زميلة عمل دمرت أعصااابي

مشكلة لوحدة أعرفها ،،أتمنى تساعدووها راح أترك المجال لها تتكلم،،،،،

السلام عليكم ..مشكلتي الي بحاول الخصها قد ما اقدر تتمثل في زميلة عمل لا أكثر ولا أقل ....تعرفت عليها في عملي ،،هي فضةوسيئة في تعاملهامع الآخرين ،غير متزوجة، بذيئة اللسان وصارت تتقرب مني بحكم إني وايد هادئة ومالي بالي يصير ،،شوي شوي صارت تزورني في أي وقت ظهر ،مغرب ،ليل ،اما الاتصالات فحدث ولاحرج في أي وقت في أي مكان في بيت أهلي ،في بيت أهل زوجي واذا ما رديت ياووووويلي مسجات كلها لوم وعتاب ساعات والله مااىنتبه الى بالعشر مس كوول واذا الجوال مسكر تتصل على البيت وهات يا ازعاج وتقعد بالساعات ومواضيع تافهة وغيبة ونميمة وحش في الزميلات وياويلي اذا دافعت عن وحدة منهم تبدأ تبين لي اي قد هاي الي ادافع عنها تكرهني ومرة قالت كذا عني ....الخ واليوم سمعت من زميلة عزيزة علي إن هاي الزميلة تتكلم عن زوجي وحياتي الخاصة في البيت وتمدح في زوجي وتقارن بينه وبين بقية أزواج الزميلات وطبعا اهي مكونة صورة عن زوجي من خلال زياراتها لي والله اني ابد ما اتكلم عنه وحذرتني زميلتي العزيزة من العين والحسد ونصحتني بالحذر منها ,,,,
بصراحة تعبت من التعامل معاها وانا وحدة عندي عياال صغار وفي المدرسة وعندي زوج وبيت ومو فاااضيةوصايرة نفسيتي دمار بالبيت والشغل وهي عموما ما تحبني ولاشيء وانا متأكدة من هذا الشي هي بس تبغي احد تسولف ويااه لأن مشكلتها انانية وما تبغي غير مصلحتها ولو تحس ان مثلا تخفف عني شيء في العمل طيران للمسئوول وهات يامقارنة وليش فلانة بالذات وليش مو انا لا وبعدين بكل وقاحة تقول :انا في تخفيف العمل ما عرف احد ،،و يصير عدوي الي تخفف عنه :rolleyes:
اابغي علاقتي معها تصير بحدود بس ما ادري شلون ابغي نصايح عملية ودعاء منكم ان الله يبعدها عني ويحفظ زوجي واولادي

في اشياء وايد بس مافي مجاال اذكرهاعلى اساس ماتملون