أذية الجوال
أحلامي مالها حدود
12-10-2009
20 رد
1,013 مشاهدة
أ
أحلامي مالها حدود
عروس مشاركة
12-10-2009 | 03:18 PM
السلام عليكم
أخواتي عندي مشكلة لها سنة , انه بتجيني اتصالات من شخص يعرف اسمي وفي كل مرة يتصل من رقم غريب مرة جوال ومرة ثابت وأنا من يوم مااسمع صوته اقفل في وجهه ولاعاد ارد عليه , ويبطل يتصل شهر وشهرين ثم يرجع , مرة خليت زوجي يتصل عليه ويكلمه فصار يستهبل على زوجي , ماني عارفة ايش اسوي , اكيد بتقولون لاتردين على ارقام غريبة , اقولكم انا احيانا عملي يتصلون علي من ارقام غريبة فلازم ارد , واحيان يكون احد اعرفه غير رقمه فيتصل علي .... افكر اغير رقمي بس هالرقم عزيز علي من يوم ماطلعت جوال وهو مميز..
المشكلة انه مايمل , صاحبتي تقولي هذا احد يعرفك انت وزوجك ... ايش رأيكم ايش الحل معاه؟
اليوم متصل 5 مرات من 5ارقام غريبة؟
لاحول ولا قوة الا بالله
والله مدري شقول لج هذا وااحد شكله فاضي وماعنده شغله الا اذية الناس
اذا غيرتي رقمك وبترتاحي منه غيريه وش تسوين ولا هالاذيه
والحمدلله ان زوجك متفهم
وحاولي اذا اتصل تشوفين احد من شركة الاتصالات يطلع لك الرقم باسم من
اي رقم يتصل منه سواء البيت او الجوال
والله يبعده وبيعد عيال الحرام عنك
تقبلي مروري :)
لا اختي
بصراحه اختي الحل عندج انتي شوفي اذا هالرقم بجيب لج المشاكل وعوار الراس
لو يكون الرقم شنو مميز خلاص بلايه اشتري راحتج احسن من انج تحتفظين بالرقم
وبعوار الراس تقدري تسكرين هالرقم فتره معينه على الاقل شهرين 3 واستخدمي رقم ثاني
وحاولي ماتعطينه اي احد وهم في حل ثاني ليش ما ريلج يروح يبلغ على الرقم
دام انه مضايقج يروح يقدم بلاغ عليه وبعدين راح ترتاحين راح تعرفين من هالشخص
مفيش حل اختى غير انك تغيرى الخط
والله يبعده عنكم
أ
أحلامي مالها حدود
عروس مشاركة
12-10-2009 | 04:41 PM
طيب كيف نبلغ على الرقم ؟
يقولوا لازم احد نعرفه في شركة الاتصالات هو اللي يجيب من هو هذا الشخص ؟
المشكة ان كل شوية من رقم يعني مو رقم واحد ...
الله ينتقم منه يارب
M
Mŏŏn¥ El3ăsălzZ
عروس ماسية
12-10-2009 | 04:53 PM
حبيبتي فيك اكيد تطلعو مين اصحاب هالارقام هاي وتعرفو مين,,,يمكن يتأدب ولو انها هالاشكال ما بتتأدب ولا بتعرف الادب اساسا,,,
غيري رقمك,,احتفظي فيه لانو عزيز عليك متل ما بتحكي بس جيبي رقم تاني للاستعمال,,,والله يبعد عنك وعن جميع المسلمين كل اذى يا رب..
ا
العجـ مدام ـمي
عروس برونزية
12-10-2009 | 04:58 PM
حبيبتي لا تردين على ارقام غريبه والشغل عطيهم رقم جديد .. واللي يبغاج وغير رقمه يطرش مسج..
