بيب بيب كيكة المانجا وصلت بالخطوات المصورة من مطبخي

أخويا الصغير لما سافر مصر آخر مرة أكل هناك كيكة المانجا من أحد المحلات وأعجبته جداً ممم ومن حد مارجع لحد هلئيت وهي جاية ع باله فقررت أعمله ياها مفاجأة لانه بصراحة احنا ما بنعملها لكني دورت وبحبشت وشفت اكتر من طريقة وبعدين رتبت افكاري وقررت أعملها بالشكل اللي انا مقتنعة فيه والحمد لله كتيييييير طلعت زاكية والكل عجبته ومضلش منها اشي :D

نيجي للأهم وهو الخطوات .. والصووور .. وياريت تقيموني يابنات لو اعجبكم موضوعي



تم تم تم تم تم تم


باسم الله خلينا نبدأ


اللي بلزمك يا عروستنا الحلوة هو التالي واشياء بسيطة ومتوفرة
أولاً كيكة بس تكون على طعم الفانيلا والحليب بس ..ممكن تكون جاهزة او انتي تعمليها على الطريقة اللي تعجبك وعموما انا عملت الكيكة وكان عياري فيها
كبايتين طحين وكباية سكر و3 بيضات و2 بيكنج باودر و2 فانيلا ونص كباية زيت مازولا وكباية حليب وبسسس ..
وبلزمك كمان كريمة ممكن تعمليها او تجيبي من دريم ويب وشرط تكون كريما على فانيلا كمان
وبلزمك عصير مانجا وكمان مانجا فرش ..







وبيلزمنا كماااان سكيييييييييينة تنأطع فيهاالمانجا و الكيكة







المووهيم يابنات بعد ما نأطع الكيكة لو كانت سخنة ضرووووري تخلوها تبرررد تماماً مشان لما نحط عليها الكريمة ماتسيح ووبدال ما ناكل الكيكة ناكل اصابعنا من الندم







طييييب وبعد هيك؟؟
بنخفق الكريمة



وبعدها؟؟
انا جبت وعاء عميق مدور ولفيته بورق الالومينيوم مشان اشتغل عليه وحطيت ورق الالومينيوم مشان لما اقلبه بالاخير ما تلزق الكيكة في الوعاء وبنبدااا الطبقة الاولى بس لاحظي حتى لو تكسر معك او تفتت الكيك مش مشكلة لانه رح يتماسك كله مع بعضه ورح تشوفي كيف كمان شوية ..









بعد ماحطينا الطبقة الاولى بنرش عليها شوية صغيرة من عصير المانجا وبعدين بندهن الكريمة وبنحط مربعات المانجا الفرش










وبعدين بنغطيها بقطع الكيكة
وبنكرر نفس العملية وبصير عندي 3 طبقات بحاول اني اضغط عليهم مشان يتماسكوا وبعدين بقلبهم وبكون شكلهم هيك ..







يتبع الرجاء عدم الرد لحد ما اخلص ..