طفلي والنوم

الله يعينك يااختي
والله الاطفال متعبينا الله ياجرنا
هو ساعة كم ينام؟؟؟؟؟ اذا من بدري حاولي اتنيمي متاخر شوي حتى يتعب وينام نوم متواصل
غيري له موعد النوم كل يوم نيميه بوقت مختلف حتى تتلخبط عنده الموازين ومايصير عنده روتين بنومته وقعدته وان شاءالله ينام متواصل
كنت سابقا اعطي بنتي قبل ماافطمها مشهي ويحتوي على منوم بنسبة قليلة كنت مرتاحة عليه لانه يخليها تاكل وتنام بهدوء بس الان تركته لان تمرضت من بعد مافطمتها وان شاءالله ارجع له بعد ماتتحسن صحتها لان احسه كان مريحها جربي تعطيه لابنك بس استشيري طبيب قبل ذلك من باب الحرص لان اني الدكتور وصفه لبنتي وهو خاص للاطفال مامنه اضرار
اذا تحبي اعطيك اسمه ( اذا كان موجود ببلدكم)
والله يعينك

الله يعطيك العافيه اختيmas mas

من ناحية الروتين الايام هذي متغير وقت نومته
بعد شهر رمضان

يعني اول اغلب وقته ينوم بالنهار

لكن الان الحمد لله الساعه 10 الى 11 نايم

up>>>

حبيبتي انا برايي انه لازم تصرين على رايك 3 ايام و بيتعود بس هو كل ما يشوفك ترضخين لطلبه راح يضل يقعد و يعرف انه طلبه راح يلبى

يالله نفس مشكلة بنتي بالضبط اللي بعمرها المفروض خلاااص ينامون متواصل على الاقل ثلاث ساعات هي نفس الحال كل ساعة تقعد ما ادري وش اسوي معاها اخاف تكبر وتتم مثل حالة ولدج خوفتيني بصراااحة

اعاني من نفس المشكلة ولا عارفة شنو اسوي

سبحان الله .. والله احس كل الاطفال كذا ..
انا اعاني من قلة نوم ولدي .. والله ما تلخبط نومه الا بعد رمضان .. تعود ع السهر والنوم الفجر ..!!
الله يعين بس ويسهل ..

الله يعينك
احس كل الأطفال كذا

الحمد لله اليومين الماضيين

كان كل ما يقوم اهديه وانومه ثانيه

وكل ما يقول ابي ديدي

اقول نسيته عند جده

والله الولد الحمد لله بدى يشتهي الاكل

الامر يبيله صبر

ولازم اصبر واعوده يشرب الحليب من الكاسه


مشكورين كل الي ردو علي
الله يعطيكم العافيه

الله يعينا والله
انا بعد اعاني من نفس المشكله بس لسى ارضعه طبيعي وكل ساعه ساعتين جلس يرضع
انشالله يفيدوناا الامهات

عزيزتي توقعي هالشي يصير ولا زم تستحملي هالشي لأن إنتي السبب يعني شو تتوقعي من طفل في هالعمر عودتيه على شي وبلحظة تبينه يخالف هالشي طبعا مستحيل بالنسبة للنوم أول شي وأهم شي أنصحك بأنه ما ينام في الفترة ما بين العصر والمغرب أي أنه إذا نام فترة الظهيرة مو مشكلة لأنه طفل فحرام تخليه صاحي بالعكس في هالسن يحتاج للنوم عشان النمو لكن فترة العصر هذه صعبة شوية من يصحى الصبح نيميه الظهر يعني الساعة 11 او 12 وخليه للساعة 4 لو صحى وأكل خليه يكمل نومته المهم بعد العصر ماشي نوم خلاص وبعدين عن العشا حشيه مثل ما تحبيه أي وجبة للأطفال وليكن العشا بدري شوي لا تقولي بيجوع وبيصحى لا عشيه بدري يعني 7 او 8 زين لأن أكيد العصر بتعطيه وجبه خفيفة مثل موزة او تفاحة اي فاكهه يحبها وبعد المغرب حطي له عصير طازج بالخليب والسعة 8 عشا خلصنا العشا وحان وقت النوم بس متى الساعة صارت الساعة 10 تمام نروح نشرب حليبنا وننام طبعا بعد ما أخذنا حمام الإستحمام ونقرأ القرآن لعيالنا خاصة آية الكرسي والمعوذات ......... نام الولد الحمدالله اكون مخلصة شغلي أنا بعد عشان أقدر أنام وخلاص الحين بتنامي لكن بعد نص ساعة او ساعة صحى الولد يبا حليب عادي مو مشلكة تراه متعود يشرب الحليب ولازم يقوم بس ماشي حليب خذيه بحضنج هو فيه نوم أصلا مو جوعان نيميه مرة ثانية بس بدون حليب وهو بحضنج هزيه شوي شوي بس مو تخضيه خض لا شوي شوي وعليج بالقرآن بينام وبيقوم بعدين وسوي نفس السالفة لكن لا تضعفي وتقولي أبا أريح راسي عشان أنا وبتعطيه لا أسبوع صدقيني بعدها ماشي قومة نص الليل .........

على فكرة هالشي من تجربة لأن بنتي كانت تصحى مرتين على الأقل عشان تشرب الحليب وانا مستمرة عشان أتعب من الصريخ خاصة إنه عندي دوام وكنت أصحى الصبح مرهقة بسبب قلة النوم والدوام المتعب لكن أصريت تعبت أسبوع حتى شلت الحليب من البيت تماما وما صارت أصلا تشوفه نهائيا تعبت أسبوع لكن بالمقابل إرتحت بالنهاية وصار خلاص ماشي قومة نص الليل للحليب بس تعب هالأسبوع لا يعادله تعب بسبب الصريخ عشان الحليب بس مرة بعد مرة بينتهى الوضع لكن أهم شي الإصرار

اكليه شئ ثقيل قبل النوم علشان مايحس بالجوع
واعطيه الحليب من الكاس او شربيه من الحليب الجاهز بالمصاص
علشان يريحك وربي يعينك ياقلبي