يابنات مصر ممكن تساعدونى كل اللى اتجوزت او عندها خبره فى التجهيز

فيه يا قلبي موضوع لتجهيزات عرايس مصر هناك هيفيدوكي في الأعداد والأسعار والأماكن إن شاء الله

السلام عليكم
بالاول الف مبروك ياغاليه الله ييسرلك امورك مع خطيبك يارب ويجمعكم لبعض عاجلا ليس اجلا ويبعد عنكم اى مشاكل اللهم امييييييييييين..ومتل ما قلتلك اختى "امة الله" الله يحفظها ادخلى عالموضوع دا وراح تلاقى كل الى انتى كنتى بتستفسري عنه واكتر والله يوفقك ويتمملك على خير انتى وبنات المسلمين جميعا
ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

اولا الف مبروك وربنا يتمملك بخير
بس اهم حاجه متقلقيش نفسك كله بيعدى وكل حاجه بتيجى متتوتريش انا واحده واحده هاقولك تعملى ايه من خبرتى الصغننه ف الحياه الزوجيه
اولا شوفى انتى معاد جوازك هيبقى امتى انا معرفش بس هنفترض انه ف خلال سنه يعنى الصيف الجاى اوكى

انا بفضل جدااا ان نبدأ بالمفروشات نخلصها الاول وهى مش هتحتاج اكتر من نزولتين تلاته تبقى خلصتى وجبتيهم كلهم ماعدا مفرش السرير ومفرش السفره ومفارش الانتريه والصالون ومفارش البلاستيك بتاعت الدواليب والمطبخ لان دول بتجبيهم بعد ماتجيبى العفش عشان لونهم يبقى لايق ع العفش وينورلك البيت وعشان المقاسات كمان

هتجيبى فى المفروشات

من 8 الى 12 ملايه متنوعه ف الالوان بمعنى متجبيش اتنين لبنى او اتنين روز مش هتحسى بتغيير كدا
هتنوعى بين ساده ومشجر وعندك ملايات سونيتا تحفه
2 كوفرته فى عندك كذا نوع من الكوفرتات فى العاديه التقيله شويه دى بتبقى من غير خدديات
وفى طقم كوفرته بيبقى بخدديات
ممكن تجيبى واحده وواحده او حسب اللى يعجبك
وفى كمان كوفرته الفيبر او اللى بيسموها اللحاف الصيفى ودى حلوه اوى اوى هاتى واحده منها
المهم ماتزوديش الكوفرتات عن 2 او 3 بكتييييييير

2 بطانيه هتجيبى واحده تقيله وواحده خفيفه وافضل نوع ف البطاطين هوا الاسبانى واسمها مورا ولانها غاليه ممكن تجيبى منها الخفيفه وتجيبى التقيله كورى طبعا حسب امكنياتك

ولو ليكى حد ف دوله عربيه السعوديه مثلا هيجبهملك وسعرهم واشكالهم بتبقى حلوه اوى
فى مصر هتلقيهم اغلى من بره

2 لحاف فايبر قطن ماتجريش ورا اختراعات وش بطانيه ووش لحاف والكلام دا لانك اصلا جايبه بطاطين اللحاف معروف بيبقى قطن

ندخل بقى ع الفوط
شوفى انتى بتستخدمى اى حجم من الفوط وركزى عليه هاتى منه ممكن 6 او 8 او 12
لو هتجيبى احجام كتير هاتى من كل حجم 6 او 8
وهتجيبى البرنس ليكى وبرنس لخطيبك
والبشاكير
والاشكال حسب اللى يعجبك بقى وقسمى الفوط بينك وبين جوزك بمعنى الالوان مثلا ف اللبشاكير هاتى واحد روز ليكى وواحد لبنى ليه كدا
وتنويع الالوان مهم اوى برضه
ف ماركه ف المفروشات حلوه اوى وقيمه جدااا اسمها السروجى هتلاقيها عند بتوع المفروشات خدى الحاجه وانتى مغمضه قطن 100% وحلوه اوى
ومتجبيش فوط قطيفه نهائى لانها مش عمليه ومش بتنشف كويس
واعملى حسابك ف فوطين للضيوف بيبقوا مشغولين بالسيرما او خرج النجف بيبقى شكلهم شيك
فى حجم ف الفوط اصغغغر حجم ودا مهم اوى اوى هتستخدميه هاتى منها 20 فوطه ودول بيتحطوا ف ادراج الكومود اللى جنبك

