السكن

الله يفرجها عليش يا اختي

شوفي اهم شي تكوني مرتاااحه مع زوجش .. احسبيها من كل النواحي

واذا بتحسي انش تقدروا تدبروا اعماركم بالايجار فأنا أؤيد انكم تستأجروا ولو مكان بسيط

لغاية ما الله يفرجها عليكم ... واستخيري اولا وأخيرا

جوفي ابوي انا بقولج شغله

انا تقريبا نفس مشكلتج واليوم كنت مفكره استشير البنات بس انا شوي في اختلاف عنج

انا ماوافق يكتب شرطي في العقد اله اهو سكن بروحي وانا ماتفرق عندي اسكن مع اهله في شقه اهم شي اكون لي قسمي وعالمي الخاص


الحين لمى قريب بنتزوج قالي في غرفه وحمام ماوفقت وقلت له مستحيل لانه صعبه شوي اوكي اول الأيام يمكن انا وهو عادي بس مااضمن بصراحه نفسي انه مااحمل في هالفتره او شصير وبعدها بنصير ثلاثه في غرفه ؟؟؟

الحين اخوه بيطلع من شقته الي في بيت عمي وهذا انا قاعدين ننطر متى بيطلع مع انه بيت اخوه جهز وخلص، والمشكله الثانيه لمى جفت شقة اخوه طلع انه في فتحه في النص اتطل على الطابق الأول والثاني :ss:يعني صوتي وصوته عندهم لو اي شي بسمعونه واصواتهم كلها عندي:ss:

قانا قلت له يايسد الفتحه وهو طبعا مو راضي، او يجوف لي شقه وخلاص وانا مصره على الشقه الحين مع انه ظروفه ماتسمح له بعد لانه تعرفين إيجارات الشقق شلون صارت

بس بصراحه مااتحمل اعيش لا في غرفة ولا في شقة مفتوحه ومالي خصوصياتي

سوري يمكن طولت عليج، بس نصيحه مني حبوبه طلعي بشقه لاتقعدين في غرفة وحمام والله ترا صعبه واااااااااااااااااااااااايد وخصوصا اذا يوج عيال بعدين

تساعدو مع بعض واتنشالله تقدرون على شقه بالتوفيق حبوبه.

ما عندي ظروفكم
بس النصيحه اتكونون بروحكم ومرتاحين
الحين اني ساكنه في بيت عمي
شقتي بروحي بس بسبب ظروف عملي للساعه 4 العصر بيت ابوي في نفس النطقه بس ما ينراح مشي لازم بسيارة
يعني ما اطبخ اجي المغرب عقب صلاه المغرب اروح دايركت بيت ابوي لان ولدي هناك
اني وزوجي متفاهمين بس الكل اطالعش
باب شقتي داخل البيت يعني طالعه وين؟؟؟ راجعه من وين؟؟؟؟
مشترينه ويش ماخده؟؟؟
خلش بروحش احسن ليش
مع ان عمتي عسل وحمواتي بعد بس ماني قادره اغيرهم

انا انصحك تسكني مع اهله مؤقتا وتجمعون مبلغ يكفي تستاجرون فيه وبعدين اطلعو احس اذا كان الوضع مؤقت احسن لك

اختي اهم شي راحتكم. وهو لما اتقدم لك من الاساس كان موافق على شرط السكن لوحدكم يعني امكانياته وقت الموافقة تمكنه من ذلك.

ادرسي الموضوع من كل الجهات ، وانتي تقدري تشوفي اهله من اي نوعية هل من النوع المحب اللي تقدري تسكني معاهم ويكونو لك مثل اهلك او من النوع اللي صعب التعامل معاهم.

