شراشف عيد الاصحى المبارك....كل عام وانتم بخير

)]


اراء بعض زبوناتي في الشراشف
أسيرة الطوفان

السلام عليكم
صراحة الغالية الله يوفقج انشاء الله ..اطمنج البضاعة وصلت...رووووووووووووووووووعة ..فعلا ألوانه احلى من الواقع ...
انا ما صبرت ...دخنته وفرشته...بس زعلت ان الفرش البنفسجي ..اكياس المخاد مب نفس الصورة اقصد انه الاربع متشابهين ما في البيض...
بس بعد حلو ...
واتمنى انه ما يخترب بعد الغسيل ....لأنه شكله جنان
الله يوفقج...
مشكورة وايد

7oor 83
السلام عليكم
شحالج اختي عساج إلا بخير
وصلت الطلبيه..
وماشاء الله وااااايد حلو ظهر يوم حطيته على الكرفايه..
يزاج الله خير ..
ومتى ماتيبين ديزاينات يديده لاتنسينا خبريني عشان اطلب منج..
ومشكورة

أم عشبة
السلام عليكم ورحمة لله....
حبيبتي مشكوووووووووووووووورة على الشراشف الحلوة اللي طرشتيهم...
وسامحيني تأخرت كانت عندي مشكلة فالنت..
وعقب بدا دوام المدارس وبدا وياه الهم ما قدرت اتواصل وياج على طول..
عالعموم ... حبيت أشكرج... الشراشف روووووووووووووعة..
خامتهم وايد حلوة...
والود ودي ما أقوم من اتلحف... حتى الأحلام تغيرت..هههه
الله يعطيج العافية وتسلمين ..وان شاء بعد بيكون بينا تواصل..


[=أحلى صورة]مشكوووووووووورة الغالية الطلبية وصلت بصراحة وايد روعة والجودة شكله بعد اوكي بصراحة مب خسارة فيه السعر انا وايد استانست عليه وخليته حق العيد لاني اعرف ما بحصل بحلاته
موفقة حبوبه ......

[E=floooora]شحالج ، وصلتني الطلبية والشراشف روعه وكل من شافه عيبه
عندي الوالده ومن الاهل حابين يطلبون من عندج مممكن اطرشين صور الشراشف دورت موضوعج ما حصلته
الله يوفقج انشالله


اقتباس:
bellegirl
السلام عليكم اختي ...عساج بخير ان شاء الله
فديتج مشكورة على تعاملج الراقي ... والحمدلله الشرشف وايد حلو والخامة بعد وايد حنونة خخخ هذا أقرب تشبيه يا ببالي ^^ ... وريلي استانس على الألوان ... وان شاء الله لي تعامل تاني وياج ... ربي يبارك لج ويرزقج من حلاله الطيب ...

اقتباس:
Sugar & Spice
السلام عليكم ورحمة الله وبركاته
كيف حالج اختي
مشكوره على الطلبيه الحلوه ، ما شاءالله الكفر طالع غاوي و حلو
غلطتي اني ما طلبت حشو ، المره اليايه اكيد بطلب من عندج و بطلب حشو p=

طلع متناسق ويا ورق جدران الحجره شرات ما توقعت ، يعطيج العافيه و ننتظر موضوعج الخاص بالعيد و رمضان =) موفقه ان شاءالله


اقتباس:
اخت-القمر
السلام عليج اختي ..
اتمنى انج تكونين بخير..
مشكوووووووووووورة وايد ع الشراشف الصراحه وااايد روعه وماقصرتي والله..
واتمنى اني اتعامل معاج اكثر واكثر..
وربي يفتح لج ابواب الرزق..


اقتباس:
دلع مياري
هلا حبيبتي
ع فكره انا خذت عنج فراش قبل ووايد حلو كان وعيبني. عشان جي اتعاملت وياج مره ثانيه

اقتباس:
3yoooni
مرحبا أختي
الكفرات وصلت
وكل شيء تمام
ومشكورة أختي بصراحه وايد حلوين طلعوا ونفس الالوان اللي اخترناها
وانشاءالله نكون على تواصل دايم يا رب

اقتباس:
بدور_أحمد
صباح الورد
استلمت الطلبية غناتي واحب اشكرج وااااااايد
والصراحة وايد رووووووووووعة وانشالله بنتعامل في المستقبل القريب
وانشالله توافيني بكل يديد
تحياتي

اقتباس:
وعيونه
السلام عليج....
مشكوووره اختي عالشرشف .... وصل
والصراااحه وااايد روعه نفس اللي فالصوره
ويعطيج العافيه ع مجهودج ...
ام عبدالله

E=lovelyrose2009]السلام عليكم
اختي الطلبية وصلت من يومين وكالعادة الشرشف وااااااااااااايد حلو...وأسعدني التعامل معاج للمرة الثانيه........
ربي يوفقج

اقتباس:
maremar
مرحباااااااااااا
وصلت الطلبيه ...الكل استانس على الشراشف حتى اليهال من شافوا الشراشف مالهم مطاعوا يتريون لين الصبح قالوا اللى يرقدون بها...
....مممكن تطرشين لي الرابط مال الشراشف اليداد....مال العيد....

