هلا وغلا بكل العضوات نورت الصفحه بوجودكم
اليوم ياحبايبي الحلوين جايبه لكم طريقة بروستد الدجاج بس طريقه جديده من شيف اجنبي مشهور شفتها في التلفيزيون وانا طبقتها بس سريعه ماتخذ وقت مثل اغلب الطرق الي نتبعها تاخذ وقت طويل المهم يلا نبدء
بسم الله الرحمن الرحيم
اولا : ناخذ دجاجه منزوعة الجلد ونقطعها حسب الرغبه وننظفها ونغسلها كويس ونضعها على جنب نجيب اناء فيه ماء ونضع فيه كميه من الملح الخشن وكثري الملح ونحركه بملعقه الى ان يذوب الملح ونضع الدجاج المقطع في الماء المملح ونغطيه ببلاستك ونضعه في الثلاجه نصف ساعه
وهذا الملح الخشن
وهذه الدجاجه بعد التنظيف
وهنا وضعناها في الماء المملح ثم الي الثلاجه
بعد نصف ساعه راح تلاحظين ان الدجاجه انتفخت شوي وهنا في الصوره بعد ماصفيتها من الماء انتبهي مانغسلها بس نصفيها من الماء المملح
وبعدين نغمسها في مخيض اللبن وهو عبار عن اللبن لمن يصير حامض الي يسون به الزبادي عاد انا ماعندي مخيض اللبن استخدمت لبن مع عصير ليمون
نخلط الليمون مع اللبن ونتبلهم بلبهارات المشكله مع فلفل اسود وباربيكا وبودره الثوم يعني حطي البهارات الي تحبيها ونخلطهم مع بعض
ثم نغمس قطع الدجاج فيه
ثم نغمسها في طحين مع بيكنج بودر ومتبل بنفس البهارات الي في اللبن
ثم نغمس القطع مره ثانيه في اللبن ثم في الطحين مره ثانيه يعني طبقتين ونترك القطع ترتاح في حرارة الغرفه لمن يجف الطحين
ثم نقليهم في زيت ساخن و غزير يغمر القطع على درجه متوسطه وهاهو الدجاج في طبق التقديم اسفه احترق شويه بس والله طلع لذيذ طري من جوه ومقرمش من بره دعاية زيت العربي هههههههههه وفوق كل هذا سريع
وهنا انا مسويه كبة الرز مع البطاطس المحشيه باللحمه المفروم
والي يبغي طريقته انا بالخدمه
صوره اقرب
وهنا سويت مبطن البطاطا اللاخت العزيزه ماذا اقول بس لذيذ انصح بيه بس احترق شوي والله ماادري شنهو فيني مشتهيه احرق الاكل ههههههه وهذا الرابط
مبطن البطاطا باللحم المفروم
وهنا خلصنا اطباقنا اتمنى تعجبكم ولا تحرموني من مشاركاتكم الحلوه ومن التقيم اذا عجبكم موضوعي ولاتنسوني من دعائكم اختكم شوق الدروب
دمتم في حفظ الله
