السلام عليكم اشلونكم بنات
حبيت اقولكم يا بنتوتات عن قصة صبغة شعري ويا صالون
انا شعري كثيف وايد وسميك (جنه بلاستيك مو شعر حشا) وطويل لتحت نص ظهري وانا طبيعتي احب الصبغ وايد
دلوني رفيجاتي على صالون بحولي يصبغون شعري ب 20 دينار لونين يعني بيس و هايلايت على طوله هذا
رحت للصالون ( صالون اسمه سانتا ماريا ) وصبغت شعري
ويا ريت ما صبغته ...نسوني مادري غاشين بالصبغة المهم شعري احترق وايددددددد
هذا الحجي قبل 4 اشهر .. المهم انا ما اقدر عندي عرس اخر الشهر والجذور اطلعت وشعري حده محترق لونه
قلت يا بنت ابي اصبغ مرة ثانية وهالمرة ابي اصبغ اشقر حده ( ما اتوب ابدا)
رحت لواحده اسمها مريم الحسيني كوافيرة (وتقول تحط ميك اب بس ما جربته بعد)
قلتلها ابي اصبغه اشقر كله قالت لي انسي شعرج محترق ما اصبغه كله اشقر (تخيلوا لو غيرها جان قالت اي وصبغت) وقالت لي بصبغ البيس واطلعلج خصل وما بفتحهم وايد وبقص شعرج بعدها
المهم قلت حق نفسي يا بنت خلنا نجرب (حقل تجارب مو شعر حشا لووول)
المهم صبغتلي شعري ...بعد ما خلصت حطتلي شي قالت لي انه تونر حق رنساج مادري شنو موموجود بالكويت يثبت الصبغ ويفتحلي الخصل شوي...
قلتلها اوكي .. اهي حطته من هني وانا شعري صار ازرق ..انا ويهي صار جذي
قالت لي لا تحاتين تعالي باجر اغسل شعرج وتشوفين النتيجة
المهم امى اطنزت على شكل شعري والكل تطنز علي شعري
رحت ثاني يوم غسلت شعري وقصته.. لون شعري صار اينن بني وفيه خصل اشقر فاتح
وقصتلي قصة مدرج تينن والله يا بنات ماحد عرف يصبغلي مثلها ولا يقص مثل قصتها .. الحين امي اللي كانت تطنز علي قالت ببتروح تصبغ عندها
.gif)
ورديت بعد جم يوم رحتلها قالت لي تعالي بحطلج خلطة بسحب الأمونيا من شعرج
صج صج هذي الكوافيرة بروفيشنال وتشتغل من قلب
انا بجرب عندها الميك اب والتسريحة وبقولكم يا حلوين راي بعدين
سلااااااااااااااااااااااام