استخيرى الله فى اى شىء ,,, وانا عن نفسى استأجر شقه ولو بأقل الظروف احسن ,, لكن عاد الاجار يبى الواحد يصبر ويتنازل عشان اتحوشى مبلغ وتدفعيه كل نهاية شهر ,,, الله يعينك ويفرج عليك

أميرة آلورد;10451412:

مثل مشكلتي :ss:

نصيحة إختي إذا عندكم إمكانية تدفعون الإيجار اطلعي في شقة
بيت العم مهما يكونون طيبين بعد الوحدة تحب الخصوصية وإن يكون ليها سكن مستقل
ع الأقل تحس نفسها متزوجة وسيدة البيت
مو محاسبة في الطلعة والدخلة و الأكل و النوم والقعدة
في بيت العم حتى لو بتطبخين لك ولزوجك عشى بتضطرين تسوين للجماعة كلها لأن مو حلوة تطبخين و تحملين صحنش وتدخلين في غرفتش :ss:

ما ادري إذا الوضع فعلاً صعب وإلا بس انا اللي مستصعبته :(

لا اختى الوضع مو مستصعبته ؟؟؟ الوضع فعلا صعب ومش عملى كلش

اختي .. عزيزتي

الحمدالله انتو موظفين ومقتدرين .. يعني يا اختي ... تعيشين بمملكتج بروحك ولا تضيقين على عمرج ..

وايد ناس قالوها .. بعيش معاك لو على الحصير واخر شي ما تقدر تتحمل .. ياختي تحصرين نفسج بغرفه .. وماتقدرين حتى تضحكين.. ولا تعصبين ولا حتى تسولفين براحتج..

ياختي لو تاخذين شقه مكونه من حجره وصاله وحمام كرم السامع ومطبخ ارحم لج من انج تعيشين بغرفه وحمام بس .. واربع اطوف

ياختي انا مع ( أيسكريم)

شي ضروري تضمنين سكن خاص فيج ... الواحد يقدر يضبط نفسه ويعشي على المصروف المتوفر له .. يعني تقدرين تعيشين نفسج حتى لو بمصروف مئتين دينار..

و لا انج تعيشين قهر وضيم..والا زوجتك ما ساعدتنا ماطلعت ماسلمت ليش نايمه هالكثر وينها كل عند اهلها .. وطلعتج محسوبه عليج ودشتج محسوبه عليج ,,, الا ولدج ما يبتيه لنا ... الا قاعده بالحجره حابسه روحها ... والقائمه تطول

روح بعيد وتعال سالم.... وخلج بعيده تصيرين حبيبه....

انا عايشه في ملحق منفصل في بيت اهل زوجي ,,, وبابي على الشارع .. وحتى الفتحه الي بيني وبينهم سديتها قبل لااتزوج .. مثل ما قالت ايسكريم كل صوتنا بيطلع وكل حجينا ينسمع ...

هذي رأيي والقرار لج

ام جنى

بنت كتكوته

الغالية البيت طبعاً افضل من كل المقاييس خاصة انه انتوا متفقين على هذا الشيء من البداية وبصراحة غرفة وحمام ما تخلص لكم لانة بتضيقون على عمركم وأهل زوجج لو فعلاً يبون ولدهم عندهم كان ما رفضوا انه يبني في القسم ... الغالية شو سبب رفض ابوه غريبة رفضه هذا ولده ولكن اب وأم يريدون عيالهم حولينهم ... بصراحة نوعيه الاهل ما تطمن إذا من البداية رفض بناء الله يعين تاليها ...

الغالية اذا كان سبب الاب مقنع حلو اخذوا شقة برى في مكان ثاني والله يعينكم على الايجارات لان بصراحة غرفة وحمام تكفيكم لمدة سنة حدكم ... لكن بعدين بتصير المشاكل ليش ما طبخت ليش ما تقوم تساعدنا ليش ما نظفت وتعالي وخذي بتبدأ مشاكل المفروض تكونوا بعيدين عنها من البداية الغالية عش الزوجية من حقج وهو غذا ما يقدر يوفر سكن ليش يتزوج ... والغريبة انكم شارطين عليه من البداية فليش يقدم على خطوة هو ما يقدر عليها ....

آيسكريم

الغالية بعد انتي موقفة غريب من رفضة لسد الفتحة الغالية هذا بيتج وسد الفتحة من حقج ... إذا تبينه يسدها هذا من حقج والا يتحمل وييب لج شقة ... اللي انتوا شارطينها عليه أظن الغالية هو رجال وحتى لو ما انكتبت بالعقد المفروض يكون جد كلمته وينفذ هذا الشرط ويكفي الشهود الغالية ... ومن حقج بيت الزوجية اللي انتي ترتاحين فيه ...

