السلام عليكم ورحمة الله
أنا من محبي متابعة برامج الأسرة و التربية وكل ما يخص الأسرة و كنت دائماً أسجل ملاحظات للمواضيع اللي تجذبني
فحبيت أفيدكم بموضوع مهم احنا ما نفكر في تجنبه وما يطري على بالنا الا اذا وقع الفاس في الراس وصارت المشكلة
الموضوع هو
ضياع الأطفال
يمكن الواحد ما يخطر في باله انه ينحط بهذا الموقف بس الاحتياط و الحذر واجب
من الأماكن الي من المحتمل إن الولد يضيع فيها هي
(*)المعارض السنوية الي تكون كبيرة وفيها زحمة كثيرة
(*)الأسواق الكبيرة مثل سوق المنامة أو المحرق
(*)الهايبرماركت مثل جيان وغيره
(*)المجمعات
(*)السفر
و غيرها الكثير من الأماكن
و علشان نساعد في العثور على الولد الضائع لازم نسوي عدة شغلات
(*)لازم نحتفظ بصورة حديثة للطفل معانا علشان لو لا سمح الله ضاع نقدر نوري الناس صورته ويدورونه معانا
(*)نلبسه شي مميز مثل قبعة على شكل أرنب أو جاكيت مرسوم عليه شي ملفت
(*)لما نكون في سفر مثلاً نكتب بطاقة فيها اسم الطفل و الوالدين و أرقام الاتصال و نعلقها على ملابسه
(*)ولازم نفهم الطفل من الي ممكن يساعدنا في مثل هاذي المواقف مثل رجال الأمن مفروض إن نعلمهم إن هذا الريال شغلته يساعدنا لما نحتاج شي ((طبعاً ما نقول للولد لما تضيع لأنه في هاذي الحالة بيخاف من الضياع و بيسبب له الأمر مخاوف مختلفة))
هاذي معلومات بسيطة عن الموضوع و أتمنى أكون أفدتكم