قصة ولادتي بنور عيوني أحمد

السلام عليكم بنااااااات

حبيت انزل لكم موضوع بقصة ولادتي ومعاناتي في الطلق

بتاريخ 4-10-2009 موعد ولادتي والحمدالله بتاريخ 7-10-2009 ولدت بالسلامة وجبت حماده الساعة 12 وثلث في الليل

يوم ثاني الا هو تاريخ 5-10-2009 كان عندي موعد حق تخطيط فخبرتني الدكتورة ان امشي لأن مبين عندها ان في طلق وقالت لي بكشف عليج بجوف جم سانتي كشفت وقالت لي انتي واحد سانتي وخفت:ss:

المهم رجعنا البيت وزوجي يقول لي ان شاء الله تولدين وتفتكين الليلة وانا اقول له ان شاء الله بس من داخلي انا خايفة

جت المغرب وزاد الألم قلت حق زوجي بنصلي وبروح المستشفى لأن احس فيني طلق وكان يروح ويجي ، صلينا ودايركت رحت المستشفى اشوه دكتورة فرح كانت موجوده المهم كشفت علي الا تقول لي اثنين سانتي وكان ينزف علي دم قالت روحي تمشي واذا زاد الألم رجعي لنا انا خفت من الدم قلت لها بتم بالمستشفى :ss:وقعدت بالمستشفى وانا اطلق كل ساعة وانا اتألم وزوجي يحاتيني مسكين المهم ترقدت عندهم الى يوم ثاني وجتني الدكتورة الصبح الا تقول انتي الحين 2 سانتي ونص وانا اصيح اقول لها كل هالألم 2 بس قالت الظهر بمر عليج وبشوف جم سانتي وانا كنت خايفة قلت لها جوفيني بالليل عشان اكون متوسعة اكثر المهم جتني الظهر وقالت ان الطلق قاعد يزيد وضربوني ابره ونمت الى الليل بعدين جتني الدكتورة بالليل وشافتني قالت لي انتي الحين 3 وشوي ان شاء الله على الفجر تكونين والده قلت لها ان شاء الله ..

جت الفجر وانا ما ولدت بس قاعدة واون على زوجي وانا بسرير وهو بسرير ولا نام ثلاث ليالي ما نام بعد عمري بو أحمد ..

بعدين امي جتني الصبح الساعة 9 وجابت لي تمر وحليب وسمسم وانا كنت اطلق بشكل مو طبيعي ثلاثة ايام وانا اطلق وكان طلقي بارد يروح ويجي بس بعدين حسيت زاد الطلق ونادو النرسات على الدكتورة وجت كشقت علي وقالت لي انتي الحين 4 واستانست قلت ما بقى شي يالله قالت لي اذا وصلتي 7 سانتي بدخلج غرفة الولادة ما جت الساعة 9 في الليل خواتي كلهم كانوا عندي وامي وابوي وكانوا يتعشون بعد ومرة وحدة دخلت علينا الدكتورة وقالت لهم بس بكشف على تهاني دخلت وكشفت الا تقول 6 سانتي الحمدالله وبطت جيس الماي وصرخت صرخة على الساعة 9 ونص دخلوني غرفة الولادة وكان وياي زوجي واختي الكبيرة وامي وابوي وخواتي الباقي كانوا في الغرفة الي ترقدت فيها يقرون قرآن بعدين زاد الطلق علي وانا قاعدة ازوع وزوجي مجود لي الاوكسجين عشان يساعدني بس مو قادرة اتنفس لأن كل ما يجيني الألم ارجع فزوجي حصل زفة وطردته من غرفة الولادة بس كان مسكين ساكت عني لأن كان يحس وش فيني من الم بعدين الدكتورة قالت حق اختي الكبيرة طلعي الحين لأن ولادة وراحت اختي حق خواتي وامي وابوي وقالت لهم تهاني كلها دقايق وتولد بس كان زوجي وياي في غرفة الولادة من البداية الى النهاية، جتني الدكتورة رفعت رجولي وقالت يالله تهاني انتي قوية بوش هي ويه النرسات وانا اقول لها بمووت دكتورة ما اقدر وانا اسوي بوش يغمى عليي والنرسات يرشحون وجهي بماي عشان اقعد ودفعت ثاني مرة قالت لي اقوى تهاني ثالث مره الحمدالله طلع الراس وطلع حمودي وكان زوجي مجود يدي الا يقول لي الحمدالله وباس راسي قال حبيبتي مبروك جبتي أحمد وكان يصيح وجفته يصيح وقعدت اصيح سوينا فلم هندي:tongue: شعور جميل لا يوصف بصراحة والحمدالله الساعة 12 وثلث بالليل ولدت وجبت نور عيوني أحمد الي نساني الطلق ثلاث ليالي ونساني الألم كله .....:D ترى بنات الولادة ما تعور ولا الخياط الي خايف من الخياط لا يخاف بس الطلق هو الي يعور بصراحة :o

فديت أحمدي الله يخليه ويحفظه :D