بكدا نكون خلصنا المفورشات كلها ناقص الحاجات اللى قلتلك عليها فوق اللى هتجبيها بعد العفش علطول
مفرش السرير او الدرابيه ودا متجبهوش غاااالى اوى لانه مش بيتشاف ودى نصيحتى متزوديش فى تمنه عن 500 جنيه بس هاتيه حلو فى الغالب بيبقى سورى وشغله بخرج النجف ولونه لازم ينور الاوضه يعنى تجبيه فاتح لو اوضتك غامقه يعنى ممكن تجبيه ابيض او اوف وايت او بيج فاتح مطعم بدهبى حسب زوقك طبعا ولون اوضتك والستاير والدهان
مفرش السفره بتجيبى واحد هاتيه قيم وشيك ممكن سورى وممكن هندى بس لو ليكى ف الحاجات البسيطه هاتيه سورى لان الهندى شغله كتير اوى اوى ونصيحه اتقالتلى متجبيش فيه خرج نجف او خرز كتير خاصه من النص عشان لما بتيجى تحطى طبق الفاكهه او الفازه ع التربيزه مش بتثبت وبيبقى مهزوز
ممكن تجيبى مفرش كمان بس يبقى اقل شويه كنوع من التغيير
مفارش الصالون والانتريه طبعا حسب زوقك ولو فى طقاطيق اللى هى التربيزات الصغيره بتجبلها برضه مفارش على ادها
مفارش النيش نسيت اقولك فى مفرش للسفره بيبقى معاه مفارش النيش بتاعته او ممكن تشتريها لوحدها انا عن نفسى محطتش مفارش اصلا ف النيش وحطيت بداله تل جليتر قصقصته على اد الرفوف ورصيت حاجتى عادى

بالنسبه للبس البيت والانجيرى
اولا الانجيرى هتجيبى ف حدود 30 واحد ونوعى ف الالوان وشوفى انتى بيليق عليك اكتر الطويل ولا القصير بس عامه القصير بيبقى احلى
وطبعا بيبقى معاه الاندر بتاعه ولو مش معاه بنوفقيله اندر يليق عليه
هتجيبى2روب ستان واحد طويل وواحد قصير الطويل لو حد من اهلك جه فجاه
تلبسيه وتطلعى عادى والقصير ممكن يبقى تغيير وتلبسى تحته طقم اللى هوا بيبقى اندر وبرا بيبقى حلو
اطقم الاندر والبرا ممكن 3 او 4 ماتكتريش

القطنيات ولبس الدلع

بالنسبه للصيف بيبقى معظم اللبس قطنيات ولبس الدلع دا
الاعداد كل واحده بتختلف عن التانيه لان زوقك بيختلف ف اللبس اللى انتى بترتاحى فيه بس مثلا نقول اقل حاجه 4 او 6
طقم برمودا نوعى ف الوانهم واشكالهم
طقم شورت
طقم جيبه
هتجيبى جلبيات صغننه بتبقى بناتى كدا وقصيره حمال او كت او نص حسب اللى يعجبك نوعى فيهم
هتجيبى 2 جلابيه بكم او نص لو حد جالك من اهله مامته او اخته
فى بنات مش بتحب الجلاليت ممكن تجيب الطقم سبورت بيبق بنطلون وبدى وجاكت عليه
كل الحاجات دى هتلاقيها ف حبيبه ومحلات لبس البيت اشكال والوان نوعى فيهم زى مانتى عايزه
ونصيحه كل طقم منهم هاتيله الاندر وير بتاعه ولما تحطيهم ف الدولاب ابقى كل طقم معاه الاندر بتاعه بحيث لما تيجى تلبسى متبقيش ملبوخه البس ايه ولا اعمل ايه
وطبعا ف الوان اساسيه بتليق على كذا طقم

لبس الدلع المقصود بيه هوا لبس البنات دلوقتى ف الشارع جيبات وباديهات برمودات جينز وهوت شورت
كترى من الباديهات نوعى فيهم زى مانتى عايزه
وهاتى جيبه جينز قصيره ممكن تجيبى واحده ضيقه وواحده واسعه بكرانيش كدا
هوت شورت تجيبى جينز او تجيبى قماش اللى يعجبك
برمودات كتان او جينز او قماش
فساتين قصيره بتبقى قطن او فى ستان شويه كدا بيبقى شكلهم كيوت اوى
ودول بقى هتلاقيهم كتير اوى وهتلاقيهم بسعر رخيص ف محلات بواقى التصدير زى نيويورك وستوك هاوس وفوستوك

اعملى حسابك ف كام قميص كدا عادى لشغل البيت عشان ماتبهدليش هدومك ف التنضيف والطبخ وقبل مايجى جوزك بشويه تبقى تغيرى وتلبسى لبس الدلع دا وقت الغدا

