مت من البكاء وهو يضحك قمة القساوه

السلام عليكم

بنات انا متابعه منتداكم من زمان بس صراحه ماني مسجله عندكم ودخلت بعضوية صديقتي وهي مب بس صديقه هي اخت لي

المهم بدش في الموضوع انا قبل فتره حطيت لكم مشكلتي والسبب عناد زوجي لي ماله مبرر معي وهذا رابط الموضوع http://forums.3roos.com/t468532.html

واليوم صارت مشكله كبيره بسبب نفس الموضوع القديم الي هو زيارة اهلي مايبا يسافر معي نزورهم للعم صار له من زيارة اهلي اكثر من 8 سنوات وانا 5 سنوات وعندي اخت ساكنه بدول قريبه منا لي سنتين من زرتها

كنت ناويه نسافر على عيد الفطر بس هو رفض قلت خلاص خليني اصبر وخليمها بعد اعيد يمكن ربي يهديه امس خبرته انه ياخذ اجازه من الحين على اساس نسافر للعيد عند اهلي
سكت اليوم جا يقول اخذت اجازه على العيد واختار اي بلد نسافر لها كان هذا الكلام على الغدا اللقمة وقفت بحلقي وعرفت انه مايبا يسافر عند اهلي قلت له ابا اسافر لهلي من زمان مارحنا لهم رد قال واحنا اي اجازه نسير لاهلج ياشيخ اتقى الله صار لك سنين مارحت عند اهلي طبعا هل كلام كان بسري المهم اجيله من هني ومني ولا هو راضي قلت خلاص خله لبعد ما يقوم من النوم ونام وانا ميته قهر من هل رجال الي لا يقدر ولا يوجب قام على صلاة العصر صلا وجبت الشاهي وفتحت الموضوع وبنفس النبره ونفس الجمله ماني رايح عن اهلج تبين تسافرين روحي بروحج واذا تبينا نسافر مع بعض اختاري اي دوله ثانيه قلت له ليش ما تبا عند اهلي احد يضايقك منهم قال لا وانا متاكده ان ماحد سوا له شي مثل ماكتبت لكم صارله 8 سنين مراح لهم واذا اتصل عليهم بس با الاعياد والمناسبات المهم حاولت افهم منه سبب الرفض قال لي جيه عناد مابا اروح معاج هني حزت على نفسي وقعدت اصيح وانفجرت اول مره وقلت له مثل ما انت تباني اقدر اهلك وانت بعد عاملني با المثل اذا زروني اهلك اكرمتهم وزياراتي لهم منقطعت اذا رحت لهن اروح معاك ليش والله اني ما امدح نفسي اني انا اتصل على امه اكثر ماهو يتصل في العيد انا الوحيده الي ذكرتها وجبت لها الهديه من الشيل والجلابيات والعطور وعزمناهم في العيد وشلتهم على راسي وكل هذا وهو ماهو مقدر شي صدمني رده يوم سمع في نبرة صوتي العبره قال لو قعدتي من الحين لين بكره تصحين ماني رايح وربي انقهر وانفجر وقعدت اصيح من خاطري ليش كل هل قسوه ذكرته ان بنت عمه بزواج بنتها كان ماعنده اجازه ومايقدر يروح لهم قالت له ترا اذا ماجيت وحضرت العرس بزعل منك اخذ اجازه مرضيه على شان يرضيها مارد علي قلت له زين سويه على شان مو حلوه عقب هل سنين اروح لوحدي ابا اروح معاك اتشرف فيك عند اهلي ويحسون اهلي ان لي قيمه عند زوجي رد علي ببرود وعناد مابيهم يحسون بشي وهل شي مايهمني:confused::confused::confused: يعني انا اجيه شمال يروح لي يمين اخر شي قال انتي ماتذكرين غير الشي الي مو حلو لا تنسنين اني جبت لج وعطيتج وفاتح لج حساب وعندج رصيد بمبلغ وقدره وربي يا بنات حسيت انه يذلني طيب ما انا زوجتك وهل شي من حقي والي طلبته منك بعد من حقي لو اني شايفه اهلي من قريب كنت طنشت وعديتها خلاص ماقدرت ورحت غرفتي من المغرب لساعه 10 اصيح وهو ولا همه يسمعني ابكي بغرفتي وهو يلعب مع العيال وربي حسيت ان مالي اي قدر عنده واي شي اسويه بنضره ولا شي غيرت بنفسي اشياء وايد عشانه وهو مايعرف ولا يشوف غير الشي الي مو زين اذا السنين ووقفتي معه في شدة ازمته لمن قعد سنتين من غير شغل ما غيروه ماعتقد شي بيغيره في فتره جلوسه من غير شغل كان يبني لي قصور في الهوا انه راح يشلني على كفوف الراحه ما انكر انه مادياً مو مقصر بس خاطري ونفسي احس ان الي قدر عنده انا مارحت عند اهلي كنت مقدر وضعه المادي بس هو ماقدر ان لي سنين مارحت لاهلي للعم ان اخوانه كل سنه يروحون مع حريمهم عند اهلهن

ادري اني كثرت با الكلام بس كنت ابا ارتاح بجد مخنوقه ان شاء الله احصل منكن النصيحه