بنات البحرين ابغى دكتور ل.......!!!

الله يساعدش خيو ويفرج همش وما على الولد شر ان شاء الله مرحلة وتعدي

ودية فحصي سمعة يمكن عندة مشكلة باذنة لا سمح الله هذا اول شي لازم تسوينة

وما يشوف شر

ما تشوفين شر اختي
ان شاء الله خير

إذا كنتي من البحرين وديه مركز الفاتح في مستشفى السلمانية يفحصون سمعه يمكن ما يسمع لا سمح الله

شلون طريقه لعبه
هل عنده مشاكل في التغديه ؟؟

وديه عند دكتور اطفال يمكن يفيدش
وما عليه شر ان شاء الله

ام حمود 2005
الشر ما يجيك مشكووورة خيو ...

كربلاء ..الولد يسمع بس ما يتفاعل وياي ولا يتكلم ؟مشكوووة خيو عالدعوة الحلوة له

ياريت ..الشر ما يجيك ...تسلمين

ام نور ..>>بالعربي
هل مركز الفاتح فيه عيادة خاصة لان يتأخرون بمواعيدهم عطونا نهاية شهر 11 وااايد بعيد ..


سندس 84..ما عنده مشاكل في التغذية عادي امره يأكل اي شئ بس اكثر شئ الحليب ..
واما طريقة لعبه اممممم
يأخذ له لعبة يجود عليها ويدور فيها ويرد يغيرها وهكذا يعني ما يركب مكعبات ولا يمشي السيارات لا بس يمسكهم .. ويدور حول نفسه مثلا او تشوفينه في عالم بروحه يحب اكثر شئ الكمبيوتر والتلفزيون انا خايفة ان عنده مشكلة غير النطق والسمع والله يستر عليه ؟
انت عندج خبره ولا بس سؤال عادي ؟

لب القلوب ..
المشكلة مو عارفة وين اوديه ؟ مشكووورة يا قلبي ..

هلا اختى
ماعليه شر ان شاء الله
الله يساعدش اختى
وديه دكتور اطفال يسوى له فحص شامل اول وخله هو يخبرج شنو فيه واى مكان تقدرين تودينه
فى دكاتره واجد زينين ويعرفون للاطفال فى البحرين وديه عند اى واحد وهو ان شاء الله يعرف ليه ويخبرج وين تودينه
وماعليه شر ان شاء الله.

اتصلي بمستشفى السلمانية واخذي موعد عند دكتور تخصصه للنمو والتطور نسيت اسمه هو ممتاز ....... وعندج اخذيه للدكتور حراز هو بعد ممتاز........

خيو وديه عيادة اطفال اسوون ليه فحص شامل اي مشكلة لا سمح الله بقولون لش
لا اخصائي سمع ولا حنجرة
اطفال وبس
شوفي ساهره يمكن اساعدونش
ما تشوفون شر والله يطمنش عليه

خيو حطي في بالج ان الاطفال قدرات واهم شي لا تطالعين باقي الاطفال وتقارنين بينهم وبين ولدج انا بالنسبة لبنتي يوم كانت في عمره ما تعرف للالعاب عدل بس مع الوقت تطورت وبالنسبة للسمع اختبري سمعه بنفسج ناديه وخلي انتباهه بس لج حطيه في حظنج وغني ليه ولاعبيه وشوفي واذا شفتين لا سمح الله عنده مشكله اعرضيه على دكتور اطفال وبالنسبة للفاتح هم متخصصين في هالشغلة عاااد انتظري ليج دهر على يجي موعده
وبالنسبة للنطق مو اول جاهل ما يتكلم في هالسن اطفال واااجد يتأخروون في النطق يعتمد على طبيعة البيئة اللي عايش فيها يمكن ما تطلعين فيه واااجد وتخلينه ويا اطفال اكبر منه شوي يكتسب منهم

ما عليه شر ان شاء الله

اتصلي بمستشفى السلمانية واسألى عن دكتور تخصصه النمو والتطور نست اسمه ووديه،،،، واخيه بعد عند دكتور حراز بعد ممتاز.........طمنينا عليه.....

اختي الله يشفي ولدك ياااارب
خذيه لاي مستشفى حكومي عندكم
وخليهم يفحصوه ويفحصو اذنه
وان شاء الله ما فيه الا العافية

خيوووو

ترى تاخر الطفل في الكلام مو دلالة على انه ما يفهم

ترى عادي في اطفال يتاخرون وهذي قدرات تختلف من طفل لاخر

وكل طفل له مميزات غير عن الاخر

بس عن اللعب يلعب مع غيره من الاطفال ويتاقلم وياهم

ان شاء الله مافيه الا الخير

واذا انت مشككة في حالته اعرضيه على طبيب افضل

السلام عليكم اختي احتمال الله لايقول ان ولدج فيه توحد لان مثل الاعراض الي هي عدم التفاعل مع الاخرين يدور الطفل حول نفسه ويكرر كلمة معينة اكثر من مرة انصحج بمركز عالية لعلاج التوحد هم بشخصون ولدج وبقولون لج اذا فيه توحد او لا الله يطمنج على ولدج يارب

بالنسبه للنطق فسنه عادي للحين ماتكلم

بس سالفه انه ما يتفاعل معاكم هذي ماتطمن

مابي اقولك رد عشان اطمنك و بس

بس ولدك لازم يشوفه دكتور متخصص بامراض التوحد لان نفس الاعراض اللي عنده و ان شاء الله ان شاء الله يكون مجرد تاخر نمو ما يطلع عنده توحد ولا شي

ما عليه شر ان شاء الله

ماا على البطل شر ان شاااء الله

بس سووي نفس ماا قالواا لج البناات و وديه الى طبيب أطفاال و هو يشخص حاالته

و يقووول لج اذا لا سمح الله فيه مشكلة وين اتودينه و شنو اتسووين

من اهم اعراض التوحد انه ما ينطق الطفل ولا كلمه بعد تمام السنه
عدم التفاعل مع الاهل
عدم النظر في عيني الام والاب
طريقه اللعب تكون مميزة اكثرهم مثل ما شررحت الاخت
بعض اطفال التوحد لما يكون يكون عندهم ثورة كبيرة لدرجة التشنج اعتقد
ان شاء الله ما تجتمع كل هذه الاعراض عند طفلك ويكون بخير وسلامه
المهم حتى اطفال التوحد وعن تجربه من ناس معرفه تطوروا ابنائهم نتيجة اهتمام الاهل العاطفيه فيهم