وانتوا الثنتين بعدكم بالبر وبصراحة من وجهة نظري انا اي شيء شراكة ما ينفع ابدا ... لان النية السيئة في ابناء إدم موجودة والا لما خلى الله الظن السيئ إثم ... وهذا الظن السئ للاسف يجر معاه شكوك وظنون ممكن تدمر بيت وأسرة توها في بداية الطريق ....


العتب

شوفي حبيبتي غرفه وحمام ماراح تقدرين تاخذين راحتج فيهم
دام تقدرون تتحملون مصاريف الاجار استأجروا حتى لو شقه صغيره غرفه وحمام وصاله ومطبخ مؤقته على الاقل تاخذين راحتج وتبعدين عن المشاكل
لكن اذا ميزانيتكم ماتكفي تحملي وربي يفرجها ان شاء الله
ولاتخسرون وتبنون فبيت اهله فلوس البنيان خلوها للاجار او يمعوها عشان تبنين بيتج بالمستقبل ان شاء الله

الله يفرج همك ويسعدك ان شاء الله
انا اشوف الافضل تسكنو فى شقه لوحدكم لان بصراحه اغلب المشاكل بتحصل من اهل الزوج وبعدين بتكونو براحتكم فى بيتكم

اختتتي فكرري اب عقللج مو بقلبببج ترة الاجارات الحيين واااااااااااااااااايد مرتفففعة ونتو تدرووون وتشتغلوون وايد صعععبة يعني حتى ماعندج وققت تنضفيفن شقق وتشتريين اثاث كثيير او واييد سكني اب غرففة صغيرة وحمام وللمن تكملووون اتاجرو وربي يوفقققج

العتب;10452352:
بنت كتكوته

الغالية البيت طبعاً افضل من كل المقاييس خاصة انه انتوا متفقين على هذا الشيء من البداية وبصراحة غرفة وحمام ما تخلص لكم لانة بتضيقون على عمركم وأهل زوجج لو فعلاً يبون ولدهم عندهم كان ما رفضوا انه يبني في القسم ... الغالية شو سبب رفض ابوه غريبة رفضه هذا ولده ولكن اب وأم يريدون عيالهم حولينهم ... بصراحة نوعيه الاهل ما تطمن إذا من البداية رفض بناء الله يعين تاليها ...

الغالية اذا كان سبب الاب مقنع حلو اخذوا شقة برى في مكان ثاني والله يعينكم على الايجارات لان بصراحة غرفة وحمام تكفيكم لمدة سنة حدكم ... لكن بعدين بتصير المشاكل ليش ما طبخت ليش ما تقوم تساعدنا ليش ما نظفت وتعالي وخذي بتبدأ مشاكل المفروض تكونوا بعيدين عنها من البداية الغالية عش الزوجية من حقج وهو غذا ما يقدر يوفر سكن ليش يتزوج ... والغريبة انكم شارطين عليه من البداية فليش يقدم على خطوة هو ما يقدر عليها ....

آيسكريم

الغالية بعد انتي موقفة غريب من رفضة لسد الفتحة الغالية هذا بيتج وسد الفتحة من حقج ... إذا تبينه يسدها هذا من حقج والا يتحمل وييب لج شقة ... اللي انتوا شارطينها عليه أظن الغالية هو رجال وحتى لو ما انكتبت بالعقد المفروض يكون جد كلمته وينفذ هذا الشرط ويكفي الشهود الغالية ... ومن حقج بيت الزوجية اللي انتي ترتاحين فيه ...

وانتوا الثنتين بعدكم بالبر وبصراحة من وجهة نظري انا اي شيء شراكة ما ينفع ابدا ... لان النية السيئة في ابناء إدم موجودة والا لما خلى الله الظن السيئ إثم ... وهذا الظن السئ للاسف يجر معاه شكوك وظنون ممكن تدمر بيت وأسرة توها في بداية الطريق ....


