كل وحده تقولنا ولدها في اي مدرسة ...؟؟

انا ببتدي

ولدي محمد في مدرسة البحث العلمي في دبي

KG1


طبعا مثل كل الامهات لفيت المدارس واحترت وكنت خايفه يوم سجلته في هاي المدرسة بس الحمدلله الحين انا مرتاحه عيبتني المدرسة من ناحية اللبس قميصهم ابيض والبنطلون كاروهات ازرق وخطوط حمرة

وانصدمت ان ولدي ما شاء الله عليه حافظ سورة الاخلاص مع اني ما حفظته فالبيت وهو من النوع الي شوي صعب فالحفظ استغربت كيف حفظه في اقل من اسبوع

والادارة وايد تساعد وخاصتا ان ولدي من النوع الي يهتم فالالوان وهم حطوه فالبرتقالي (عدوه اللدود ) راقبوا الولد نفسيا مو متقبل وما يستجيب للمدرسات اتصلوا فيني قالولي بننقله كلاس ثاني قلتلهم اوكي

الي يميزها عن المدارس الباقيه ان يتبعون المنهج السعودي والبريطاني .. والي عجبني فيهم شوي شديدين وتحسين انج في شركة

اتمنى انكم تتفاعلون معاي ....

احبكم فالله

[GRADE="00008B FF6347 008000 4B0082"]
بنتي للحين مو سن مدرسة بس ما حبيت اطلع بدون ما ارد عليش
تسلمين عالموضوع
[/GRADE]

موضوع حلووو تسلمين

افاااااااااااا وين تفاعلكم ...

ما هقيتها منكم ...........

زعلتوني

هلا والله بجعه .. الف مبروك عليكم علايه .. متأخره ادري بس مانزلتي اعلان شو اسوي :)

المهم مصبح الله يسلمج دخلته مدرسة ابوظبي الاسترالية ..

ودخل KG 2 والحين هالشي حيرني كل عيالكم كيجي 1 ..

بتقولون ليش .. بقولكم انهم ياخذون كيجي 2 من عمر 4 سنوات ومصبح لما دش كان عمره 4 سنوات و 3 شهور .. فقالوا لي حرام تحطينه مع الي عمرهم 3 سنوات لأنه التعليم اكثر في كيجي 2 .. وخايفه اني اتندم من هالقرار ..

لكني قلت لو شفته يحتاي زود بخليه يعيد كيجي 2..

المدرسه زينه الحمدلله .. تعليمهم احسه تمام لكن للحين ما بدوا في القرآن والسباحه وهالشي محزني وبسألهم عنه

لبسهم قميص ابيض و بنطلون او شورت كحلي .. مرتب الحمدلله

الي يميزها انه لو الولد تخرج من الثانوية من عندهم يطلع بأنترناشونال دبلوما.. وهالشي يساعده في دراسه الجامعه انه ما ياخذ السنة التأسيسية فيها بس اشك انه يكمل للثانوية

عيون بوظبي

الله يخليلج ولدج ان شاء الله ويكمل في هاي المدرسة ...

بس تعالي خبريني ليش اتشكين ..؟؟

بس نظامهم الصراحه حلو وايد بيساعده لما يدخل الجامعه بانه يوفر على عمرة سنه او سنتين

بالنسبة للعمر انا بعد قالولي بندخله kg2 بس انا ما رضيت قلت خليه يتعود على حفظ الاشيا الصغيره واهيأه بعدين ندخل فالجد

تسلمين فديتج

بصراحه وايد احسهم غاليين ..

يعني الكيجي من دون الباص ب 23.000

لو مع الباص تزييد فوق 3000 عاد الصفوف الكبيرة كيف تطلع ؟ ماعندنا غير الشيخ مصبح ؟ ههههه شي غيره يبا يدرس بعد

وانه دراسه التربية الاسلامية مش وايد .. وهالشي وايد مخوفني

شفت الردود قليلة ما حبيت ما ارد عليش
مع ان ولدي لحين 4 شهور ونص

مشكورة الغاليه

المهم الكل يستفيد ... بس الصراحه ضايقتوني معقوله ما احصل ردود منكم ؟

هلا بجعه موضوعك رائع
انا بنتي ايه العام كانت براعم (4)سنوات في روضة جمعية رضوى الخيريه
زيهم مثل زي ولدك فميص ابيض والتنوره كاروهات احمر وخطوطه كحلي
الحمدلله استفادت كثير و السنه هذي بتروح تمهيدي وراح اسجلها عندهم بعد
احنا في مدينه صناعيه جديدة و المدارس الخاصة ما عندنا الا 2 فقط وتعليمهم مو ذاك الزود و الحكومي افضل منها الا اذا فتح شي يهتم بالانجلش و الكمبيوتر دخلتها
ومشكوووووره ع الموضوع

