عصير البرتقال ,,, قولولي عنه ؟؟؟

&

ღღ دريـــم ويــب ღღ

عروس ركن النساء والحمل والولادة

12-10-2009 | 03:00 PM

هلا امهااات شخباااركم عساااكم بخيررر

بنتي ميوووسه الله يحفظها عمرها شهر بالضبط
صار لها اربع ايام عندها امساك ولمى اجي ارضعها تصرخ وتودي راسها يمين يسار كانها مجنونه وتكسر خاطري تتعصر ولايطلع شي

وديتها الدكتور وحط لها تحميله وتبرزت وارتاحت..

وقالي اعطيها بين كل يومين عصير برتقال مخفف بماي 50 ملل ؟؟

وانا خايفه ان يضرها عصير البرتقال وهي توها عمرها شهر ؟؟

وانا اعطيها حليب صناعي وطبيعي بنفس الوقت لان احسها ما تشبع وحليبها اس 26 مدعم بالحديد؟

ومحتارة شنو اسوي وياها اعطيها عصير برتقال ولا اغير حليبها مع اني بس بالليل اعطيها رضعه وحده 120 ملل

م

مراوي

عروس ماسية

12-10-2009 | 03:08 PM

اول شي حليب اس 26 معروف انه ثقيل فلازم تغيرينه

و البرتقال معروف انه يسهل البطن بسرعه للاطفال بس بما انها عمرها شهر تقدرين تستبدلينه باعشاب

امي تسوي حق ولد اختي مغلي ماي ورد تشترين الورد مجفف من الحواج و تغلينه و تشربينه للياهل

ماراح يعدي اليوم الا و هي مسهله ان شاء الله

ش

شاعرية

عروس متألقة

12-10-2009 | 04:31 PM

مثل ما قالت لج مراوي حليب اس 26 ثقيل ع الاطفال

ومو كل طفل يتحمله .. لو تغيرينه يكون أفضل

جربي ابتاميل أو نان ....

أنا أعطي ولدي ماي الحلوة لما يصيده امساك ومفعوله يبان خلال دقايق او بالكثير ساعه

وهو مناسب منذ الولاده ..

~

~ om 7o0or ~

عروس مشرقة

12-10-2009 | 11:39 PM

ماي الحلوه وايد زين حق تسهيل البطن

ان شاء الله الله يسهل لها

ذكرتيني بمعاناة بنتي قبل

ا

ام حمود 2005

عروس مبدعة

12-10-2009 | 11:45 PM

ماي الحلوة زين وماي الغريب بعد زين الله يساعد بنتش

ك

كلمة الحياة

عروس ماسية

12-10-2009 | 11:50 PM

انا بنتي يوم كانت بعمر بنتي امي دايم تعطيها ينسون
وااايد زين يمشي البطن وتقدرين تعطينها تحميلة بس لمده 3 ايام وبعدين توقفين وان شاء الله بيمشي بطنها

س

سندريلا الكون

عروس ركن التربية و الطفل

12-10-2009 | 11:54 PM

عندك الااعشاب وما غريب
ونقوع التمر زين وعصير برتقال مايضرها انشاللله اذا خففتيه

وان بنتي اول ماجاها الامساك كان عمرها اربع ايام بس
راحت امي الله يعافيها ونقعت 5حبات رشاد بشويه ماي وحركتها وعطتهم بنتي وبعدين الحمد لله بطنها صار يمشي زين

&

ღღ دريـــم ويــب ღღ

عروس ركن النساء والحمل والولادة

13-10-2009 | 12:10 AM

مراوي;10444385:
اول شي حليب اس 26 معروف انه ثقيل فلازم تغيرينه

و البرتقال معروف انه يسهل البطن بسرعه للاطفال بس بما انها عمرها شهر تقدرين تستبدلينه باعشاب

امي تسوي حق ولد اختي مغلي ماي ورد تشترين الورد مجفف من الحواج و تغلينه و تشربينه للياهل

ماراح يعدي اليوم الا و هي مسهله ان شاء الله

ان شاء الله اجربه
مشكورة عزيزتي

&

ღღ دريـــم ويــب ღღ

عروس ركن النساء والحمل والولادة

13-10-2009 | 12:52 AM

شاعرية;10444960:

مثل ما قالت لج مراوي حليب اس 26 ثقيل ع الاطفال

ومو كل طفل يتحمله .. لو تغيرينه يكون أفضل

جربي ابتاميل أو نان ....

أنا أعطي ولدي ماي الحلوة لما يصيده امساك ومفعوله يبان خلال دقايق او بالكثير ساعه

وهو مناسب منذ الولاده ..

الله يعطيج العافية ان شاء الله اجرب ماي الحلوة

&

Ɯα7śнтƞφ ŠώαŁƪϜЌ

عروس مشرقة

13-10-2009 | 01:13 AM

دريم حبيبتي ,,

اول شي الله يخليلج بنتج ويحفظها يارب

ثاني شي سأليني عن اس 26 !

