مساء الخير ياحلوووين
قصدي صباح الخير خخخخخخ
شلونكم وشخباااركم
اليوم حبيت انزل لكم موضوع خفيف وسررريع
وان شاء الله يعجبكم
هالفترة منتشرة عندنا بالقسم انفلونزا المناكير خخخخخخخ
عاد صادتني العدوى :( قلت خل انزل لكم لووك بسيط
وان شاء الله يعجبكم
بس قبل لا ابدا لازم اذكر
(i)[BLINK]الموضوع مجهوود شخصي لا احلل نقله بأي شكل من الاشكال[/BLINK](i)
يالله تعالوا معاي نشوف وش الادوات المطلوووبة
طبعا مو شرط نتقيد بنفس المناكير اللي انا استخدمته
كل وحدة واللي متوفر عندها
مناكير ذهبي من Enchant
مناكير اسود من Midie
مناكير احمر من Flormar
فرشاة ضعيفه للرسم
بنسة شعر
والحين نجي للخطوووات
طبعا اول شي لازم نبرد الاظافر ونرتبها ونجهزها للمناكير
عشان يطلع عندنا اللوك النهااائي احلى
ونحط فيها البيس عشان نحميها
واعذرووني ماصورت لكم هالخطوووة
والحين نبدا بخطوات اللوك الاساسية
(1)
اول خطوة نحط طبقة او طبقتين من المناكير الذهبي
طبعا بنحط طبقة او طبقتين على حسب المناكير اللي مستخدمينه
اذا شفتي ان طبقة كفايه خلاص
ما يحتاج تحطي الثانية
ولازم نمهل فترة كاافية بين الطبقة والثانية لين يجف المناكير عدل مددددل
وانا هني حطيت طبقتين
والمفروض اللون الذهبي يكون افتح من هالددرجة عشان يطلع اللوك احلى
بس انا استخدمت هذا لان ما عندي افتح منه
(2)
ناخذ شوي من المناكير الاسود ونحطه على ورقة
ونبدا نرسم خطووط باستخدام الفرشاة الضعيفة
نرسم خطين او ثلاثة مثل ما نحب وعلى حسب مساحة الظفر
ومو شرط نرسم على كل الاظافر
نقدر نخلي بعضهم فاااضين
يعني كل وحدة وذوقها ولمساااتها الخاصة :tongue:
(3)
الحين بهالخطوة ناخذ شوية مناكير احمررر
ونحطه على الورقة ونبدا نحط نقط على طرف الخط باستخدام البنسة
يعني غمسي طرف البنسة في المناكير وحطي نقطه على الخط
وكرري العملية لين يصير عندنا الخط بهالشكل
الصورة مو واضحه حيييل
رسمت لكم شكل توضيحي عشان تفهموا قصدي
وبس نضل نكرر العملية على كل الخطوط اللي رسمناها
وهذي اللووك النهائي
اعذروني التصوير مو وااضح حييل
وان شاء الله يكووون اللوك عجبكم
في انتظار تعليقاااتكم