وبلغي عنه عادي قولي انا في شخص مزعجني ويدق من كذا رقم.. وعطيهم الارقام.. وبس
عمري غيري رقمك
مايسوى تعب القلب
و اكيد يعرفوك ويحاولو يخربو حياتك
اطلبي رقم ثاني مميز بعد و اذا رد و اتصل عليك نفس الشخص
تأكدي 100% ان ها الشخص من معارفك
ياعمري البلاغ مو لازم تعرفي احد من شركة الاتصالات
فقط يروح ويقول لهم انا تجيني اتصالات من كذا رقم من نفس الشخص
و دايم احصل اذى منه وهم راح يراقبو الاتصالات الي تجيك بعدها راح
يتصرفو معاه
غ
غريبه بلا عنوان
عروس جديدة
12-10-2009 | 05:01 PM
شوفي حبيبتي انا اشير عليكي انك تغيري رقمك او انه كل ما تسمعي صوته قفلي بدون ولا كلمه في الاخير اكيد راح يمل واذا كنتي حاسه ان زوجك ممكن يتضايق من الازعاجات غيري رقمك.............وسلامتك
أ
أحلامي مالها حدود
عروس مشاركة
12-10-2009 | 05:13 PM
شكرا على المشورة
شكلي راح اغير الرقم
الله يعنيج على ما بتلاج انا بقول لج قصتي وانا مو متزوجة وكم رقم غيرت والسبب عيال الذين شوفي اول رقم كنت مابي اغيره لانه هدية من امي لي يوم دخولي الكلية بس ارقام من داخل وخارج الديرة شكيت انه مستعمل من قبل بس انا مطلعته مع امي من مركز الاتصالات قلت ماعليه بغيره اهم شي راحة بالي وخذيت رقم بقراطيسه جددديد بس مو مميز قلت عن المشاكل يعني المميز يكون سهل وحلو خذيت رقم وبس وطلع يااااااااااااربي ازعاج من داخل الديرة انصدمت مرة ثانية قلت ماعليه يا بنت هم غيري الرقم اهم شي راحةبالي وصدفة شريت رقم بقراطسيه من المركز بعد بس طلع مع الاسف مميز وسهل الحفظ يااااااااالله ارحمني ازعاجات مو طبيعية كلش قلت خلاص شكلي ما بشيل جوال معاي ولاشي بلا هم ووجع راس صرت اشك في البنات قلت معقولة في احد ينشر رقمي بس انا واثقة مليون في المية في البنات اللي اعرفهم الحين عقب عناء طويل خذيت رقم جديد والحمد لله مميز وجميل وبدون ازعاج الحمد لله شوفي انتي غيري رقمج وخبري الشغل عنه وفوق ذي مثل ماقالوا البنات اللي بغير رقمه يطرش مسج انه غير الرقم واذا على الشغل اعتقد تعرفين رقم مفتاح الشغل على سبيل المثال 123 هاي بداية رقم الشغل هني ردي بس غير جذي لاتردين وهني راح تعرفين اذا في شخص يعرفج او لا اذا هالمزعج من معارفج بينعرف وهني شوفي شغل الله خلي زوجج يتصرف معاه
اتمنى اني فيدتج
خلاص مافي مشكلة دام زوجك يعرف خلي الجوال عند زوجك فترة بس او اذا اتصل لاتردين قفلي بوجهه على طول قولي لجهة عملك اذا تبون شي ارسلو رساله ماارد على ارقام غريبة
اذا كنتي تابعه لشركه الاتصالات في خدمه جوال كنترول لحجب الارقام الغير مرغوب فيها
اما موبايلي في خدمه راحتي
هذي الخدمات تقدري تسجلي فيها عن طريق موقعهم في النت
ب
بنت امي و ابوي
عروس رائعة
12-10-2009 | 07:57 PM
حتى لووو بلغتي يقدر يظهر ارقام ثانيه باسامي حد يقرب له و بيتم يأذيييج ...
غيري رقمج و الله هذيل محد يسوي الهم سالفه..
انا مره واحد متصل و لا رديت عليه عطيت الرقم ريلي على طووول اتصل له ريلي و تم الريال يقووول و الله حرمتك تتصل فيني و تأذيني تخيلي :( يعني غيري رقمجج و فكي عمرج
بلغي الشرطة
احنا عندنا قانون ان الواحد اذا اذى شخص بالجوال يتعاقب
حبوبة الرقم خليه معاك وطلعي رقم ثاني للدوام لو بطاقة مدفوعة اللي بالرصيد ونكون بأسم زوجج... تكون خااااااصة للدوم الغالية ... واللي عندج الحين لا تردين على ارقام غريبة فهمتي لين ما يمل ... او الافضل ان زوجج يتخذ موقف حازم ويشتكي علية بالشرطة ويتأدب الغالية لان ما في حل لمثل هالأشكال ... الا الردع بالقوة والبتهزئ القوي
الغالية عندج عيال ؟؟؟
العتب
سوي حظر الى مكالمااته
<< صارت معي
وسويت حظر من اي رقم يتصل لي عليه
وبهيك توقفت اتصالاته والحمدالله
غيري رقمك وارتاحي ,,, وعملك واصحابك المقربين جدا واهلك المقربين جدا اعطيهم الرقم الجديد ,,, وبكذا رح ترتااااحي ,,,
والحمد الله زوجك متفهم ,,,
موفقه
عزيزتي غيري الرقم وريحي بالك . ومهما كان الرقم عزيز عليك بس مو اعز من راحة بالك . وطلعي الرقم الجديد بإسم زوجك .
وبعدين اذا الشخص اتصل بك على الرقم الجديد إعرفي انه شخص يعرفك وتعرفيه يعني اما من معارفكم او شخص معاك بالدوام . وهالمرة اذا اتصل بك عالرقم الجديد خلاص خلي زوجك يهدده بأنه بتروحو الشرطة وتبلغو عنه وبيجيبو اصحاب الارقام كلها وانه بينكشف وانكم ما بتتنازلو عن حقك .