المقاسات ماتجبيش الحاجه ملزوقه عليكى
هتقولى انا مش هاتخن اوكى ممكن ماتخخنيش بعد الجواز بس شكل جسمك بيتغير فهاتى الحاجه مبحبحه عليكى لا هى ضيقه اوى ولا واسعه اوى

الشتوى بقى لبسه معروف للبيت يا اما ترنجات او بيجامات وممكن تغيرى حبه تجيبى بلوفرات على بناطيل
لو ليكى ف الجلابيات بتجيبى عادى
الاعداد من 6 وانتى طالعه حسب امكنياتك
كدا خلصنا اللبس البيت صيفى وشتوى

لبس الخروج حسب استايل لبسك هتجيبى فى حدود 8 اطقم ولو انتى بتشتغلى هتزودى
وطبعا مع الشنط والجزم
فى حاجات اساسيه ف اللبس يعنى مثلا هتجيبى جيبه بيضا وسودا وبيج وكحلى وممكن الجيبه الواحدهخ تعملى منها طقمين مع تغيير البلوز او البدى والاكسسوريسز والطرحه بتديكى شكل مختلف
واعملى حسابك ف حاجه سواريه لان بعد الجواز ممكن يقبلك مناسبه تبع جوزك او تبعك فاعملى حسابك تجيبى فستان او طقم سواريه للمناسبات كتب كتاب او فرح او خطوبه
لبس الشتا اعملى حسابك ف مونتو اللى هوا البالطوا الطويل دا او قصير حسب استايلك
وزى ماقولتلك انتى اكيد ليكى نظره ف لبسك وستايلك تغيرى زى مانتى عايزه
ببتجيبى بقى بديهات وشورتات اللى بتتلبس تحت هدوم الخروج
البديهات الفيجا او الكارينا
براهات الخروج هاتى ف حدود 4
شرابات للكوتشيات وشربات فوال
كدا خلصنا اللبس خالص

نخش بقى ع المطبخ بصى هوا طويل اوى فانا هاقولك اساس الاساس وانتى كملى او البنات ينزلولك قايمه بالحاجت اللى بتتجاب بالتفصيل لانى مش هافتكر كل حاجه
افضل نوعين حلل للطبخ هما التيفال والاستانلس
هتجيبى 4 حلل تيفال مقاسات مختلفه
وعكس المقاسات هتجيبى 4 حلل استانلس
بمعنى مقاسات الحلل 14 16 18 20 22 26 28 32
هتجيبى مثلا التيفال 14 و 18 و22
فهتجيبى ف الاستانلس ال 16 و20 و26
وانتى روحى اتفرجى على حجم الحله شوفى ايه اللى هينسبك اكتر وعامه انتى اول مقاسين بس هما اللى بتستخدميهك كتير المقاسين التانين لو عندك عزومه وهتعملى كميه اكل كبيره بتستخدميهم

الصاج فى ناس بتجيبه هوا مش بيستخدم ف حاجه غيؤر انك تسلقى لحمه او فراخ او تحطى الاكل فيه ف التلاجه
فلو عيزاه هاتيه مش عيزاه مش لازم

الطاسات تيفال 3 مقاسات او 4
الصوانى تيفال مدوره 2 او 3 ومستصيله 2 او 3 مقاسات
متجبيش صوانى استانلس عشان بتحروق الاكل
بتجيبى طقم صوانى بايركس بضاوى اوى مدور وطقم مستطيل مهم اوى وبتقدميه ع السفره من غير ماتنقلى الحاجه ف سرفيس

ممكن تجيبى صنيتين مدورين الومنيوم بيبقوا حلوين للكيك
بتجيبى قوالب التيفال بتاعت الكيك
بتجيبى طقم التورزيع للتيفال بيبقى تيفال برضه ا خشب
وبتجيبى طقم تورزيع للاستانلس
بتجيبى كنك تيفال او استانلس
بتجيبى لبانه الومنيوم
تجيبى براد استانلس او ممكن تجيبى الكاتيل او اللى هى غلايه ميه اسهل بالكهربا
الكوبيات المايه والكاسات للمطبخ هاتى ف حدود طقمين ميه و2 كاسات للمطبخ
هتجيبى طقم خشاف وطقم شربات وكوبايت الايس كريم وطواجن للمطبخ
هتجيبى طقم اركو بايركس او اركوبال
وطقم عشا بيبقى مدر او مربع فى حدود 20 قطعه
وطقم الصينى
هتجيبى طقم معالق للمطبخ بيبقى 6 معالق و6 شوك و6 سكاكين كبيره و6 اصغر و6 معالق صغيره
للبوفيه بتجيبى طقم معالق كبير 12 من كل حاجه وافضل نوع الالمانى اسمه ارشيا

