تحذير من الاسكينول وكبسولات الدلاسين

السلام عليكم ورحمة الله وبركاته

ايش اخباركم يالعرايس ان شاء الله طيبين

اكيد بتعرفون ليش كاتبه تحذير

حابه اعرض تجربتي وانا كتبت عشان احنا مسلمين ولازم نخاف على بعض الواحد مثل مايخاف على نفسه لازم يخاف على غيره المهم مسختها وراح ادخل في الموضوع

انا من زمان اقرا خلطة الاسكينول وكبسولات الدلاسين لحب الشباب المهم شريت المكونات وبديت استخدمها وكان ذا الكلام قبل امس اول مامسحت وجهي فيه كان الوضع طبيعي بس بعد ما مرت ربع ساعة رحت بانام الا قلبي يدق بسرعة بشكل يخوف وجاني ضيق تنفس ودوخة فضيعة والم في راسي من فوق المهم خفت ورحت غسلت وجهي من الخوف والله لحظتها مدري وش اسوي صرت استغفر وانا خايفة واستمريت على هذا الوضع تقريبا ساعة وربع حتى راح ضيق التنفس ودقات قلبي خفت .

المهم يابنات اتمنى محد يغامر مثل ماغامرت والله يابنات نصيحة لانه الانسان اهم مايملكه صحته اذا فقدها معناه فقد حياته لانه بصحتك تقدرين تصلين وبصحتك تقدرين تصومين وبصحتك تاكلين وتشربين وبصحتك تروحين وتجين واشياء كثيرة



معاليش طولت عليكم سامحوني واتمنى تتقبلون نصيحتي

اختكم :

عبوره@