عانيت منه !

مسكين ولدي تأذى منه

وايد ثقيل واذكر وقت اللي اغسل مرضاعته اشووف مثل الدهن فيه

وياب له امساااك ..! وبعدها غااازاات ذبحه

رحت لدكتور ووصف لي سيميلاك ادفاانس والحمدلله الحين واايد مرتاح عليه

ويخرج الله يعزكم زين ..

يمكن ان تكون عندها احتقاان ,

اخذيلها عود اذن وحطي فيه زيت قليل في القطنه او فازلين ودخليه بالموضع , مكان الخروج

على خفيف حركيه وطلعيه انه كنت اسوي لولدي جذي اذا ماكان يخرج ويتم مده لان صعبه ان الانسان اكثر من يوم مايخرج يسبب له غازات وومغص ..!

واستخدمي له قطرات للمغض لان اهو بعد يسهل الخروج ,

وانه عن نفسي استخدم لولدي عصير برتقال والحمدلله ماشوف صاده اي مضاعفاات

انا قبل كنت اعطي ولدي من شهر لثلاث شهور منقووع الشمر اعطيه 20 في الرضاعه فقط ,!

وكان يخرج !

.

.. أمــ عــلــيــ ..

عروس ماسية

13-10-2009 | 06:22 AM

الأخوات ما قصروا ..
أحسن شي مغلي اليانسون محلى بسكر نبات ,, او مغلي النعناع محلى بسكر نبات ..
انا الآن اعطيه ولدي اذا صار عنده امساك .. والله انه وحده بوحده ..

و

ورود ناعمه

عروس رائعة

13-10-2009 | 08:46 AM

الله يشافيها انا ابني مثل بنتك من اول اسبووع امساك
لاتستخدمي عصير البرتقال صحيح نتيجه مضمونه بس احس
بعدها صغيره يمكن جسمها يتحسس منه

اليانسون جربي ناس كثير يمدحوونه
ماي غريب بس ماناسب ابني
ماي الحلوه كمان ماناسب ابني
استخدمته له حليب بليميل بلس AC (حق الاطفال الا معاهم امساك)
انصحك به لان زين وبنتك صغيره حليب يفيدها في نفس الوقت يعالجها
لان انا جربت اشياء كثير حسييت افضل شي الحليب لان اقل من 4 شهور
شوفي الا يناسب بنتك

&

ღღ دريـــم ويــب ღღ

عروس ركن النساء والحمل والولادة

13-10-2009 | 05:10 PM

~ om 7o0or ~;10447842:
ماي الحلوه وايد زين حق تسهيل البطن

ان شاء الله الله يسهل لها

ذكرتيني بمعاناة بنتي قبل

مشكورة حبيبتي

ق

قـــمــر

عروس مشرقة

13-10-2009 | 05:23 PM

حليب اس 26 عطيته ولدي اول ما جبته صاده امساك اسبوع كامل ما خرج
وامي ما قصرت سوت كلشي بدون فايده وبعدين الدكتور وصف لي حليب ايتاميل والحمدلله استفاد منه

ر

ربيعيه

عروس ماسية

13-10-2009 | 05:35 PM

دريمو ولدي الكبير كان يعاني من الامساك ولما اعطيته عصير البرتقال يوميا يمشي بطنه

ومافيه مضره الى بنتك لان مجربته مع ولدي وكان عمره اقل من شهر

N

NO*-*OR

عروس جديدة

13-10-2009 | 05:41 PM

اهلين اختي
في الصيدليه
شاااي اطفال استخدميه لهااا
انا ولدي استفااااد عليه
والله يكون بعونهااا وبعونك

أ

أم مرااام

عروس ماسية

13-10-2009 | 06:08 PM

مااء الحلوووة وااايد زين

و تقدرين اتحطينه برضعة المااي

و هذاا الامسااك بسبب الحليب اس 26

غيري يمكن ماا يناسبهاا

و ماا على ميووسة شر

n

nooral9ba7

عروس مشرقة

13-10-2009 | 06:18 PM

منقوع التمر زين وغيري الى الحليب سيميلاك ادفانس

ص

صاحبة الظل الخفي

عروس ماسية

13-10-2009 | 09:40 PM

دريمووووووووو
استخدمي حليب سيميلاك وايد زين
وعندج بعد النعناع واليانسون

d

dr.shahrazad

عروس مشرقة

19-10-2009 | 06:35 PM

السلام عليكم
اختي الغالية
للقضاء على الامساك نعطي سكر و ماء و عن نفسي انا ابني كان عندة امساك و تحسن على هذا العلاج و بالمناسبة انا طبيبة و لا افضل استعمال الاعشاب و لا عصير البرتقال لانة يوذي الطفل بهذا العمر