و الله يختي انا اشتغلت مدرسه في مدرستين خاصتين فيأبوظبي و مع انهم غاليين بس تعليمهم زفت و ماني حابه اقول اسمهم و لكنهم يدرسوا المنهج الأمريكي

ربي يرزقني بالذريه الصالحه ..

لو كان عندي ولد كان بيكون بالصف الاول ((بس الحمدلله على كل حال))

ربي يخليلكم أولادكم وتشوفونهم رجال بالمستقبل ووافين لأوطانهم ..

شكرا ع الموضوع الرآئع ...




((ربي لا تذرني فردا وانت خير الوارثين ))

فدييتج لان هنيه مب واييد من الامارات فشي طبيعي مايكون فيه تفاعل فالموضوع..
وتقبلي مروري وتطفلي :)ولدي بعده 3 سنوات مارضو يدخلونه

مدرسة الشويفات ابو ظبي....
عندي 3 اولاد في المدرسه من سنة 2003 أبني الكبير..وسط أبو ظبي موقعها وهو ميزه لأنني ما أحب الباصات ,اخاف على أولادي لأزم أنا أوصلهم وأجيبهم بسيارتي. ولأن الواجبات المدرسيه في البيت قليل جدا.
لكن المصيبه ب ها المدرسه أنوا مافي تواصل مع الأهل والمدرسه والمدرسيين وألأداره ولا في أجتماع للأهل ولا مناقشه للأهل مع الأداره في اي شئ ولما تشتكي من شئ دائما الأهل خطا والمدرسه صح لدرجه من التعالي أنهم يقولون لك أدا ما عجبك شيل أولادك من ألمدرسه وقيلت لي أكثر من مره. ونسكت لأنه مافي بديل قريب لكن ألي جنني هده السنه أنه أبني في الصف السادس وأدا الولد ابتسم داخل الصف يبعثوه للعقاب داخل غرفة الحجز وهي غرفه مغلقه يحجز فيها الولد في الأستراحه لمدة ساعه ويحرم من الكل واللعب وكل مايفعله داخلها وهو القراءه لأي من الكتب وممكن ان يحجز بعد المدرسه لمدة ساعتين أي لغاية الساعه 6 لأن الدوام ينتهي الساعه 4 وبدون أكل وادا تصرف الولد مرتين خلال النهار تصرفات لم تعجب المدرسه وهده التصرفات ممكن يحجز مرتين في نفس اليوم ولما تتكلمي معهم ان الولد معدله فوق 90
ومؤدب ولم يتكرر خطأه وأنو ما سوى شئ بس ابتسم او ضحك في درس الفن والرسم
درس المفروض تشجعوا الأولاد على الضحك فيه والترويح عل النفس لأنه الفن يستخدم أصلا علاج نفسي وخاصه في مدرسه يومها طويل وأكاديمي صعب لا تجدوا منهم ألا التعالي وكأنهم بربون الأهل بعد مو بس الأولاد. والمصيبه الكبرى يوم من الأيام رحت أجيب أبني من المدرسه هده السنه2010 ووجدت الكدمات في وجهه ورقبته وأدنه زرقاء
وعينه حمرا وبطنه فيها كدمات ويديه ولما شفت هدا المنظر الله لا يدوقها لأم في الدنيا جنيت وانهرت وفقدت عقلي ولما سألت أبنى قال أنه كان يلعب كرة قدم مع زملاء في الصف السادس داخل المدرسه في الأستراحه الساعه 12
ولما أخد ابني الكره من ولد وقع الولد على الأرض وهم يلعبون ماعجب الولد ألي صار راح جاب 5 أولاد من الصف السادس ورجع بعد 5 دقائق ولحقوا ابني وابني يهرب منهم ووقعوه في الأرض وانهالوا عليه ضرب في الأحديه الريضيه الي لابسينها على رأسه وبطنه ويديه وابني واقع في الأرض وياكل ضرب وحشي والله هدول ماهم أولاد من البشر
والمصيبه وين مشرف المدرسه أو وين المشرفين الي لازم في هاي الدرسه الشويفات العظيمه الي حطينا أولادنا امانه عندهم ودفعنا المبالغ ليحرصوا على أولادنا من اي أدى أو ضرر خلال الدوام.... ولما دخلت على المدير الي حتى مايتنازل يقابل الأهل قال لي هدا شئ عادي والأولاد بيتضاربوا وبكره بيرجعوا صحاب ..هل عادي 5 أولاد يضربوا ولد والفحص الطبي والصور في المستشفى بعدين تظهر كسر في الكوع لليد اليمنى..هل عادي انه ابنك ينضرب في مدرسه تدعي الرقي وما حدى من المشريفين يشوفه أو يغيثه أو يدافع عنه أو ياخد له حقه أو يوضح للي ضربوه خطاهم أو حتى يعاقبهم.. هل عادي أنه تخبر المدير ألي صار وتخبره أنك بتودي ابنك للطبيب وما يتصل يسأل عن الولد وسلامته..
ولما تروحتشتكي لوزارة التربيه والتعليمADEC يزعل المدير ولما أطلب منه يفصل في الصف والمقعد بين ابني والولد الأخر الي عمل المشكله لأنه يجلس بجانبه خوفا من أية مشاكل أخرى لأتنتهاء السنه الدراسيه يكون جوابه خلي ابنك بالبيت
أين معاني التربيه والتعليم والأخلاق ألأمانه والسلامه والأحترام وبناء الشخصيه في هده المدرسه أرجوا ألأجابه والتعليق بما يرضي الرب والضمير