النيش بتجيبى جسب حجم النيش عندك وتنوعى بين طويل وقصير وفضلى ومدهب فبتجيبى ف حدود 4 او 5 اطقم كاسات
و2 طقم ميه واحد مدهب وواحد فضى او كريستال
بتجيى للنيش كمان طقم خشاف وطقم شربات
طبعا ماتنسيش بقى الاطباق البلاستيك بتاعت غسيل الخضار وعلب التلاجه هاتى طقمين
فى حاجات ممكن تجبيها لو تحبى حله سلق االمكرونه او طاسه الشوى المضلعه
كل الحاجات دى لما بتروحى محل ادوات منزليه وبتشوفيها حسب امكنياتك بتجيبى اللى يعجبك

اة صوانى التقديم بتجيبى 3 احجام للضيوف وبتجيبى 3 للمطبخ عندك وفى صينيه لذيذه طالعه ليها رجلين كدا لو تجبيها وتحطى لجوزك الفطار ع السرير

انا رغيت كتير اوى واعتقد انى قلتللك اساس الاساس وانتى بقى انزلى لفى اكتر من مره قبل ماتشترى عشان تحددى هتجيبى ايه
وصدقينى انتى لما بتبقى عند المحل وتلاقى الحاجه قدامك بتعرفى انتى عايزه ايه
المهم ماتجبيش حاجات مكرره شوفى انتى عندك ايه اكتبيه ف ورقه واكتبى كله ف ورقه واللى تجبيه اشطبى عليه
وخير الامور الوسط ماتعليش اوى وماتسترخصيش اوى
واى استفسار عن اماكن الحاجه بتتباع فين خشى قسم تجهيزات بنات مصر واسالى اللى انتى عيزاه واللى هيعرف حاجه هيجاوبك عليها علطول

وربنا يتمملك بخير وييسرلك امورك يارب ولو فى اى استفسار تانى عن اى حاجه تحت امرك اسالى وانا اجاوب

لو استفدتى بجد منى ادعيلى ربنا يرزقنى االذريه الصالحه عاجلا ويفرح قلبى

أمةالله;10472262:
فيه يا قلبي موضوع لتجهيزات عرايس مصر هناك هيفيدوكي في الأعداد والأسعار والأماكن إن شاء الله

غاليتى - امة الله تسلمى ياااقمر هاشوفوا باذن الله وجزاكى الله خيراااا

نرمينا..;10473602:
السلام عليكم
بالاول الف مبروك ياغاليه الله ييسرلك امورك مع خطيبك يارب ويجمعكم لبعض عاجلا ليس اجلا ويبعد عنكم اى مشاكل اللهم امييييييييييين..ومتل ما قلتلك اختى "امة الله" الله يحفظها ادخلى عالموضوع دا وراح تلاقى كل الى انتى كنتى بتستفسري عنه واكتر والله يوفقك ويتمملك على خير انتى وبنات المسلمين جميعا
ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

غاليتى - نرمينا

تسلميلى ياااقمر وجزاكى الله خيرا على الدعااء

ربنا يحفظك انتى وامه الله

دمتى فى حفظ الرحمن ورعاايته

paradise rose;10473866:
اولا الف مبروك وربنا يتمملك بخير
بس اهم حاجه متقلقيش نفسك كله بيعدى وكل حاجه بتيجى متتوتريش انا واحده واحده هاقولك تعملى ايه من خبرتى الصغننه ف الحياه الزوجيه
اولا شوفى انتى معاد جوازك هيبقى امتى انا معرفش بس هنفترض انه ف خلال سنه يعنى الصيف الجاى اوكى

انا بفضل جدااا ان نبدأ بالمفروشات نخلصها الاول وهى مش هتحتاج اكتر من نزولتين تلاته تبقى خلصتى وجبتيهم كلهم ماعدا مفرش السرير ومفرش السفره ومفارش الانتريه والصالون ومفارش البلاستيك بتاعت الدواليب والمطبخ لان دول بتجبيهم بعد ماتجيبى العفش عشان لونهم يبقى لايق ع العفش وينورلك البيت وعشان المقاسات كمان

هتجيبى فى المفروشات

من 8 الى 12 ملايه متنوعه ف الالوان بمعنى متجبيش اتنين لبنى او اتنين روز مش هتحسى بتغيير كدا
هتنوعى بين ساده ومشجر وعندك ملايات سونيتا تحفه
2 كوفرته فى عندك كذا نوع من الكوفرتات فى العاديه التقيله شويه دى بتبقى من غير خدديات
وفى طقم كوفرته بيبقى بخدديات
ممكن تجيبى واحده وواحده او حسب اللى يعجبك
وفى كمان كوفرته الفيبر او اللى بيسموها اللحاف الصيفى ودى حلوه اوى اوى هاتى واحده منها
المهم ماتزوديش الكوفرتات عن 2 او 3 بكتييييييير