اقتباس:
الهولي
مشكوووووووووووووووووووووووره من كل قلبي عالشراشف والله عالطبيعه وايد أحلى و أروع.. وصلهم المندوب الساعه 5 وعطول فتحت ولبست الفراش.. ماشي حار بحار.. ماقدرت أصبر... والله حلوين بدون مجامله وانشالله اكون لج زبونه دايمه يالغلا...
اقتباس:
اخت-القمر
هلا فديتج توني بطرشلج وربي شاهد مشكووورة وااااايد
ما تقصرين وشهادتي في معاملتج وسرعة تلبية للطلب مهما بقول بتكون مجروووحه
واما بضاعتج والله الشاهد انه لو ما عجبتني ما كنت طلبت مره ثانيه
وخسران من ما يتعامل مع تاجره في قمة الذوق والرقي شروااااج
^__^ ربي يوفقج ويرزقج
اقتباس:
**ريم**
مشكور الغاليه على الشراشف وصلن والله انهن عجب وربعاتي في الدوام استانسن وااااااااااااااااااايد
وتسلمين الغاليه على تعاملج الحلو
وانشاء الله ماينقطع التواصل
السموحه الغاليه

*ام عبادي*
مرحبا الشيخه
انا ام عبدالله ،، طلبت منج طقم واحد كعينة ،، و بصراحه ماعليه كلام ،، حلو واااايد ،، ما يحبب وها اهم شي
الحين بغيت اطلب مرة ثانية بس للاسف الصور مب طالعه ،، انا صح مسجلة ارقام البعض من قبل ،، بس ابغي اتأكد من الصور
يا ليت لو تحملين الصور مرة ثانية
و موفقه يارب

منى السويد;15091863]السلام عليكم ورحمة الله وبركاته
في البداية حابة اهني الجميع بشهر رمضان الكريم واقول لهم كل عام وانتم بخير وعالطاعة دايميييين
وماراح اطول عليكم ولكن صراحة لي كلمة للاخت الموز وحبيت اشارككم فيها لانها كلمة حق فيها
يا اختي الموز الغالية اقدملج شكر خاااص جدا وادعيلج من كل قلبي بالتوفيق يا رب والله يعطيج كل مبتغاج ويحفظلج غاليينج، صراحة يا جماعة الاخت الموز ما قصرت معاي وتعاملت معاي بكل دبلوماسية واحترام وبعد بعطف..
الاسبوع اللي فات بتاريخ 7 او 8 اغسطس طلبت من الموز توفرلي شرشف اخترته وطلع مخلص فغيرت رايي بعدين رديت اطالع فعجبني رقم 28 وكان هذا يوم الاحد بتاريخ 10 والمشكلة ريلي كان بيرجع من السفر بتاريخ 13 يعني يومين وكنت ابي افاجئه بتغيير في الغرفة والاخت الموز قالتلي انه الوقت وايد متاخر وطبعا انصدمت واترجيتها انها تتصرف وحتى لو لجأت للاراميكس والاخت الموز مالها تواصل مع الاراميكس فقالتلي بحاول وصراحة يوم الاثنين
تفاجات انه الاخت الموز تصرفت ما شاء الله عليها وعطيتها بياناتي وبالباجر الطلبية وصلت يعني يوم الاربعاء
واللي عجبني انها امنت علي وطرشت قبل ما اطرش لها المبلغ فكلمة حق في هذه الانسانة انها ما قصرت
والشرشف ويشهد الله علي ما تم حد ما تخبل عليه وريلي متعود على شراشف مو من اي مكان لكن اتخبل علييييييه
وقال شكله وااايد غالي والله العظيم هذا اللي صار
فشكرا يا الاخت الموز وبارك الله فيج والسموحة منكم بس انا احب اوصل الكلمة الطيبة بحذافيرها...
والله يحفظكم وداعة الله

اقتباس:
أم نهيان
ما شا الله رووووووووووووووووعة
وأنا أشهد إن بضاعتج ممتازة و بغاية الجمال لأني خذت من عندج من قبل..
ربي يوفقج و يرزقج الرزق الحلال
اخت-القمر
السلام عليكم ورحمة الله وبركاتة..
بغيت اطلب خبلتيبي بالشراشف اخر شي بفتح محل عندي ..
بس الصراحه يستاهل الواحد يشتريهن مب خسارة..
انتظري رسالتي بالطلبية ..
ربي يوفقج يا رب..


يتبع[/QUOTE]