انصح كل ام واب لهم أولاد في الشويفات يسأل عن التوجيهات المتبعه لسلامة الطلاب في كل المراحل ويتابعوها بأنفسهم

يسلمووووو

بس بنتي للحين صغيرة

غريبة مدرسة شويفات بهالطريقة المفروض أهم شي هو التواصل مع الأهل لأنه مسيرة التعليم حلقة تواصل بين الأهل و المدرسة و الا اختل التعليم ككل شلون الأم ما تعرف كيف وضع أولادها في المدرسة و تقييمهم و الأهم من هذا سلامة هالأطفال الي يقضون ساعات و ساعات في المدرسة الله يستر عيالنا بس صراحة أختي انا لو مكانك أطلع عيالي من المدرسة مو مجبورة فيها صراحة و يا كثر المدارس الزينة بس يبالها بحث و تمحيص زين يعني مو معنى انها شويفات يعني خلاص زينة و التجربة خير برهان

أختي بجعة ممكن تعطيني فكرة عن أقساط مدرسة البحث العلمي؟؟

و اذا في بنات في الشارقة ممكن تقولولنا شو أفضل مدارس في الشارقة بنتي عمرها قريب السنتين بس ان شاالله اذا كملت 3 بدخلها المدرسة و أحب أعلمها تعليم زين زين و هي أول بنت لي فصراحة ما عندي فكرة عن المدارس

انا مغتربه في السعوديه وتحديدا في مدينة الخبر وابني في مدرسه انترناشيونال اسمها نيو وورلد,,يعني العالم الجديد وهي كويسه ومريحاني
لقيت نتيجه مع ابني كويسه وكمان في وقت بلليل للاتصال باي مدرسه او المديره نفسها والمديره بصراحه بتستمع لكلامك وبتنفذ فورا لو الموضوع عاجل
بس انا اعتراضي ان مفيش مشرفات في الباص وبعد كدى لقيت الحمد لله بقى فيه ,ابني حاليا كي جي 2
والسنه الجايه بنتي حتدخل ان شاء الله
في شوية ماخذ الدين ضعيف بس عرفت انه بيزيد في اولى ابتدائي وحياخده فقه وتوحيد وده كويس
وكمان في حصص للاعمال الفنيه هم بيسيبه الولاد يلونوا لكن الاعمال الحرفيه مدرسة الرسم بتعملها هي وبتبعتها في الفيل بتاعه وطبعا ده مدايقني لان لازم ان الولد هو اللي يشتغل حتى لو العمل مش بيرفكت يعني ,,يسعدني اكتر شغل ايده هو
بس في ميتنج وحروح ان شاء الله واكلمهم
غير كدى الانجليش مميز و دايما عندهم تفاعلات يعني يمكن مش بيطلعوا رحلات بس كل اسبوع عندهم حفله او اسبوع للزراعه او للقراءه فدايما في انشطه