2 بطانيه هتجيبى واحده تقيله وواحده خفيفه وافضل نوع ف البطاطين هوا الاسبانى واسمها مورا ولانها غاليه ممكن تجيبى منها الخفيفه وتجيبى التقيله كورى طبعا حسب امكنياتك

ولو ليكى حد ف دوله عربيه السعوديه مثلا هيجبهملك وسعرهم واشكالهم بتبقى حلوه اوى
فى مصر هتلقيهم اغلى من بره

2 لحاف فايبر قطن ماتجريش ورا اختراعات وش بطانيه ووش لحاف والكلام دا لانك اصلا جايبه بطاطين اللحاف معروف بيبقى قطن

ندخل بقى ع الفوط
شوفى انتى بتستخدمى اى حجم من الفوط وركزى عليه هاتى منه ممكن 6 او 8 او 12
لو هتجيبى احجام كتير هاتى من كل حجم 6 او 8
وهتجيبى البرنس ليكى وبرنس لخطيبك
والبشاكير
والاشكال حسب اللى يعجبك بقى وقسمى الفوط بينك وبين جوزك بمعنى الالوان مثلا ف اللبشاكير هاتى واحد روز ليكى وواحد لبنى ليه كدا
وتنويع الالوان مهم اوى برضه
ف ماركه ف المفروشات حلوه اوى وقيمه جدااا اسمها السروجى هتلاقيها عند بتوع المفروشات خدى الحاجه وانتى مغمضه قطن 100% وحلوه اوى
ومتجبيش فوط قطيفه نهائى لانها مش عمليه ومش بتنشف كويس
واعملى حسابك ف فوطين للضيوف بيبقوا مشغولين بالسيرما او خرج النجف بيبقى شكلهم شيك
فى حجم ف الفوط اصغغغر حجم ودا مهم اوى اوى هتستخدميه هاتى منها 20 فوطه ودول بيتحطوا ف ادراج الكومود اللى جنبك

بكدا نكون خلصنا المفورشات كلها ناقص الحاجات اللى قلتلك عليها فوق اللى هتجبيها بعد العفش علطول
مفرش السرير او الدرابيه ودا متجبهوش غاااالى اوى لانه مش بيتشاف ودى نصيحتى متزوديش فى تمنه عن 500 جنيه بس هاتيه حلو فى الغالب بيبقى سورى وشغله بخرج النجف ولونه لازم ينور الاوضه يعنى تجبيه فاتح لو اوضتك غامقه يعنى ممكن تجبيه ابيض او اوف وايت او بيج فاتح مطعم بدهبى حسب زوقك طبعا ولون اوضتك والستاير والدهان
مفرش السفره بتجيبى واحد هاتيه قيم وشيك ممكن سورى وممكن هندى بس لو ليكى ف الحاجات البسيطه هاتيه سورى لان الهندى شغله كتير اوى اوى ونصيحه اتقالتلى متجبيش فيه خرج نجف او خرز كتير خاصه من النص عشان لما بتيجى تحطى طبق الفاكهه او الفازه ع التربيزه مش بتثبت وبيبقى مهزوز
ممكن تجيبى مفرش كمان بس يبقى اقل شويه كنوع من التغيير
مفارش الصالون والانتريه طبعا حسب زوقك ولو فى طقاطيق اللى هى التربيزات الصغيره بتجبلها برضه مفارش على ادها
مفارش النيش نسيت اقولك فى مفرش للسفره بيبقى معاه مفارش النيش بتاعته او ممكن تشتريها لوحدها انا عن نفسى محطتش مفارش اصلا ف النيش وحطيت بداله تل جليتر قصقصته على اد الرفوف ورصيت حاجتى عادى

بالنسبه للبس البيت والانجيرى
اولا الانجيرى هتجيبى ف حدود 30 واحد ونوعى ف الالوان وشوفى انتى بيليق عليك اكتر الطويل ولا القصير بس عامه القصير بيبقى احلى
وطبعا بيبقى معاه الاندر بتاعه ولو مش معاه بنوفقيله اندر يليق عليه
هتجيبى2روب ستان واحد طويل وواحد قصير الطويل لو حد من اهلك جه فجاه
تلبسيه وتطلعى عادى والقصير ممكن يبقى تغيير وتلبسى تحته طقم اللى هوا بيبقى اندر وبرا بيبقى حلو
اطقم الاندر والبرا ممكن 3 او 4 ماتكتريش