العتب

صح وانا هذا الي مستغربه منه انه ليش مو راضي يسد الفتحه شالمانع وهذا الي منرفزني اكثر :(

بس تو من شوي مكلمني تلفون وطبعا رديت فتحت له هالموضوع والي عرفته الحين انه بيت عمي اي تغير ممكن انه البيت يطيح كامل:ss: وانا خفت بصراحه لانه عمي الله يحفظه البنيان من اساسه غلط فمادري بصراحه حاليا قاعده اقنعه نطلع في شقه حتى لو انه يرضى نبني قسم ثاني في بيت ابوي ونقعد هني اريح لي

بس ناطره ونجوف شصير معاه :( دعواتكم بنات


وفعلا اختي نوره وهذا انا الي قاعده افكر فيه واحاتيه وموعاجبني

وانا مع البنات الا قالوا لج لاتستلمين وتضلين في غرفة وحمام ترى صعبة صعبة صعبة
وفعلا الا تعيش في بيت عمها ماينوبها الا وجع القلب
هذي ماشفناها هذي ماتقعد معانا هذي ماحضرت هذي وهذي وهذي وتعالي لعوار القلب وبتتهاوشين ويا زوجج عشان اسباب صغيرة

بيت اهل الزوج مهما كانت طيبتهم بس بالنسبة لهم زوجة الولد يعني معناتها العاصية المتمردة وعلى بناتهم سوين الاتبغيه اهم شي راحتج

والله يوفقج..

ابعدي عن الشر اول الطريق يااختي ولا اخرة احسن ماترضين الحين واذا سكنتي خلاص يثقل علية انهخ يطلع واهله مراح يرضون

بناااااااااات خوفتوني..:(

زوجي باني الشقة في بيت عمي وما باقي الا الإضاءة والأثاث وبس:ss:

أهل زوجي واااااجد طيبين لكن ألاحظهم دائما ينتقدون زوجة حميي ويقولون ما تجي تقعد ويانا..ووين رايحة..وليش حاطة مكياج..واي أحد يجي ليها هم أول ناس عارفين وحتى إذا بيشترون عشى من بره نعرف وش جايبين وياهم..واني هالوضع كللللش ما يعجبني:ss:

وهو بنى وخلص..وش أسوي الحين؟؟

وكلمته وما رضى انه نطلع في شقة بروحنه واني مقدره الوضع..لأنه حرام ندفع 200 دينار حق شقة احنه عندنه شقة جاااااهزة وحليوة بعد..مع العلم انه بيت عمي بعيييييييييييد عن بيت أبويي...

خايفة من المستقبل..:(

وش تنصحوني بنات

بيت عمي يحبوني واجد وما أبي أزعلهم ولا في يوم ومستحيل ما يصير زعل اذا عشت وياهم في نفس البيت لأنه أكيد بتصير انتقادات عليي
:(

اختي دامك في بداية الطريق اطلعوا شقة واذا على المصاريف بتقدروا تدبروها

بس لو رحتي بيت اهل زوجك مهما كانوا طيبين معك ما رح تقدري تغيري نظرتهم لك انك زوجة ابنهم واكيد بتكونوا فالواجهة

اختي انا من قبل الزواج شرطت اني اسكن بروحي من كثر ما اسمع عن المشاكل .. هذا غير عن اني احب الخصوصية واكيد محد ما يحبها .. واللي اوله شرط اخره نور

والحمدلله تدبرت الامور

اختي قيسيها من كل الجهات ولا تتسرعي .. ترا نظرة الرجال بتكون غير لان هذا بيت اهله واكيد بيرتاح فيه ..

في الوقت الحالي بما انكم لسه طلاب واكيد موظفين برواتب غير مرتفعه بما انكم غير جامعيين
عيشي زي ما قال والد زوجك وتحملي شويه لانه ارتفاع الايجارات مشكله وجربي الوضع واذا ما عجبك الحال
دوروا شقه رخيصه واسكنوا لحد ما الله يفتحها عليكم
تحياتي غاليتي