KaTkOoTa;10475968:
بصي انا بابايا بردو كان عنده مية بيضا، وفضل يقاوح كذا سنة وخايف يعمل اي عمليات في العين، المهم بردو نظره ضعف اوي بس مفيش الحتة البيضة دي، وبعدين الدكتور قاله لازمتتعمل لو استنين اكتر من كده ممكن العدسة تتحجر باين ولا مش فاكرة بالظبط بس يعني كانت هاتبقي اصعب بكتير اوي وممكن ماينفعش ساعتها العملية، وهي اصلا بردو كانت صعبة في وقتها عشان هو استني عليها، المهم عملها عند واحد شاطر وكبير عيادته في تريومف وهو بيروح مصر الطيران كمان ومش عارفة ايه تاني، بس احنا عملناها في مصر الطيران معاه عشان بابا اصلا تبع المستشفي دي، المهم هو اسمه مجدي عطيفة، عملهاله في العينين الاتنين بس طبعا كل واحدة في مرة لوحدها مش في نفس اليوم وكمان مبقاش محتاج للنضارة غير في القراية بس.
بس لازم تلحقوا تعملوها يا جميلة عشان متزدش عن كده وعشان الرؤية تبقي كويسة بعدها مش قليلة بردو.

مرسى اوى يا حبيبتى طب لو معاكى نمره تلفون العياده او المستشفى عشان نسأل وشكراا ليكى

miko85;10475983:
طيب ممكن تديني يوم كده اسال بابا علشان انا في السعوديه وبعدين بابا عمل العمليه دي من فتره حوالي اربع سنين او تلاته مش عارفه الدكتور لسه موجود بس العموم هاسهوللك

مرسىىى اوى اوى يا ميكو جزاكى الله خير يا حبيبتى انا هستنى ردك ان شاء الله

متشكره ليكوا اوى يا بنات واللى يعرف اى حاجه يقولى انا نفسى اطمن على بابا اوى

ربنا يدخلكوا الجنه بدون سابقه حساب ولا عذاب يارب

حاضر يا جميلة هجيبهالك وابعتهالك.

كويس لقيت الكارت معايا بدل ما اسأل بابا ويقعد يدور لسه، بصي هو استشاري جراحة العيون والليزك ورئيس قسم العيون في مستشفي مصر الطيران، هبعتلك النمرة والعنوان علي الخاص حالا.

مستشفى العيون الدولي اللى فى الدقى فيها دكاترة ممتازة و حمايا عملها فيها و الحمدلله بقى كويس

انا لقيت معايا كارت لدكتور عيون تاني كمان بس بصراحة ده بقي انا عمالة اعصر مخي انا جبت كارته منين ومين اتعامل معاه مش فاكرة، بصي مكتوب علي الكارت:
دكتور رامز شكري كامل، استشاري طب وجراحة العيون وزميل كلية الجراحين الملكية - انجلترا
وعضو الجمعية الاوروبية لجراحات الجفون ومجري الدمع.
والعيادة في ميدان ابن الحجك وبيروح مستشفي الحياة في الكوربة ومستشفي العين في الكوربة بردو.

لو عايزة تفاصيل الدكتور التاني اللي انا مش فكراه ده قوليلي ابعتهالك عشان تعرفوا تفكروا وتقرروا كويس.

CuTie KaTkOoTa;10476089:
لو عايزة تفاصيل الدكتور التاني اللي انا مش فكراه ده قوليلي ابعتهالك عشان تعرفوا تفكروا وتقرروا كويس.

ابعتيها يا جميله احنا بنشوف كله وهانستخير ان شاء الله وربنا يكرم ان شاء الله