القطنيات ولبس الدلع

بالنسبه للصيف بيبقى معظم اللبس قطنيات ولبس الدلع دا
الاعداد كل واحده بتختلف عن التانيه لان زوقك بيختلف ف اللبس اللى انتى بترتاحى فيه بس مثلا نقول اقل حاجه 4 او 6
طقم برمودا نوعى ف الوانهم واشكالهم
طقم شورت
طقم جيبه
هتجيبى جلبيات صغننه بتبقى بناتى كدا وقصيره حمال او كت او نص حسب اللى يعجبك نوعى فيهم
هتجيبى 2 جلابيه بكم او نص لو حد جالك من اهله مامته او اخته
فى بنات مش بتحب الجلاليت ممكن تجيب الطقم سبورت بيبق بنطلون وبدى وجاكت عليه
كل الحاجات دى هتلاقيها ف حبيبه ومحلات لبس البيت اشكال والوان نوعى فيهم زى مانتى عايزه
ونصيحه كل طقم منهم هاتيله الاندر وير بتاعه ولما تحطيهم ف الدولاب ابقى كل طقم معاه الاندر بتاعه بحيث لما تيجى تلبسى متبقيش ملبوخه البس ايه ولا اعمل ايه
وطبعا ف الوان اساسيه بتليق على كذا طقم

لبس الدلع المقصود بيه هوا لبس البنات دلوقتى ف الشارع جيبات وباديهات برمودات جينز وهوت شورت
كترى من الباديهات نوعى فيهم زى مانتى عايزه
وهاتى جيبه جينز قصيره ممكن تجيبى واحده ضيقه وواحده واسعه بكرانيش كدا
هوت شورت تجيبى جينز او تجيبى قماش اللى يعجبك
برمودات كتان او جينز او قماش
فساتين قصيره بتبقى قطن او فى ستان شويه كدا بيبقى شكلهم كيوت اوى
ودول بقى هتلاقيهم كتير اوى وهتلاقيهم بسعر رخيص ف محلات بواقى التصدير زى نيويورك وستوك هاوس وفوستوك

اعملى حسابك ف كام قميص كدا عادى لشغل البيت عشان ماتبهدليش هدومك ف التنضيف والطبخ وقبل مايجى جوزك بشويه تبقى تغيرى وتلبسى لبس الدلع دا وقت الغدا

المقاسات ماتجبيش الحاجه ملزوقه عليكى
هتقولى انا مش هاتخن اوكى ممكن ماتخخنيش بعد الجواز بس شكل جسمك بيتغير فهاتى الحاجه مبحبحه عليكى لا هى ضيقه اوى ولا واسعه اوى

الشتوى بقى لبسه معروف للبيت يا اما ترنجات او بيجامات وممكن تغيرى حبه تجيبى بلوفرات على بناطيل
لو ليكى ف الجلابيات بتجيبى عادى
الاعداد من 6 وانتى طالعه حسب امكنياتك
كدا خلصنا اللبس البيت صيفى وشتوى

لبس الخروج حسب استايل لبسك هتجيبى فى حدود 8 اطقم ولو انتى بتشتغلى هتزودى
وطبعا مع الشنط والجزم
فى حاجات اساسيه ف اللبس يعنى مثلا هتجيبى جيبه بيضا وسودا وبيج وكحلى وممكن الجيبه الواحدهخ تعملى منها طقمين مع تغيير البلوز او البدى والاكسسوريسز والطرحه بتديكى شكل مختلف
واعملى حسابك ف حاجه سواريه لان بعد الجواز ممكن يقبلك مناسبه تبع جوزك او تبعك فاعملى حسابك تجيبى فستان او طقم سواريه للمناسبات كتب كتاب او فرح او خطوبه
لبس الشتا اعملى حسابك ف مونتو اللى هوا البالطوا الطويل دا او قصير حسب استايلك
وزى ماقولتلك انتى اكيد ليكى نظره ف لبسك وستايلك تغيرى زى مانتى عايزه
ببتجيبى بقى بديهات وشورتات اللى بتتلبس تحت هدوم الخروج
البديهات الفيجا او الكارينا
براهات الخروج هاتى ف حدود 4
شرابات للكوتشيات وشربات فوال
كدا خلصنا اللبس خالص

نخش بقى ع المطبخ بصى هوا طويل اوى فانا هاقولك اساس الاساس وانتى كملى او البنات ينزلولك قايمه بالحاجت اللى بتتجاب بالتفصيل لانى مش هافتكر كل حاجه
افضل نوعين حلل للطبخ هما التيفال والاستانلس
هتجيبى 4 حلل تيفال مقاسات مختلفه
وعكس المقاسات هتجيبى 4 حلل استانلس
بمعنى مقاسات الحلل 14 16 18 20 22 26 28 32
هتجيبى مثلا التيفال 14 و 18 و22
فهتجيبى ف الاستانلس ال 16 و20 و26
وانتى روحى اتفرجى على حجم الحله شوفى ايه اللى هينسبك اكتر وعامه انتى اول مقاسين بس هما اللى بتستخدميهك كتير المقاسين التانين لو عندك عزومه وهتعملى كميه اكل كبيره بتستخدميهم

الصاج فى ناس بتجيبه هوا مش بيستخدم ف حاجه غيؤر انك تسلقى لحمه او فراخ او تحطى الاكل فيه ف التلاجه
فلو عيزاه هاتيه مش عيزاه مش لازم

الطاسات تيفال 3 مقاسات او 4
الصوانى تيفال مدوره 2 او 3 ومستصيله 2 او 3 مقاسات
متجبيش صوانى استانلس عشان بتحروق الاكل
بتجيبى طقم صوانى بايركس بضاوى اوى مدور وطقم مستطيل مهم اوى وبتقدميه ع السفره من غير ماتنقلى الحاجه ف سرفيس

ممكن تجيبى صنيتين مدورين الومنيوم بيبقوا حلوين للكيك
بتجيبى قوالب التيفال بتاعت الكيك
بتجيبى طقم التورزيع للتيفال بيبقى تيفال برضه ا خشب
وبتجيبى طقم تورزيع للاستانلس
بتجيبى كنك تيفال او استانلس
بتجيبى لبانه الومنيوم
تجيبى براد استانلس او ممكن تجيبى الكاتيل او اللى هى غلايه ميه اسهل بالكهربا
الكوبيات المايه والكاسات للمطبخ هاتى ف حدود طقمين ميه و2 كاسات للمطبخ
هتجيبى طقم خشاف وطقم شربات وكوبايت الايس كريم وطواجن للمطبخ
هتجيبى طقم اركو بايركس او اركوبال
وطقم عشا بيبقى مدر او مربع فى حدود 20 قطعه
وطقم الصينى
هتجيبى طقم معالق للمطبخ بيبقى 6 معالق و6 شوك و6 سكاكين كبيره و6 اصغر و6 معالق صغيره
للبوفيه بتجيبى طقم معالق كبير 12 من كل حاجه وافضل نوع الالمانى اسمه ارشيا

النيش بتجيبى جسب حجم النيش عندك وتنوعى بين طويل وقصير وفضلى ومدهب فبتجيبى ف حدود 4 او 5 اطقم كاسات
و2 طقم ميه واحد مدهب وواحد فضى او كريستال
بتجيى للنيش كمان طقم خشاف وطقم شربات
طبعا ماتنسيش بقى الاطباق البلاستيك بتاعت غسيل الخضار وعلب التلاجه هاتى طقمين
فى حاجات ممكن تجبيها لو تحبى حله سلق االمكرونه او طاسه الشوى المضلعه
كل الحاجات دى لما بتروحى محل ادوات منزليه وبتشوفيها حسب امكنياتك بتجيبى اللى يعجبك

اة صوانى التقديم بتجيبى 3 احجام للضيوف وبتجيبى 3 للمطبخ عندك وفى صينيه لذيذه طالعه ليها رجلين كدا لو تجبيها وتحطى لجوزك الفطار ع السرير

انا رغيت كتير اوى واعتقد انى قلتللك اساس الاساس وانتى بقى انزلى لفى اكتر من مره قبل ماتشترى عشان تحددى هتجيبى ايه
وصدقينى انتى لما بتبقى عند المحل وتلاقى الحاجه قدامك بتعرفى انتى عايزه ايه
المهم ماتجبيش حاجات مكرره شوفى انتى عندك ايه اكتبيه ف ورقه واكتبى كله ف ورقه واللى تجبيه اشطبى عليه
وخير الامور الوسط ماتعليش اوى وماتسترخصيش اوى
واى استفسار عن اماكن الحاجه بتتباع فين خشى قسم تجهيزات بنات مصر واسالى اللى انتى عيزاه واللى هيعرف حاجه هيجاوبك عليها علطول

وربنا يتمملك بخير وييسرلك امورك يارب ولو فى اى استفسار تانى عن اى حاجه تحت امرك اسالى وانا اجاوب

لو استفدتى بجد منى ادعيلى ربنا يرزقنى االذريه الصالحه عاجلا ويفرح قلبى

غاليتى - paradise rose


اما انتى ياااقمر بجد مش لا قيا كلام اقولهولك بجد ريحتينى وساعدتينى فوق ما اقدر اوصفلك وان شاء الله هاطبع اللى انتى كتبتيه وهاجيب زى ما قولتى بالظبط

ولو قدرت ازود ان شاء الله هازود لكن فعلا انا بقيت فاهمه اعمل ايه فدتينى فى كل بند مفروشات وملابس ومطبخ حتى فى الانوااع مش عارفه اقولك فعلا قد ايه

انتى طيبه اوى ماشاء الله عليكى مش عارفه اشكرك ازاى انتى فضلتى تكتبى كل ده ومسبتيش حاجه وحددتيلى كل حاجه


ربنا يبارك فيكى ويجازيكى كل خير ويرزقك بالذريه الصالحه عاجلا غير اجلا ويفرح قلبك ويقر عين زوجك بيكى ويجعلك زوجه من نفسه وزوجه الدنيا والاخره ان شاء الله ويحققلك كل اللى بتتمنيه ان شاء الله اللهم امين يارب العالمين

وداايما قولى ورددى فى كل صلاه ربى لا تذرنى فردا وانت خير الوارثين ،،، رب هب لي من لدنك ذرية طيبة إنك سميع الدعاء

واشربى بردقوش دى كانت نصيحه دكتوره نساء شااااطره لواحده اعرفها لانه بينظم الهرومونات فى الدم يعنى من غير تحاليل واى حاجه ده بيساعد علشان التبويض والرسول عليه الصلاه والسلام قال لستنا عائشه توصفوا للبنات وبعد كده العلماء والدكاتره اكتشفوا فوايدو

وقريب ان شاء الله تبشرينى بالحمل ان شاء الله انا بكتب وبدعيلك وقت الفجر وربنا يستجيب ان شاء الله
وشكرا شكرا شكرااااا من كل قلبى على مساعدتك ليا

اكيد بعد كلام

paradise rose
مش هقدر اقولك غير ربنا يتمم بخير ويوفقك في زوجك يارب ولو عاوزه مساعده في فستان الفرح

انا ممكن ادلك علي حاجه تحفه وتقريبا اغلي من تمن الايجار بشئ بسيط ومن بره كمان مش م ن مصر

desert_rose1;10477767:
غاليتى - paradise rose


اما انتى ياااقمر بجد مش لا قيا كلام اقولهولك بجد ريحتينى وساعدتينى فوق ما اقدر اوصفلك وان شاء الله هاطبع اللى انتى كتبتيه وهاجيب زى ما قولتى بالظبط

ولو قدرت ازود ان شاء الله هازود لكن فعلا انا بقيت فاهمه اعمل ايه فدتينى فى كل بند مفروشات وملابس ومطبخ حتى فى الانوااع مش عارفه اقولك فعلا قد ايه

انتى طيبه اوى ماشاء الله عليكى مش عارفه اشكرك ازاى انتى فضلتى تكتبى كل ده ومسبتيش حاجه وحددتيلى كل حاجه


ربنا يبارك فيكى ويجازيكى كل خير ويرزقك بالذريه الصالحه عاجلا غير اجلا ويفرح قلبك ويقر عين زوجك بيكى ويجعلك زوجه من نفسه وزوجه الدنيا والاخره ان شاء الله ويحققلك كل اللى بتتمنيه ان شاء الله اللهم امين يارب العالمين

وداايما قولى ورددى فى كل صلاه ربى لا تذرنى فردا وانت خير الوارثين ،،، رب هب لي من لدنك ذرية طيبة إنك سميع الدعاء

واشربى بردقوش دى كانت نصيحه دكتوره نساء شااااطره لواحده اعرفها لانه بينظم الهرومونات فى الدم يعنى من غير تحاليل واى حاجه ده بيساعد علشان التبويض والرسول عليه الصلاه والسلام قال لستنا عائشه توصفوا للبنات وبعد كده العلماء والدكاتره اكتشفوا فوايدو

وقريب ان شاء الله تبشرينى بالحمل ان شاء الله انا بكتب وبدعيلك وقت الفجر وربنا يستجيب ان شاء الله
وشكرا شكرا شكرااااا من كل قلبى على مساعدتك ليا

ربنا يكرمك يارب ياحبيبتى انا متشكره اوى ربنا يتقبل دعاكى يارب ويتمملك بخير
واان معملتش حاجه والله احنا داخلين هنا عشان نفيد بعض
وانا استفدت من البنات هنا كلها كنت زيك كدا مش عارفه اعمل ايه ولا اجيب ايه ولا منين ودخلت وفادونى ربنا يكرمهم كلهم
كملى معانا ف التجهيزات مش هتحتارى خالص وكلنا اخواتك يا حبيبتى
ربنا يسترك ويتمملك بخير ويفرح قلبك يارب زى مافرحتى قلبى